Geskiedenis van Bravoland

[Johann Venter]

Elke staat het sy eie geskiedenis.  Wie gaan die taak onderneem om die geskiedenis van Bravoland te boek te stel?

Ek stel voor dat ons begin om 'n soort joernaal aan te hou waarin al die geskiedkundige gebeurtenisse van die vrye Republiek van Bravoland aangeteken word.  As ons nie nou hiermee begin nie, kan daar dalk baie van ons eietydse Bravolandse geskiedenis verlore gaan.  Dit sal baie jammer wees.  'n Volk sonder 'n geskiedenis is 'n volk sonder 'n toekoms.

[Jan Beyers]

Uitstekende idee Johann!

Daar sal werk gemaak moet word daarvan.  Miskien sorteer dit onder departement Onderwys?

[Kleinbekkie]

Dit is regtig jammer dat die heel oorspronlike ontstaan van Bravoland al klaar vernietig is, maar dit keer ons nie om by 21 April te begin nie. As daar iemand is wat dit op hom- /haarself wil neem, ek is bereid om te help.

[Afrikanermeisie]

Ek dink dis 'n briljante idee, ons kan altyd koppe bymekaar sit, want ek glo elkeen van ons het ietsie om by te voeg, en elkeen van ons sien dalk iets uit 'n ander oogpunt.

Iemand kan dalk net die hoofgebeure en datums uiteensit en ons kan almal help om die details in te voeg. Dis net 'n idee. Mens vergeet so maklik die klein dingetjies wat gebeur het, so hoe gouer ons begin, hoe beter.

[Van der Walt]

Johann

Weereens 'n briljante idee!  Ek dink daar behoort seker redelik van die geskiedenis en gebeure in die mense se gedagtes te wees.  Dink net hoe lekker gaan dit wees as ons eendag so na ons geskiedenis kan terugkyk en onthou...

[Stoetbul]

Dit sal noggal wonderlik wees.

[Kleinbekkie]

hehe, Stoetbul, en in die meeste gevalle lagwekkend as ons so 'down memory lane' nou al gaan.

[Ben Geldenhuys]

Welke departement gaan verantwoordelikheid hiervoor aanvaar?

[Johann Venter]

Ek is bly dat almal so geesdriftig is oor die idee.   

Behoort dit nie dalk deur die Departement van Kuns en Kultuur gedoen te word nie? 

[Stoetbul]

Julle sal maar net my insette op Bravo Kompanie moet sensor.  Veral die die geheime bestandeel van die ertjie sop.

[Walter]

Kom ons hou op klets en boekstaaf ons geskiedenis op hierdie draad...

Ontstaan -
Hoogtepunte (soos Ops Wolmer van Junie en Ops Grenspos van Julie)

ens.

[Kleinbekkie]

Bravoland Geskiedenis: Erkenning aan Persone

1. 27 Junie 2007 Bravoland Vlag, bekend as Triomfvlag, voorgestel deur Francois Coetzee
2. 1 November 2007 Bravoland Leuse ontwerp deur Winter Burger

[Kleinbekkie]

Vandag, presies een jaar gelede het Bravoland haar eerste Staatshoof verkies.

[Clem de Klerk]

KB, wat is die mootlikhede om die belangrike gebeurtenisse in datum volgorde geplaas te kry sodat Bravoland se geskiedenis behoue sal bly ?

Dit kan herdenkings geleenthede soveel makliker maak.

[Kleinbekkie]

Ek probeer dit direk op die kalender plaas, maar ek behoort seker so teen Saterdagaand kans te kry daarvoor. Dankie vir die herinnering.

[Clem de Klerk]

Ek gaan vra of die omroeper aan diens nie vir jou "kommandeur kommandeur" wil speel nie - jy verdien dit!!!

[Kleinbekkie]

Geagte Bravoland Burgers

Bravoland is byna vyf jaar oud en dit sal goed wees as ons die geskiedenis tot dusver kan aanteken. Almal wat hiermee wil help is welkom.

[Karina Marais]

Geagte Bravoland Burgers

Bravoland is byna vyf jaar oud en dit sal goed wees as ons die geskiedenis tot dusver kan aanteken. Almal wat hiermee wil help is welkom.

Dankie KB!! Ons kan nie vir meer bekwame hande vir hierdie taak vra nie!

[Alwyn]

Ek persoonlik is maar 'n laatkommer en was nie van die begin af betrokke nie. Ek sien daarna uit om te kan hoor wat julle uitgesnuffel kan kry.

[Karina Marais]

Ek sien KB maak of sy nie hoor nie....

Vir my het Bravoland heel anders begin as vir die 3 stigterslede, ek was nooit deel van Bravo Kompanie nie. Ek het maar getrek oor die krake op die buurplaas later slote geword het.