Nou ja nou is ek eers bietjie dik vir ons vriende met die hare - dalk tyd dat ons oorgaan na ons vriende met die vere. Soms baie lieftallig en ander kere sommer skoon befoeterd.
Ek glo daar is ook menige Bravolander wat steeds 'n letsel hier en daar het van Mnr of Mev Papegaai.
Wat ek nou al agtergekom het is dat as een van hulle eers vir hom of haar 'n gunsteling in die huis gesoek het kan die ander gaan doppies blaas - hy sal net toelaat dat daardie een hom vryf en tekere gaan, ander sal hy net verdra en ander sal hy eenvoudig net byt omdat hy nie van hulle hou nie.
Om hulle groot te maak en mak te maak verg baie geduld en as hy nie van jou hou nie raak dit amper 'n onbegonne taak met soms pynlike gevolge.
