Dit is prysenswaardig om te sien dat ’n Derdewêreldse staat pogings aanwend om Eerstewêreld standaarde toe te pas en sodoende uit te styg uit die moeras van versukkeldheid en agterlikheid. Die probleem ontstaan egter as daardie derderangse staat nie die nodige meganismes in plek kry om die Eerstewêreldse standaarde behoorlik staande te hou nie.

Daar is talle voorbeelde van hoe state hulle standaarde doelgerig verhoog deur paslike maatreëls te tref. Hier word twee state uitgewys as voorbeelde. Die Verenigde Arabiese Emirate is ’n baie goeie voorbeeld. Alhoewel die land, behalwe vir sy ryk oliebronne, geen ander hulpbronne het nie, is die klein woestynland besig om uit sy nate te bars. Dit word gedoen deur Westerse kundigheid aan te wend op elke terrein van die samelewing. Dit bring mee dat die mees moderne tegnologie aldaar ingespan word om die land tot groot hoogtes te lei.

’n Tweede sprekende voorbeeld is Georgië waar die regering ’n geweldige taak het om sy volk uit die moeras van kommunistiese denke te bevry. Om dit te doen, is kundigheid oor die breë spektrum van die land se bedrywe ingebring, en TLU SA het ’n beduidende rol vervul om die landbou van daardie land weer op koers te kry na sewentig jaar van kommunistiese oorheersing.

Vandag is die land aan die opkom as ’n modelstaat wat as voorbeeld kan dien vir elke sukkelende Afrika staat wat net vêrder in die donker dieptes wegsink.

Dit bring ons terug na Suid-Afrika. Die Eerstewêreld standaarde wat deur die blankedom gevestig is, kon dien as norm om die land vêrder te ontwikkel indien die kommunisties gesinde regeerders net meer wou luister en leer en vir ’n oomblik vergeet van hul magsug wat besig is om die land te vernietig.

As Eerstewêreld tegnologie in ’n derderangse staat gebruik word, eindig dit in ’n gemors as kundigheid ontbreek. Hiervan is daar te veel voorbeelde om op te noem.  ’n OTM het wonderlike voordele vir die bankiers en ook die kliënte, maar in Suid-Afrika is dit ’n onding waar mense oorrompel en besteel word, dikwels vermoor is, en waar plofstof gebruik word om die geld te steel.

’n Tweede voorbeeld is die aanstelling van senior personeel in elke staatsdepartement. In bykans elke geval is die aanstelling polities gemotiveerd en is kennis, opvoedkundige kwalifikasies en werk etiek geensins in ag geneem nie.

Dit lei tot een onafwendbare noodlottige einde – ’n staatsmasjien in totale chaos, met die uiteinde van nog meer korrupsie, bedrog, diefstal, omkopery, moorddadigheid en wat daar nog kan wees om die onderwêreld te beskryf.

Slegs enkele “kleiner” maatreëls kan al ’n aansienlike verskil maak – doen weg met die verkeerd stellende aksie en stel kundiges aan op elke terrein om die werk te doen. Die huidige gebruik om ’n straatveër wat altyd sy werk goed gedoen het daar weg te neem om hom die burgemeester te maak is tog ’n onnosel ding om te doen.

Met sy huidige beleid, sy maghebbers se gemaksug en magsug is die land op pad na ’n Derderangse piesangrepubliek. Die gevestigde en bewese werkmetodes wat in hierdie land gehandhaaf was, is verhewe bo die denke en vermoëns van die onopgeleides wat die regeerders geword het.

Oor die jare het skrywers en lesers toenemend die waarde van die geskrewe woord besef. In vele gevalle het die geskrewe woord as riglyn gedien vir nakomelinge. Anders as dit wat gesê is, is dit wat geskryf staan, feitlik onuitwisbaar.

Ons kan met redelike sekerheid aanvaar dat daar te veel waarhede gesê is wat uiteindelik verlore gegaan het omdat dit nooit neergeskryf is nie. Ewe so kan dit gestel word dat daar waarskynlik baie geskryf is, wat liefs nie op papier moes kom nie omdat dit iemand tot nadeel gestrek het….

In Bravoland is daar baie onderwerpe aangeraak – en alles daarvan is geskryf sodat diegene wat Afrikaans kan lees en verstaan, dit onder die oë kan kry. Op die forum word groot waarhede op skrif gestel wat uiteindelik onuitwisbaar ’n invloed uitoefen op iemand.

Hierteenoor is woorde wat nie geskryf is nie, geneig om weg te raak, of verdraaid te raak deur diegene wat daarna geluister het. ’n Uitstekende voorbeeld is die Radio – en meer spesifiek Radio Pretoria. Daar word ’n duisternis dinge gesê wat deur baie mense gehoor word, maar uiteindelik verdwyn die meeste van dit wat gesê is. Soms gebeur dit dat dit wat gesê is, verkeerd vertolk word omdat dit nie herhaal word nie.

As die vêr-linkse omroeper dan sê dat die persoon wat betaal het om ’n renoster te skiet in een of ander reservaat, eerder geskiet moet word, onthou net ’n paar mense die growwe uitlating wat gemaak is.

Daarom is dit goed dat die tegnologie so goed gevorder het dat alles wat gesê word, ook geskryf kan word sodat dit onveranderbaar staan om nimmer betwis te word nie. So sal die geskrewe woord van die Radio se bestuurdertjie ook onuitwisbaar bly toe hy gereken het dat dit onvanpas sou wees om Marnitz aan te spreek oor sy uitlating.

In die jare wat kom gaan daar nog baie geskryf word oor die wel en wee van die Boere-Afrikaner. Daar sal nog geskryf word oor die nuwe generasie hensoppers en hans-kakies, van werklike helde wat rotsvas staan in die stryd om volksvryheid te herwin.

Netso sal daar nog baie geskryf word oor rasgemengde vakbonde wat Radiostasies kaap, wat selfs die linkse FAK onder hul vlerk geneem het omdat hulle self ook links-liberaal is.

Maar die geskrewe woord sal ook ’n duidelike riglyn bly vir die geslagte wat kom oor “wie het wat gedoen” en wie het die vyand omhels terwille van geld en aansien….. iets wat ook sy littekens gelaat het na afloop van die Tweede Vryheidsoorlog.

Hieroor gaan nog baie woorde op papier verskyn – en die ou tegniek sal dan weer na vore tree:

Ontkenning dat die koers aangepas is.

Om die feite te verdoesel, word daar so af en toe ietsie mooi kwytgeraak, maar die geskrewe woord sal vas bly staan vir ieder en ’n elk om dit te lees……….