Toeka se Speletjies

[123 Blok My]

[Stoetbul]

Ek gaan nou weer speel

[Plaas Botha]

Moenie donkerkamertjie vergeet nie...

[Banksie]

en dokter dokter

[123 Blok My]

Plaas
Banksie/Marlize
Baas Jan

Nou julle is veronderstel om te verduidelik hoe die speletjie werk.

 

[Stoetbul]

Spin the bottle

[123 Blok My]

Baie lekker ene Baas Jan.  Natuurlik is ek seker daar was van die meisies wat doelbewus nie verby die seuns kon kom nie.

 

[gelofteboer]

Sekere meisies was "gemerk"

Die mooies het altyd vrek vinnig gehardloop en die nie so mooies wou nie baie vinnig hardloop nie.
 

[Afrikanermeisie]

True, dare or promise. . .

In ons eie weergawe het ons verkies om van True en Promise te vergeet, dit was net "Dare". 

[Ben Geldenhuys]

Die "Waterkloof 4" se speletjie was ook gewild toe ek op skool was.

[Ben Geldenhuys]

hehe

[123 Blok My]

Ek wonder ernstig of daar nog speletjies gespeel word en of die elektroniese toerusting van ons eeu gewen het.

Hier is nog ene

Blikbord

Gebruik 'n blikbord of 'n ou skinkbord. 
Almal sit in 'n kring en elkeen kry 'n geheime nommer wat in sy oor gefluister word. 
Een persoon spin die bord, roep 'n nommer uit en gaan sit weer. 
Die persoon wie se nommer uitgeroep is, moet opspring en die bord probeer vang voordat dit omval.
Hy spin hom dadelik weer en roep weer 'n nommer uit. 
Wie nie die bord betyds vang nie, is uit.
'n Mens probeer die sterkste opponent uitskakel deur sy nommer so vinnig na mekaar as moontlik te roep. 
Die een wat die langste kan uithou, wen die speletjie.

[jeug]

RM
Jy laat ons terug verlang na mooi kinderdae

[123 Blok My]

Blikbord was ook sommer met 'n koekblik se deksel  gespeel.

Jeug, dis natuurlik 'n lekker terugverlang die. 
 

[123 Blok My]

Boompie verplant

Dis verwant aan Derdemannetjie.

Die kinders staan ook twee-twee agtermekaar in 'n kring.  Die buitenste kring kan Adams en die binne kring Evas wees (of enige ander name).  Daar is ook iemand wat met 'n slaanding regstaan en opdragte uitroep.  Hy kan iets uitroep soos: "Evas, drie plekke na regs!" en dan moet al die Evas drie plekke aanbeweeg.  Dan weer: "Adams vyf plekke na links" en so aan.  As hy skree:  "Evas, boompie verplant", moet hulle terughardloop na hul oorspronklike Adam toe en voor hom gaan staan.  As hy skree: "Adam, boompie verplant", moet die Adam sy maat soek.

Die kwaaiste deurmekaarspul is as hy net skree: "Boompie verplant", want dan hardloop almal rond op soek na sy oorspronklike maat.  Die een wat die skreewerk doen, moet ook die slaanwerk doen.  As jy nie gou genoeg by jou regte plek uitgekom het nie, kry jy dit ... natuurlik net speel-speel.

[123 Blok My]

Wie kan nog King Sting onthou ?

Moenie net vra nie, verduidelik sommer ook asseblief  en as daar nog 'n naam daarvoor is noem dit .

[Karools]

Wie kan nog King Sting onthou ?

Ek ken nie hierdie een nie!

[123 Blok My]

Ek is seker hier moet nog mense wees wat speletjies onthou!  Kom plaas dit asseblief hier vir ons.

 

[Karools]

Nouja, daar was wel "verlossinkies" of soms is dit "jaaginkies" genoem, maar ek dink nie dit hoort hier tuis nie - weet nie.

Twee spanne word gekies en die een klomp "vang" die ander, plaas hulle in die tronk (sirkel op die grond getrek) en dan word hulle weer "verlos" deur hul spanmaats.

[123 Blok My]

"Verlossinkies"  "Jaaginkies"

Ek onthou die speletjie  ons het dit iets anders genoem.  Dis een van die dinge:  jy kan nie onthou wat nie, maar sodra jy dit hoor, dan weet jy.