Hoekom is daar so min mense in Orania?

[Winter]

[Afrikanermeisie]

'n Interessante perspektief oor die onderwerp:

[liefstetannie]

EIENDOMSPRYSE in Orania baie hoog... Ek is tans in Amerika wil 'n plekkie in Orania aanskaf met my seun en my sus,Die eiensdomspryse is egter myns insiensI onrealisties hoog. Ek het hulle ge_e-mail
en in antwoord slegs 'n uitnodiging ontvang om aan te sluit by vriende van Orania.

Die volgene is my persoonlike mening en ek hoop van harte nie om enige persoon aanstoot te gee nie.

-Ek stem volkome met genoemde werksgeleenthede saam.Ek het ook al ondersoek ingestel en ook ondervind werk is skaars en gemik op arbeid.Ek moes besluit lewe daar en verarm of vlug en verryk.Ek het gevoel ek sal meer beteken oor die lange duur om te vlug,verder te studeer en nuwe ervaringe in my beroep op te doen.Tot dus ver verloop alles volgens plan.Net een groot probleem is dat ek nou so lekker lewe dat ek begin vergeet waar my wortels is.Ek woon in New Zeeland.Dankie vir Bravoland wat my aan my wortels herhinder.
-'n Interressante waarneming in New Zeeland is dat hier min arbeid is.Slegs super rykmense het huishulp.Ambagsmanne werk alleen en maak self agter hulle skoon.Meeste vrouens werk ook.Mans en vrouens maak saam huis en tuin skoon.Ek sien gereeld vrouens gras sny.My vrou knyp my as ek se dit is nou 'n voorslag vrou daai.Boere melk +-500 beeste sonder hulp.Sy vrou help hom.Indien nie het hulle gewoonlik een hulp wat +-N$1500 per maand verdien met rantsoen en behuising.Ek se nie dit is hoe dit gedoen moet word nie ,maar dit laat my dink as hulle kan, kan ander ook.
Die rede vir my storie is dat arbeid nie as verskoning kan gebruik word nie,t.o.v. verwaarlosing,produksie ens.Ek glo die woord arbeid moet verdwyn uit enige verskoning.
-Behuising.Goedkoop behuising sal mense lok.Ek merk waarde van huise het gestyg in Orania.Kleinfontein het ook net duur behuising.Mag net welaf  Boere Volkstaat bou?
-Nywerheispersele die selfde storie.
-Dit wil voorkom asof die met regtig geld nie in 'n Volkstaat wil infesteer nie.Een ordentlike fabriek in Orania sal 'n groot verskil maak.Die welaf mense met wie ek al gepraat het is bang om gebrand te word.Meeste van hulle is al deur volksgenote erg verniel(arbeid+bestuur)Hulle antwoord was toe meganisasie.Dit was duur maar nou lag hulle bank toe.Van hulle het wel ondergegaan.

Ek vra onverskoning as ek enige persoon ontstel het.Help my reg as ek gorrel.

[Afrikanermeisie]

Baie welkom in Bravoland, liefstetannie.

Ek het so twee weke gelede by die Orania Beweging aangesluit, ek wil nog eendag gaan kyk hoe dit daar lyk en bietjie hulle vakansie-oord besoek. Ek weet van nog mense wat belangstel om grond daar aan te skaf, maar hulle is nog nie in die stadium waar hulle begin pryse uitvind het nie.

[Werner Pereira]

Ek was twee keer in Orania vir langnaweke, en gaan more weer vir die skou en om 'n paar erwe te besigtig. My ervaring was baie goed behalwe vir een ding, en die kwessie is nog nie geopper op hierdie draad nie: Dis klein. Baie klein. Ek het in Vanderbijlpark grootgeword, wat self nie 'n stad is nie, maar die "kleingeit" van Orania het my oorweldig. Ek sal moeilik aanpas. Hierdie probleem is natuurlik 'n hoender-eier-katarsus, want as niemand wil gaan nie omdat dit te klein is, sal dit nie groter word nie.

Die ander probleme wat hier bespreek word is natuurlik geldig, maar mens moet jou nie vaskyk in ekonomiese probleme nie. Afrikaners word daagliks gedwing om entrepeneurs te word, a.g.v. AA en BEE en al die ander nare afkortings, en almal weet tog 'n Boer maak 'n plan. So 'n plan kan jy maklik in Orania maak, want die gasvryheid en onselfsutigheid wat ek daar ondervind het, is verfrissend. Sout-van-die-aarde-mense. En ek is seker daar is meer akademici per capita in Orania as enige ander plek in die wereld. Slim mense.

Ek sal ieder en elk aanraai om te gaan kuier daar, daar is pragtige chalets in die woonwapark en baie ander gastehuise (kyk op www.orania.co.za), en gaan om te bewonder, nie te oordeel nie. Onthou, hiedie mense het baie prysgegee om vry te wees, en ons almal sal die vrugte van hulle suksesse pluk.

[Afrikanermeisie]

Ek is nou so keelvol vir geweld in hierdie land, selfs Kanada het vanoggend vir my soos 'n maklike uitweg gelyk, toe besluit ek maar om eerder eiendomme in Orania te kyk. Hierdie lyk vir my na uitkoms, 'n nuwe meenthuiskompleks in Orania:

Adres / Address: A121, Hoek van Pêrellaan en Marmerstraat
Prys / Price: R475,000
Gebou m² / Building m²: 92
Erf m² / Stand m²: 330    
Status: Active

Slaapkamers / Bedrooms: 2
Badkamers / Bath Rooms: 1, met bad, stort en wasbak
Aparte Toilet / Seperate Toilet: 1
Sitkamer / Lounge: 1
Kombuis / Kitchen: 1
Motorhuis / Garage Size: 21 m² (afdak)
Sonkamer / Sun Room: stoep 21 m²
Dienste / Services: Alle dienste beskikbaar (krag, water, riool, vullisverwydering).
Ekstra / Extra: Werf met ingeboude braaier

Ek weet nog net nie watse werk ek daar gaan doen nie, dalk het die nuwe radio vir my 'n plekkie... 

http://www.afsaal-op-orania.co.za/

[Cois.]

Sjoe.

Karina my motorhuis is 90vm..... Dit is nie meenthuise nie..  Dit is pandokkies of "buitehuisie"

[Afrikanermeisie]

Cois, as jy jonk is moet jy maar onder begin... 

Ek bly op die oomblik in 73vk m. so die 90vk m. sal soos 'n huis voel. 

[Winter]

Nee vrekkit...dis darem maar klein. Die prys is geheel mal.

[Afrikanermeisie]

Haha, die pryse in BFN is nog maller, en dan is dit nog 20vk m. kleiner ook...

[Plaas Botha]

Hoe klink 68vm vir R700 000? 2slp kamer, 1 badkamer, motor afdak

Van die goedkoopste woonstelle in Hartenbos.

[Afrikanermeisie]

Die ATKV se e-blok is goedkoper (maar ook net 'n bietjie, hulle rook deesdae die kampeerders...) 

[Winter]

Klink my julle wil nou in duur duiwehokke bly in stede van huise. 

Mens kry seker mense wat mal genoeg is om soveel geld uit te haal vir so min.

[Clem de Klerk]

Neem kennis dat huispryse reeds besig is om te daal - in Pta word dit gestel op 10-11% volgens die mees onlangse opname.

Hierdie tendens gaan waarskynlik voortduur solank as rentekoerse styg. Die agterblyers wat so in die blanke gebiede begin woon het, kom agter dat dinge nie so maklik is nie veral as hulle nog die duur duitse moter se paaiement ook nog moet betaal.

Die tendens sal mettertyd uitkring oor die land - na verwagting sal die kusgebiede (Plaas se wereld) die lasste en ook die minste beinvloed word.

[Sanderis]

Wat van 'n Bravoland Ken Mekaar Koffiekroeg en Gastehuis in Orania ? Wat dien as Internet-kafee ook .
Dit kan mos werk ?

[OssewaTdi]

Ek was in April daar in Orania vir 2nagte en dit was wonderlik.Het by die woonwapark in 'n houtchalet gebly.Hulle is tans besig om 'n spa op te sit daar.Die mense was ongelooflik vriendelik.Ek sal weer terug gaan.Ek wil ook 'n besigheid daar begin,maar wat? Ek wil help om die Orania beweging sterk te maak.

[Clem de Klerk]

TDi, miskien kan jy begin deur kontrak te sluit met die inwoners en die Orania dorpsraad om hulle sypaadjies en strate in goeie orde te hou

Net 'n gedagte - want plek-plek verdien dit aandag.

[Kleinbekkie]

TDi, miskien kan jy begin deur kontrak te sluit met die inwoners en die Orania dorpsraad om hulle sypaadjies en strate in goeie orde te hou

Net 'n gedagte - want plek-plek verdien dit aandag.

Sjoe, net toe ek begin dink dat ek al een is wat dit raakgesien het. Ek neem hulle nie kwalik nie, die mense werk seker maar hard. Ek het egter nie die mense so vriendelik ervaar nie 

[Ben Geldenhuys]

Ek verneem die sypaadtjie uitdaging is aangespreek. Die stadsraad het die sypaadjies aan die inwonders verkoop. Die sypaadjie voor jou huis, is dus jou verantwoordelikheid as jy in Orania woon.

Dit sal egter nie verseker dat die sypaadjies netjies gaan wees nie, miskien het Orania 'n tuindiens nodig.

[Afrikanermeisie]

Ek hou van Sanderis se idee. Maar ek dink daar is seker al te veel gastehuise. Ek hou van die internet-koffiekroeg-idee, eg Bravolandstyl.