Oop Gesprek

[Ben Geldenhuys]

Die liberaliste by PU vir CHO het 'n nuwe propagandablad genaamd: Oop Gesprek. Dit word uit gegee onder dekmantel van die filosofie vereeniging (natuurlik 'n ou truuk van die liberaliste, laat die regses dom lyk en vertel almal die liberaliste is slim).

Hierdie propagandablad is begin aangesien die universiteit "bang" is vir die invloed van GK267. Al wat ek hierop kan se is: wel gedaan GK267!!

Berigte in die blad is o.a.:
"Die bullshit van Bloedrivier" - hierin beweer hulle o.a dat Bloedrivier nie 'n wonderwerk was nie en dat die Trekkers moordlustig was.

Ek het nie lus om nou na die res te kyk nie, ek moet nou eers gaan opgooi, die liberalistiese, ruggraatlose, "joiners' het my nou naar gemaak.

Ek sal die strooi so stuk, stuk vir julle plaas, maar wil he julle moet solank aan planne dink hoe ons hierdie pienk seuns op hulle plek gaan sit.

[Ben Geldenhuys]

In hierdie berig kla die liberalstiese bangbroeke omdat hulle "joiner" maatjies apaties is. Liberaliste, die papbroeke wat hulle is, doen mos altyd niks, behalwe om kritiek te lewer op die reg denkende mense se doen en late, so waaroor kla hulle?

[Ben Geldenhuys]

Die eerste deel van hierdie verdwaalde siel se artikel:

[Ben Geldenhuys]

Die tweede deel, let op die "kuns" van 'n leeun verkoop, sit genoeg waarheid in, sodat die leeun waar klink:

[Jan Beyers]

planne dink hoe ons hierdie pienk seuns op hulle plek gaan sit.

Presies hoe ek hulle ook voorgestel het!

[Johann Venter]

Sover my kennis strek was 'n groot gedeelte van die "filosowe" van PU vir CHO in die verlede maar redelik pienkerig tot rooi.  En ons kan ook maar net kyk na wie die huidige rektor van die "Noordwes Universiteit" is.

[Afrikanermeisie]

Die aanhangsels in die eerste poste het ongelukkig weggeval met die oordrag van die forum.

Volksblad 20/06/2008

Bloedrivier-artikel skok
Nuusbrief op NWU-kampus is glo uittartend
Alet Rademeyer

PRETORIA. – Die Federasie van Geloftefeeskomitees het ’n ope brief aan dr. Theuns Eloff, rektor van die Noordwes-universiteit (NWU), gestuur waarin hy sy skok uitspreek oor ’n gewraakte artikel van die filosofieverenging van die universiteit onder die titel Die bullshit van Bloedrivier.

Die artikel het in die Desember-uitgawe van OOPgesprek, nuusblad van die filosofievereniging van die NWU, verskyn.

Mnr. Theuns de Wet, voorsitter van die federasie, het gesê die artikel het eers op ’n vergadering vandeesweek onder die federasie se aandag gekom.

Hy het sy verontwaardiging uitgespreek dat die universiteitsowerhede hoegenaamd sulke nuusbriewe op die kampus toelaat.

“Die artikel is nie net uittartend teenoor ’n groot en gerespekteerde deel van die Afrikanervolk nie, maar getuig van uiters swak smaak en taalgebruik wat spreek van uiters swak grammatikale kennis en wat deurspek is van woorde wat nie in enige beskaafde geselskap tuishoort nie.”

Die federasie het ook gesê hy vind dit laakbaar dat in ’n ander uitgawe van die nuusblad die spot gedryf is met die vorige PUK-kandelaar-embleem en die leuse In U lig wat verander word na In NWU lig.

Wat die Bloedrivier-artikel betref, het De Wet gesê dit wemel van geskiedkundige onjuisthede en belaglike gevolgtrekkings. Hy het gesê om na die moorde by Bloukrans, Wenen en Slagtersnek as “veldslae” te verwys, is om die minste te sê belaglik.

“Om te suggereer dat dit eers of slegs die ou Nasionale Party-regering was wat erns met die herdenking en nakoming van die Gelofte gemaak het, is net so ’n wanvoorstelling as die veralgemeende stelling dat dit deur die betrokke regering verabsoluteer is.

“Duidelik weet die skrywer nie van die herbevestiging van die Gelofte en die Paardekraalverbond van 1880 nie, ook nie van die herdenking van die Gelofte tydens die Tweede Vryheidsoorlog en daarna nie – lank voor die stigting van die NP wat eers in 1942 die regering geword het.”

Volgens De Wet weet die skrywer ook nie van die goeie verhouding tussen die Voortrekkers en koning Panda van die Zoeloes, die opvolger van Dingaan nie en ook nie van die uitdelgingsoorloë van Tsjaka, Silkaats en Dingaan nie.

Die ergste misleiding waaraan die skrywer skuldig is, is om te beweer dat die Voortrekkers nie die oorwinning van Bloedrivier as ’n oorwinning vir die Christelike beskawing gesien het nie en dat hulle nie erns gehad het met hul Christelike roeping om die evangelie uit te dra nie, het De Wet gesê.
Hy het gesê die federasie is teleurgesteld dat die universiteitsraad so ’n swak nuusbrief op kampus toelaat wat beslis verhoudinge tussen studente sal vertroebel. In die artikel verwys die anonieme skrywer na verskeie “mites” rondom Bloedrivier, soos dat ’n wonderwerk was en dat God aan die kant van die Afrikanervolk staan.

Die universiteitsbestuur was gister heeldag in vergaderings en het onderneem om vandag kommentaar te lewer.

[Afrikanermeisie]

Ek wonder wat sou gebeur het as dit Afrikaners was wat die ander nasies se geskiedenis beledig het...

NWU gaan nie optree teen student
Artikel ‘vryheid van spraak’
Alet Rademeyer

PRETORIA. – Die Noordwes-Universiteit (NWU) glo aan vryheid van spraak en gaan nie stappe doen teen die student wat ’n artikel onder die titel Die bullshit van Bloedrivier geskryf het nie.

Prof. Annette Combrinck, rektor van die Puk-kampus van die NWU, het gister gereageer op ’n brief van die Federasie van Geloftefeeskomitees wat hul skok oor die artikel uitgespreek het.

Die artikel het in die Desember-uitgawe van OOPgesprek, nuusblad van die filosofievereniging op die kampus, verskyn.

Die federasie het gekla oor die swak taalgebruik in die artikel sowel as “geskiedkundige onjuisthede en belaglike gevolgtrekkings”.

In die artikel is onder meer na die moorde by Bloukrans, Wenen en Slagtersnek as “veldslae” verwys.

Daar is ook verwys na verskeie “mites” rondom Bloedrivier, soos dat dit ’n wonderwerk was en dat God aan die kant van die Afrikanervolk staan.

Mnr. Theuns de Wet, voorsitter van die federasie, het gesê die ergste misleiding waaraan die skrywer skuldig is, is die bewering dat die Voortrekkers nie die oorwinning by Bloedrivier as ’n oorwinning vir die Christelike beskawing gesien het nie.

Combrinck het gesê die filosofievereniging bestaan uit ’n groep studente en die NWU borg nie die nuusbrief nie.

Sy het gesê daar is verskillende denkskole rondom Bloedrivier en die Gelofte en die student se artikel verteenwoordig een daarvan.

Sy het gesê die NWU se standpunt is dat hulle geregtig is op hul mening.
Sy het gesê daar is begrip daarvoor dat die verpakking van die artikel in studentetaal die klaers kon ontstel en daarvoor kan verskoning gevra word.

Combrinck het voorts gesê die studente het die reg om hul menings te huldig. “Hulle is op universiteit om hul idees te slyp en wat die taalgebruik van die artikel betref, kan die universiteit ’n rol speel om hulle te leer oor hoe om aan ’n akademiese diskoers deel te neem.”

[Ben Geldenhuys]

Vryheid van spraak? Nou wat van GK267 se vryheid van spraak? Of het net die na-praters van die NWU daardie vryheid?

[Ben Geldenhuys]

Ek merk toe dat skewe-BEELD sy lesers die geleentheid bied om kommentaar te lewer op die eerste artikel. Insiggewend is dat almal wat kommentaar lewer, die PUK veroordeel:


NWU GEWRAAKTE UITLATING, 20/06/2008, Anton
Mnr. Theuns de Wet, voorsitter van die Federasie van Geloftefeeskomitees moet darem net sy feite regkry - die Rektor van die NWU is laaaankal nie meer Prof Theuns Eloff nie maar wel Prof Annette Combrink.
Nietemin - die feit dat die NWU hierdie stelling enigsins toegelaat het strek hulle beslis nie tot eer nie. SIES!! Ek hoop nie hulle gaan nou ook soos die voorsitter van die ANC Jeugliga hulle self probeer distansieer van die artikel nie!
Jy moet maar die gevolge van wat jou instansie doen of sê dra. Die reaksie van NWU sal BAIE interessant wees!! 
 
Bloedrivier, 20/06/2008, Juan
Onwaarhede & leuens kan nooit verander wat God vir 'n volk gedoen het op daardie besondere dag nie. Daardie God leef nog steeds en ontferm Hom nog net so oor volkere, nasies & mense. Alle eer aan Hom, Here wees ons genadig! 
 
Bangbroek!, 20/06/2008, Saartjie
Aan die 'anonieme' skrywer: is jy bang of hoekom wil jy nie jou naam noem nie? Jammer ou pêl - ons almal weet dalk nie wie jy is nie, maar God (aan wie die GELOFTE gemaak is) weet! Jy is 'n loser man. 
 
Bloedrivier, 20/06/2008, Lillian van den Berg
Wyk, Satan, wyk! Die belofte wat ons voorvaders afgelê het voor die slag van Bloedrivier sal net waarde hê vir diesulkes wat aan 'n Lewende God glo! Heidene sal dit nie verstaan nie! 
 
Bloedrivier, 20/06/2008, PC Badenhorst
Om die oningeligte, kwaadwillige en daarby nog anonieme ploert soos die skrywer van die gewraakte artikel te verwerdig met 'n teenargument of hoegenaamd gesprek, is sinneloos.
Ek is bereid om minstens R5000 by te dra tot die regskoste van enigeen wat die persoon te lyf wil gaan - ek is self ongelukkig te oud. 
 
Skokkend!, 20/06/2008, Rethie
Dis met jammerte en skok dat ek die artikel lees. PUK is my alma mater, maar na so iets toegelaat is, wonder mens ernstig of dit nog werd is om PUK as alma mater te erken! Ek stem saam, die ware Afrikaner ken die geskiedenis en sal dit so aan sy kinders oordra. Ten spyte van al die nuwe variasies en leuens wat verskyn! 
 
Lank lewe die Boere geskiedenis, 20/06/2008, dune
Ten minste het ons as Afrikaner-Boerevolk 'n vol en ryk geskiedenis en het ons die moeite gedoen om ons geskiedenis aan ons nageslag oor te dra, maar nou wil parasiete soos die 'anon' wat heel moontlik nie 'n trotse geskiedenis het sy jaloesie kom toon deur sulke snert kwyt te raak. Lank lewe my Afrikaner-Boere geskiedenis en ek maak seker dat my nageslag die ware feite ken - dit is ook hulle trots net soos wat dit my trots is. 
 
Bloedrivier, 20/06/2008, Marius H. van Staden
Hierdie klink weer na die tipiese Deon Maas-mentaliteit. Dit is vir my duidelik dat die anonieme skrywer 'n identiteitskrisis het en in homself as mens() twyfel.
Ons as Boere-Afrikanervolk moet maar aanvaar dat die bose nog menige aanvalle van hierdie onjuiste aard gaan maak. Gelukkig ken ons die waarheid! 
 
Afrikaner Afrika weeskind, 20/06/2008, Henk Stander
Dit is vir my hartseer dat 'n universtiteit soos Potch so gretig is hom te vervreem van die Afrikaner. Na aanleiding van die gebeure by Reits op Kovsies het die Afrikaanse student weer die warm patat van die akedemiese wêreld geword en is almal vinnig om aan die wereld te wys dat hulle niks met die Afrikaner of sy taal of sy geskiedenis te doen wil he nie.
Laat ons onthou wie hierdie land gebou het en wie hom weer gaan moet oor bou as ons huidige onbevoegde diktatorskap hom op gekoffie het. 
 
Bloedrivier, 20/06/2008, Nico
Enige volk sonder 'n geskiedenis is op die afdraande pad en dan ook 'n volk/nasie sonder trots.
Ons moet baie versigtig wees om nie met sulke snert mense aan alle kante van die samelewing van sy geskiedenis/trots te ontneem nie.
(Dit wil voorkom of die artikel juis dit doen, want dit is totaal verdraaide gemors) In tye van hande vat, van saamstaan, van dalk saam weer Godsdiens hou, is die artikel juis besig om ons verder van mekaar en van geloofswaardes weg te neem. Word asb tog net wakker! 
 
, 20/06/2008, Pieter Steyn
Laat die kokaïene kop kosie met die minderwaardigheidskompleks wat die artikel anoniem geskryf het, maar glo wat hy/sy wil.....soek seker maar net 'n bietjie aandag by die grootmense? 
 
http://www.news24.com/Beeld/Suid-Afrika/0,,3-975_2343699,00.html