Iemand vra onlangs wat is die moontlikhede wat 2010 vir Suid-Afrika inhou. Hoe meer jy daaroor nadink, hoe groter word die verskeidenheid van moontlikhede. Hoe vinniger die dae verby vlieg, hoe groter is die uitdagings wat omskep moet word in geleenthede. Hier is ’n paar moontlikhede wat ons te wagte kan wees in 2010:   

Ons weet dat die sokkerspul die media en veral die kykkassie sal oorheers. Dit sal ook nie soos in die westerse idioom wees nie. Dit sal beslis in afrikastyl plaasvind. Groot geraas, vreemde klanke en geure sal die Westerling tot die uiterste beproef. Die volksvreemdes se prestasies (indien enige) sal aan die groot klok gehang word, en kykers sal siek en sat word vir die bykans ewigdurende pogings om dié sogenaamde sukses te beklemtoon. Die nederlae en verleenthede sal verswyg word in die mate wat dit moontlik is.- Maar dit is nie waar dinge eindig nie. Die duisende bykomende voertuie op die reeds oorvol paaie, gaan elke vverantwoordelike Westerling se geduld tot die uiterste beproef.- Woonplek en speelplek sal sinnoniem word. Afrika se mense gaan sommer die nuwe stadions inwy met geraas en breek en steel, en word dit sommer slaapplek en as dit kan, die plakkerskamp van môre.  Miskien is dit juis die rede waarom die balskoppers nie die kaarjies verkoop kry nie. Gelukkig is dit die minder goeie deel – daar is ook die slegter deel van die saak.                   

 Diegene wat dink hulle gaan geld maak en vinnig ryk word uit die geskop en kamma-kamma spelery, moet weer dink. Ja, natuurlik gaan die dwelmsmouse en prostitute ’n bykomende klientebasis vind. Hier en daar gaan ’n drankwinkel sy winste geniet. Diegene wat hulle huise verhuur gaan aanvanklik lag in die gesig van sy bankiers – tot die skades bymekaar getel word  en wie laaste lag, gaan die lekkerste lag…… Maar daar is nog ’n ander kant – die kant van ons volk, wat ander moontlikhede inhou:                    

Dinamiese groei in ons volksekonomie  ons Oranjekas, ons oranje sakekamers, ons Oranje sake Instituut, ons volkseie skole, die Afrikanerfront, en elke lidorganisasie.                   

 Ons moet nog harder werk om ons volksregistrasie deeglik gedoen te kry.   Ons moet nog ons lewens verander sodat ons in ootmoed sal leef en werk. As sekere elemente nou begin om vanuit swart geledere hul eie land op te eis, dan sal die Afrikanervolk nie huiwer om op besondere wyse, binne die internasionale spelreels, ook sy eise stel ten einde weer ’n vrye volk in eie land te wees. 2010, eenhonderd jaar na Uniewording, word dalk die draaipunt in ons stryd om vryheid. Bravolanders sal hulle deel doen, deur woord en daad, want die vryheid van ons volk is nie goedkoop nie  en daarom mag ons nie toelaat dat ander dit goedkoop maak nie. Hier kom ’n ding !

http://www.radiopretoria.co.za/Nuuskommentaar.php

 Wanneer ‘n volk, of dan ten minste ‘n kerngedeelte van die volk, namens die passiewe res van die volk ‘n vryheidstryd voer, word sekere opofferings en offers gevra. Ongelukkig is dit so dat dit die klein groepie vasberade idealiste en diegene met die visie van vryheid is, wat daardie offers bring, ook namens die passiewe res van die volk, terwyl daardie passiewe deel van die volk wel uiteindelik die voordeel daaruit gaan trek. Dit was so in die verlede, dit is so in die hede, en in die toekoms sal dit netso gebeur.

Mense wat vanuit Europa vertrek het in die sewentiende eeu, was die klein groepie wat sterk gevoel het oor byvoorbeeld geloofsake, en het daarom na Suid-Afrika gekom. Die Groot Trek, was in wese ‘n trek van ‘n minderheid van die Kaapse bewoners van daardie tyd. Die meerderheid het hulle die verdrukking en vertrapping van die Engelse laat welgeval. Dit was slegs ‘n handjievol Boere wat so sterk oor hulle vryheid gevoel het, dat hulle die lang pad na iewers waar aangepak het. Maar dit was daardie handjievol wat die geskiedenis van hierdie land onherroeplik in ‘n bepaalde rigting gestuur het. Maar dit was ook daardie handjievol wat bereid was om aanvanklik verguis en bespot te word deur die agterblywendes. En dit was daardie handjievol wat die offers gebring het: wat alles agtergelaat het, die ontberings getrotseer het, en wat deur die barbare vermoor is by ‘n Weenen en Bloukrans.