Wiskunde kopkrappers

[Winter]

Karina dis 'n baie maklike raaisel, die moeiliker een kom nog.

Lyk my jy praat weer rotte taal. 

[123 Blok My]

Geheime kode wat onderskep is:


TEIK STROKE TG AD EIDNA VGNIREGEREI DTADM ODI EHKILIEO MTO ORG NIS IAKIRF ADIUS

Suid Afrika is in  groot moelikheid omdat die regering van die dag te kort skiet

[Winter]

Mooi so Roosmaryn....die woorde was presies in dieselfde orde as wat hulle van voor na agter geskryf is.

[123 Blok My]

Mooi so Roosmaryn....die woorde was presies in dieselfde orde as wat hulle van voor na agter geskryf is.

Dit was 'n maklike ene, en ek wou eers vra wat dit nou eintlik met wiskunde te doen het, amper het ek vergeet van die "basiese"  begin begrippe van wiskunde soos: voor/ager, bo/onder, links/regs ens. Gedink jy gaan ons uitvang ne!    
Die kodeskrif is mos eintlik Karina se kos, so ek los dit maar vir haar.

[Winter]

Wie gaan 'n nuwe een uit dink?

[Cois.]

In 'n dam groei 'n waterlelie (reg in die middel). Die lelie verdubbel elke week in oppervlakte. As die dam na 30 weke toegegroei is, na die hoeveelste week was dit halfpad toegegroei?

[Cois.]

Nog een.

Ek het twee ou Suid -Afrikaanse munte in my hand. Een van die munte is nie 'n 5sent nie. Saam is dit 15 sent wat ek vashou. Kan julle raai watter muntsukke ek vashou ?

[Andre]

In 'n dam groei 'n waterlelie (reg in die middel). Die lelie verdubbel elke week in oppervlakte. As die dam na 30 weke toegegroei is, na die hoeveelste week was dit halfpad toegegroei?

29ste

[Cois.]

Andre

Reg en reg !!  Jy kan maar vroeg huistoe vandag !!

[Sannie van der Walt]

Aangesien ek moet leer, is ek lus vir kopkrappers (ek kan nie die enigste een wees wat my breinkrag moet gebruik nie  )

1.  Jy en 'n klomp maats is by 'n oase in die middel van die Sahara gestrand nadat jul voertuig die gees gegee het.  Dit is ses dae se stap na die naaste stad, Timboektoe, en boonop kan elkeen van julle slegs kos en water vir vier dae dra.  Dit is dus duidelik dat julle nie een die staptog alleen sal kan aanpak nie - sy voorraad sal gedaan wees voordat hy by Timboektoe aankom.
Jy word egter gekies om hulp te gaan soek.  Hoeveel van jou maats sal jy nodig hê om voorraad te dra sodat jy Timboektoe kan bereik?  En wat sal jy doen om te verseker dat hulle veilig na die oase terugkeer?

2.  Bennie en Berta ry langs 'n skilderagtige kuspad met min verkeer toe hul motor 'n pap wiel kry.  Gelukkig is daar 'n noodwiel in die kattebak.
Bennie se:  "Ek ruil net gou-gou die band om, Berta", en klim uit.  Hy haal die naafdop af, verwyder die wielmoere en plaas hulle in die naafdop. 
Intussen besluit Berta om te gaan kyk wat Bennie doen.  Toe sy om die motor loop, sien sy nie die naafdop nie en skop dit per ongeluk.  Daar rol die naafdop met die moere daarin oor die afgron en plons in die see
Hoe gaan die twee by die huis kom?

[Ben Geldenhuys]

1. Ek sal twee persone saam met my neem. Na die eerste dag gee persoon A aan my en Persoon B elkeen een dag se kos en gaan terug, na twee dae neem ek een dag se kos by persoon B hy het dus genoeg kos om terug te gaan en ek genoeg om die reis te voltooi.

2. Haal een moer van elk van die ander drie wiele af en gebruik dit op die wiel wat geruil word.

[Sannie van der Walt]

Skerp Ben

Ek sal moeiliker kopkrappers moet vind

[Sannie van der Walt]

Hierdie een is maklik


In n stal is daar mense en perde (almal normaal)
Daar is 22 koppe en 72 voete. Hoeveel perde en hoeveel mense is in die stal?

[Ben Geldenhuys]

14 perde en  8 mense.

[Sannie van der Walt]

Dankie Ben

Ek dink ek gaan nou maar weer leer, jy is heeltemal te slim vandag.

[Sjarko]

Twee vaders en twee seuns vang vis. Elke persoon vang een vis maar altesame het hulle 3 visse gevang.

Hoe is dit moontlik ?

[Kleinbekkie]

  twee het saam die 83kg baber uitgetrek   

[Boo]

Twee vaders en twee seuns vang vis. Elke persoon vang een vis maar altesame het hulle 3 visse gevang.

Hoe is dit moontlik ?

Daar was drie persone wat vis gaan vang het - Oupa (Vader1), Pa (Vader2 en Seun1) en Seun (Seun2)

[Karina Marais]

Twee vaders en twee seuns vang vis. Elke persoon vang een vis maar altesame het hulle 3 visse gevang.

Hoe is dit moontlik ?

Daar was drie persone wat vis gaan vang het - Oupa (Vader1), Pa (Vader2 en Seun1) en Seun (Seun2)

Oupa se slim kind!! 

[Sjarko]

Uitstekend Boo. Die volgende kopkrapper volg binnekort.