Hoe gaan ons ons eiendomme behou?

[Jan Beyers]

Die afgelope ruk het ek baie te doen gehad met mense wat hul huise en plase nie meer kan betaal agv die ekonomiese druk en meestal oor te veel agterstallige skuld.

Dit tref my elke keer dwars in die krop as ons volksgenote hul huise en plase aan die banke moet teruggee agv agterstallige skuld.  Baie keer sit die mense sonder heenkome en verloor amper alles.

Gaan daar dalk 'n manier wees wat ons sulke mense hier in Bravoland kan help?  En onsself dalk ook?

Is daar dalk 'n ander manier behalwe dalk ons spaarklub?  Hoe kan ons sulke mense help, maar ook genoeg fondse bekom om meer en meer te help?

 

[Walter]

Ek kan nie sien dat daar 'n ander manier as die Spaarklub gaan wees om sulke mense te help nie.

[Sjarko]

Jan,

Ek het heelwat hieroor nagedink en mag dalk 'n oplossing he wat sal verseker dat ons mense uit die skuld kom en steeds die dak oor hulle koppe hou. Hulle word ook nie uitgebuit in die proses nie. Miskien moet ek en jy bietjie praat.

Groete.

[Jan Beyers]

Sjarko, dit sal goed wees.  Ek kan baie mense help wat in die knyp is agv my beroep.  Ek het ook 'n idee of twee, so pm of epos my gerus.

Groete