Vir etlike dekades is dit die gebruik om mekaar bewus te maak van die veranderinge wat daagliks plaasvind op elke lewensterrein – en dan kom daar nog die opmerking dat hoe meer dinge verander hoe meer bly dit dieselfde…… wat dit ook al mag beteken.

Ons leef is ’n wêreld waar die tempo gedurig versnel – soos wat die honderd meter naellopers daarin slaag om die rekord te verbeter, net so word die snelheid verhoog met alles wat deesdae gedoen word.

Dan kom die Prediker se Woord weer skerp na vore: Alles is ’n gejaag na wind !

In Suid-Afrika verander dinge gedurig, maar dan kan die uitdrukking ook weer oorweeg word dat alles tog dieselfde bly. Alhoewel die regering en die land se president sekere dinge aanspreek wat ooglopend verkeerd is, gaan die verkeerde dinge ongestoord voort …. Korrupsie verminder nie, werkloosheid verhoog, volksmoord op ons mense gaan voort, skelms wat in polisie unieforms  rond drentel is alledaags, diefstal en verkragting is blykbaar “normale dade” wat veroordeel word sonder om behoorlike wetstoepassing.

Selfs die uitnodiging aan Afrikaners om met die kommunisties gesinde ANC gesprek te voer is nuut en vars, maar tog ook maar net ’n herhaling van vorige pogings soos met Mandela.

Wat hulle (die Afrikaanses en die ANC) wil bereik, is vir beide ’n nuttelose oefening. Slegs ’n paar papbroek Afrikaanses sal uiteindelik baat vind by die babelse byeenkoms. Die ANC kry dalk papperds uit die Afrikaanses se geledere wat soos Niehaus misbruik gaan word.

Die ander moontlikheid bestaan ook, naamlik, dat daar van die Afrikaanses is wat so erg is om gesien te word dat hulle hul laaste bietjie beginsels (as daar iets oor is) ook gaan weggooi.

So verander die wêreld – die Franse stem vir ’n sosialis, die VSA wil weer vir Alibama stem, die Russe stem vir Poetin en Mugabe word deur die wêreld verduur…..

’n Halfeeu gelede sou dinge veel ander gewees het – Russe sou kommuniste wees, gekant teen die vryemark, die Franse sou eerder na De Gaule se kant wou stem, die VSA meer republikeins en niemand sou Mugabe se optrede verdra het nie –  toe was apartheid nog in die RSA van toepassing om wet en orde en ekonomiese voorspoed te verseker sonder geweld en korrupsie en wat nog alles…….

Met al die veranderings raak die wêreld al meer gekompliseerd – rekenaars, iPad en iPod en Swartbessie maak die wêreld kleiner, maak vriende al minder, laat twyfel ontstaan oor die waarheid van die Ewige Woord en is liefdeloosheid ’n kenmerk van hierdie veranderde wêreld.

Bravolanders sal toenemend moet werk aan die waardes waarmee hulle groot geword het. Deur mekaar te bemoedig, mekaar by te staan en te ondersteun, kan daar nog ruimte geskep word vir die geslagte wat kom om in vryheid binne ’n eie staat ons Skepper en ons volk te dien.

Kom ons kyk net ’n oomblik terug. Die Vryburgers gee pad uit die Kaap en vestig hulle in die Oos-Kaap om later weer op te pak en die lang pad Noorde toe aan te durf, die vreemde in….

Toe is dit die een oorlog op die ander – uiteindelik is dit Vegkop en Bloedrivier. Toe vestig twee Boere Republieke, om kort daarna getreiter te word deur die spul Engelse – en Majuba volg. Nie lank nie, of die Onderdrukkers oorwin die twee Republieke met sy geveg teen vroue en kinders in konsentrasiekampe, die verskroeide aarde beleid met behulp van baie hensoppers en joiners.

Hierna volg nog ’n aantal gebeure soos Uniewording, die Rebellie van 1914, die stigting van die Broederbond, Volkskas, die taalstryd, vlagstryd, die herdenking van die Groot Trek 100 jaar, en nog baie ander belangrike dinge…

En toe is die nasate van die joiners weer besig, om uiteindelik die SAUK te kaap, toe val Volkskas, Sanlam, die handelsinstituut, en die Broeders en die NP sorg vir die weggee van Suid-Afrika.

Uit nood gebore word daar weer voor begin. Eie AKB in plek van FAK, eie Radio, eie CVO-skole, en nog ’n hele klomp strukture soos die Verkenners, Aksie Vrouekrag en Volkshulp 2000.

Nou sien ons hoe die joiners weer toeslaan. Op die internet lees ons van hoe die joiners saam met die ANC stryd voer om die RuweLand te maak werk. Bekendes uit bekende kringe is bymekaar.

Die ironie is dat daar blykbaar soveel joiners in sogenaamde gevestigde strukture sit dat daar weinig oorgebly het wat nog getrou bly in die stryd om volksvryheid.

Die feit dat daar verlede Saterdagaand musiek op RadioPretoriavan Emo Adams gespeel is en Maandag oggend wordBrandonOctober se musiek gepromoveer laat seine uitgaan wat nie geïgnoreerkanword nie! Oral hoor ons nuwe klanke van verandering. Dit is opvallend dat musiek en sport weer aangewend word om mense op die nuwe dwaalweg te neem.

Ons hoor en lees van die New Age wat ook besig is om die gevestigde Kerke se lidmate te beïnvloed om die Bybelse waarhede te verruil vir ’n nuwe geloof waarin alle gode ewe goed is, waar almal sal poog om beter te lewe want daar bestaan nie ’n hiernamaals nie, Christus is maar ’n gewone mens en dien as voorbeeld van offervaardigheid en daar was nie ’n maagdelike geboorte of ’n opstanding of ’n hemelvaart nie.

En dan is dit Afrikaners wat voor loop om hierdie dwaalleer te verkondig. Daar is te veel volksgenote wat die dwaalleer aanvaar en die Bybelse waarhede verwerp. Dit is ’n nuwe klomp joiners en hensoppers wat op ’n geestelike vlak tot eergister nog ondenkbaar was.

Die Protestant wat ter wille van sy geloof gevlug het na die suidpunt van Afrika se nasate het nou iets geword wat erger is as om ’n heiden te wees. Genadiglik is daar nog diegene wat die Bybelse waarskuwings oor valse leraars ter harte neem en steeds Protestant en Calvinis bly!

Hoeveel moet hierdie volk nog beleef ?

Die dae toe wit nog wit was, is verby. Die kleurskemas van vandag is sodanig uitgebrei dat wit nie meer “wit” is nie. Neem ’n kleurkaart by die verfwinkel en besluit watter kleur wit vir jou die regte kleur wit sal wees…..

Ewe so is dit in die politieke arena. In Europa is dit reeds ’n “aanvaarde praktyk” om besluitnemers om te koop, want dit is deel van die pakket vir die totale transaksie…..

Onlangs het ’n video oor die wêreld heen gevlieg via die internet waar ’n Amerikaanse Neger, wat betrokke is as prediker by ’n kerk, verwys na die verkeerdheid van swartmense se handelinge. Hy verwys ondermeer na die feit dat Afrika se ontwikkeling toegeskryf word aan die teenwoordigheid van Blankes uit Europa en dat swartmense niks gedoen het om Afrika te ontwikkel nie.

In Suid-Afrika word die blankes daarvan beskuldig dat hulle die grond en land van die swartmense gesteel het en dat die blankes verantwoordelik is vir die agterstand van swartmense in die RSA weens die gebruik van apartheid as maatreël en beleid.

Die feit dat sogenaamde “regstellende aksie” nie die resultaat lewer waarvoor die kommuniste  gehoop het nie, het veroorsaak dat die beskuldiging na die blankes van die land geslinger word dat “hulle steeds bevoordeel word weens die apartheidsbeleid van 20 jaar gelede”.

Uit bovermelde is dit duidelik hoe verward die wêreld is. Niks is waarheid nie, die waarheid het die kleur van die leuen, die leuen is alles behalwe ’n leuen.

In die Woord word die Christen gewaarsku dat hierdie dinge gaan gebeur. Dit sal al moeiliker word om te onderskei tussen waarheid en leuen. Dit gaan moeiliker word om vriend en vyand te identifiseer…….

Daarom is dit nodig dat die Boere-Afrikaner homself sal handhaaf deur nader aan die Woord van God te leef. Dit is nodig dat volksgenote hulle sal afsonder van die dinge wat vreemd is in ons geloofslewe, ja, ook vreemd is vir ons kultuur, ons lewens- en wêreldbeskouing!

Om dit suksesvol toe te pas, is daar sekere waardes wat ons in stand moet hou. Om Calvinis en Protestant te bly word ’n dringende noodsaaklikheid, want daarsonder verskil ons met mekaar oor die betekenis en inhoud van die Woord van God.

Om die ou waarhede in stand te hou, beteken dat ons volkskultuur en die lewensbeskouing onveranderd moet laat en daarop moet voortbou. Miskien is dit juis die feit dat daar te veel volksgenote is wat die ou waardes verwerp, dat die breër siening aan die verander is – en daardie verandering kan noodlottig wees.

Om die stryd meer draaglik te maak vir die Boere-Afrikaners het dit dringend noodsaaklik geword om te fokus en te werk op die herwinning van ons volk se vryheid in ’n eie land.

Maar dan moet dit ons erns wees, en daardie erns moet gestroop wees van aangeplakte konserwatisme. Dit moet ons erns wees soos wat dit Danie Theron se erns was……..

Oor die jare het die Boere-Afrikaner gebuk gegaan onder die liberaliste se aanslag deur misleidende gegewens as volle waarheid oor die wêreld te versprei. Hierdie halwe waarhede is dan ingesout met menings en bevindings van sogenaamde kundiges uit die liberale oorde.

Die Engelse pers het hierin die leidende rol vervul, wat later gevolg is deur die Afrikaanse media wat ook die SABC oftewel die ou SAUK, ingesluit het. Behoudende woordvoerders van politieke partye en kultuurorganisasies het met kommer waargeneem hoe volkseie media strukture geleidelik na links beweeg – koerante, die uitsaaiwese en selfs weekblaaie het toenemend geneig om feite te verdraai.

Hierdie tendens het daartoe aanleiding gegee dat nuwe strukture ter vervanging van die liberale elemente gevestig moes word. Dit was (en is nog steeds) ’n moeisame proses.

Die linkse geldmag het met ’n oordonderende krag alles probeer platvee wat geruik het na nasionalisme of konserwatisme.Omalles vinniger te laat verander na links, is sport aangewend. Dit sou uiteindelik lei tot die stigting van die HNP.

Vandag sit ons maar weer in dieselfde omstandighede. Mense wat bekend is as behoudendes, se ware kleur kom na vore wanneer die druk sterk genoeg toegepas word. Wie onthou nie die “brawe” Pik Botha wat moes instaan vir Suid Afrika op internasionale gebied nie? En die daadkragtige PW Botha, so ook die “skrander” FW de Klerk – almal gevaarlike liberaliste onder die dekmantel van konserwatisme.

Met misleiding van eie skole en woonbuurte word die volk belieg en bedrieg. Tjeks en balanse, ’n Grondwet sonder God – dit alles word pragtig geskilder in die wol van misleiding.

Nou, na bykans twee dekades van oorheersing deur volksvreemdes, beleef ons volk ook iets wat beleef is deur die Boere tydens die Tweede Vryheidsoorlog -. Dit is die hensoppers, die kamma-vredemakers in moderne kleed. Hulle kies ook eerder geld – hulle verkies om te swyg oor dit wat hulle verkeerd gedoen het, en praat soms mooi klinkende woorde met die bedoeling om te mislei en dit te verseël met halwe waarhede.

Iets hiervan reflekteer in ’n “Kommentaar” van die gekaapte RadioPretoria– lees dit aandagtig deur:

……” Werkskeppingkannet gebeur as die land se burgers bereid is om minder te verdien, nederiger te lewe en dankbaar te wees vir elke geleentheid wat opduik. Verskeie Afrikaanse sakeorganisasieskanin dié verband geloof word. Hulle betaal hulle werkers nie waffers nie, maar is uiters tegemoetkomend is ander opsigte soos die versorging van kleuters en die verskaffing van vervoer. Die een hand was die ander hand. Dit is die geheim van werkskepping.”

Die misleiding wat hierin vervat is, dui op een van twee moontlikhede – onkunde of doelgerigte misleiding deur middel van ’n halwe waarheid!

Die RSA beskik oor ’n totale grondoppervlakte van 122 miljoen hektaar. Hiervan is sowat 25% oftewel 31 miljoen hektaar die eiendom van die Staat. Die oorblywende 91 miljoen hektaar is in privaat besit. Die staat se grond is verdeel onder die verskillende provinsies en so ook die grond in privaat besit.

Die staat besit sowat 55% vanGautengprovinsie se grond terwyl die privaat eienaars van Noord Kaap sowat 91% van die grond besit.  Die staat se grond is voor 1994 beskou as witman grond maar vandag kan dit dus beskou word as swartmense se grond en niemand sal kan verhoed dat die Staat daardie grond in sy besit, oorhandig aan swartmense.

Sedert 1995 is sowat 2.6 miljoen hektaar grond aan swartmense oorhandig ingevolge die restitusie program – dit verteenwoordig 2.1% van die land se oppervlakte wat beteken dat meer as 27% van alle grond nou in die hande van swartmense is. Verder is sowat R5 biljoen aan swartmense uitbetaal omdat hulle die geld verkies het bo die grond. Die bedrag sou ’n vêrdere 2,6 miljoen hektaar kon koop wat beteken dat die beoogde 30% grond aan swartmense reeds bereik is. Benewens dit alles is tot 2010 ’n vêrdere 3,1 miljoen hektaar aan swartes oorgedra ingevolge die herverspreiding van grond program van die regering. Dit bring die swartmense se grondbesit op meer as 32%.

Afgesien hiervan vind daar op gereelde basis handel plaas tussen privaat kopers en verkopers. Na raming is daar reeds duisende hektaar op hierdie wyse aan swart eienaars verkoop wat die totale persentasie vêrder verhoog.

Die ander feit wat verreken moet word is dat baie groot dele van die land nooit deur swartmense bewoon is nie. Op daardie gedeeltes het die regering dus geen seggenskap as daar eerlik gemeet moet word. Dit is klaarblyklik nie deel van die proses nie. Selfs Hanekom van die ANC het onlangs erken dat die stelsel van vrywillige koper en verkoper misluk het weens die regering se optrede.

Daar is ’n toenemende neiging in die land om te verstedelik. Van die oorspronklike meer as 60,000 landbouers is daar tans sowat 30,000 oor. Hierdie getal is ook nie almal blankes nie. In die afgelope tyd het landbouers besef hulle het groter grond nodig om effektief te produseer, en dit veroorsaak dat die groter boere die kleineres uitkoop. Sedert 1990 het sowat 11% van die bevolking verhuis na stedelike gebiede.

Hierdie tendense het alles ’n negatiewe invloed op voedselproduksie enkanlei tot voedsel tekorte. Gedurende die afgelope tien jaar was die land dikwels genoodsaak om voedsel in te voer – iets wat voorheen slegs nodig was vanweë klimaatstoestande in die land.

Die volgende is egter belangrik: Die regering verkondig ’n onwaarheid as hy vertel dat swartmense slegs 13% van die oppervlakte besit. Dit is volgens kenners nader aan 45%. Die ander faktor wat in ag geneem moet word is dat die kundigheid op landbou gebied sal verlore gaan as die regering voortgaan om blankes te vervang as voedselprodusente en dat hongersnood dan sal intree soos wat dit die geval is in die res van Afrika.