Dagse Bravolanders.
Gun my die spasie en tyd om die volgende aankondiging te maak.
Huis van Oranje het die inisiatief geneem om nog 'n Boere "bank" (spaar en krediet Kooperatief - SKK) op die been te bring vir die volk. Dit word gedoen in die wyer plan om ons volk finansieel weer vry te maak, en 'n eie volksbank gestig te kry. Soos julle reeds weet het Orania en Kleinfontein reeds sulke "banke".
Die beplanning van die Huis van Oranje Spaar en Krediet Kooperatief is al so ver gevorder dat ons nou kan aankondig dat volksgenote wat belangstel daarin, kan aandele reserveer en opneem in die SKK. Die aandeel prys is R100 per aandeel, met 'n minimum van 5 aandele wat opgeneem moet word. Die bankrekening is al ge-open, en 'n stigtingsvergaderingsdatum is vasgepen. Die stigtingsvergadering sal plaasvind op Saterdag die 27ste September 2008 om 10 uur. dit sal plaasvind in die TLU gebou te Silverton se saal. Die adres is :
Jamesrylaan 194
Silverton, Pta.
Alle volksgenote word dringend opgeroep na die vergadering, sodat ons met 'n spoed kan wegspring.
ENIGE VOLKSGENOOT WAT BELANGSTEL OM AANDELE IN DIE SKK TE BEKOM, EPOS MY GERUS BY jan@hvo.co.za VIR VERDERE INLIGTINGHier onder volg 'n verdere verduideliking wat 'n SKK is, en hoe hy bedryf word :
1. INLEIDING TOT ‘n SKK
1.1 WAT IS ‘n SKK?Die afkorting wat gebruik word, staan vir Spaar en Krediet Kooperatief. ‘n SKK is ‘n demokratiese, unieke lede gedrewe, self help Kooperatief. Dit word besit, beheer en bestuur deur die SKK se lede wat ‘n gesamentlike doel het. Die lede kom ooreeneen om hul geld in die SKK te spaar, en dan die geld te begruik om vir mekaar uit te leen teen ‘n redelike rentekoers. Rente word gehef teen die lenings, om die beleggings se rente te dek, asook vir die administrasie en beheer van die SKK. Daar word geen winste uitbetaal aan buite instansies nie, en die besluit oor wat om met die winste te maak, berus by die lede.
‘n SKK is ‘n demokratiese organisasie wat beteken dat die lede ‘n direksie verkies, en die direksie verkies ‘n bestuur om die SKK te bedryf en mense aan te stel. Daar word ook ‘n toesighoudende komitee deur die lede aangestel om toe te sien dat die SKK goed deur die direksie bedryf word.
‘n SKK is nie :
• ‘n Stokvel of spaarklub nie, maar ‘n stokvel of spaarklub kan lede van ‘n stokvel wees.
• ‘n kommersiele bank wat mense wegwys oor slegte skuld
• ‘n franchise of maatskappy wat ‘n leningsskema bedryf vir hul eie voordeel
• ‘n “loan shark” nie
1.2 DIE BELANGARIKHEID VAN “N SKKSKK’s skep ‘n geleentheid aan sy lede om sy eie geldsake in sy eie omgewing te beheer en te bestuur. Van die ander voordele van ‘n SKK sluit in :
• Die beleggings van sy lede word lokaal aangewend tussen die lede vir lenings. ‘n Idiale model leen 80% van sy beleggings uit aan die ander lede. Die geld werk en bly tussen die lede.
• Die rente wat ‘n SKK betaal op beleggings en vra op lenings is oor die algemeen beter as die kommersiele banke omrede ‘n SKK baie laer oorhoofse kostes het.
• ‘n SKK moedig die lede aan om te spaar, wat in die huidige omstandighede ‘n goeie beginsel is.
• ‘n SKK leer sy lede om hul geld goed te bestuur, en hou sy lede weg van “loan Sharks” en ander volksvreemde organisasies
• ‘n SKK verklaar dividende op sy aandele sodra die SKK ‘n wins toon. Dus is daar voordele in vir die lede sodat hulle ‘n deel van die wins van so ‘n SKK kan kry.
• ‘n SKK maak nie winste uit buite instansies en bedrywighede nie. Alle gelde word deur die SKK se lede gein. Omdat dit mede-lede se gelde is, voel die leners verplig om hul lenings gereeld te diens en te betaal.
• Lenings word verseker in ‘n SKK. Dus as die lid doodgaan, word sy leningsbedrag betaal uit die versekering
• Gelde wat gegenereer word, kan as die lede so instem, aangewend word vir die volkssaak.
1.3 OPERASIONELE ASPEKTE IN DIE BEDRYWING VAN ‘n SKKOm ‘n SKK te bedryf is soos om jou eie bank te bedryf. Geld word ingeneem as beleggings en spaar rekeninge, en daardie geld word aan die ander lede geleen. Die bestuur daarvan is totaal in die hande van die lede. Rente word bepaal deur die SKK, so-ook wat om te maak met die surplus. Die hele bedryf is die verantwoordlikheid van die lede, en as die SKK ‘n gemors maak van die saak, is dit die lede se verlies. Enige iemand wat wil bele in ‘n SKK, word ‘n lid van die kooperasie en moet aandele opneem. So het die lid dan ook insae in die bank en sy bedryf. Dus word die geld en ALLES deur die lede beheer, en hulle is die hoogste gesag.
1.4 DEMOKRATIESE STRUKTUUR VAN ‘n SKK‘n SKK behoort aan die lede, en die lede bestuur die SKK. Enige iemand kan ‘n lid word van ‘n SKK solank hulle in die kriteria pas van die groep. ‘n Kooperasie mag iemand weier om lid te word, sonder om enige redes te gee. Die lede stel ‘n groep van direkteure aan, asook die toesighoudende komitee. Die direksie kan dan ‘n bestuurder en/of klerke aanstel om die dag tot dag bestuur te doen. Die direksie stel ook ‘n kredietkomitee en opleidings komitee aan.
Die lede stel ook ‘n ouditeur aan wat die boeke op jaar tot jaar gronslag moet oudit. Daar moet elke jaar ‘n ledevergadering gehou word, en elke jaar moet ‘n sekere persentasie van die direksie uittree.
1.5 PRODUKTE WAT ‘n SKK KAN AANBIEDDie produkte wat ‘n SKK aanbied hang gewoonlik af van die lede se behoeftes en belange. Van die produkte waarmee ‘n SKK kan afskop is:
• Aandele – Lede moet aandele aankoop in die SKK omsodoende deel te wees van die SKK. Die aandele prys en minimum vereistes word deur die SKK bepaal.
• Spaarrekeninge - Lede kan hul spaargeld na die SKK bring waarmee hulle rente verdien. Die spaargelde moet teen enige tyd beskikbaar wees vir ontrekking. Die SKK kan bepaal wat die minimum bedrag op ‘n spaarrekening is. Lede kan ook maadeliks bydrae aan hul spaarrekening
• Noodlenings – Lede kan maandelikse noodlenings neem by die SKK. Die bedrag wat klasifiseer as ‘n noodlening word deur die SKK bepaal.
• Langtermynlenings – Lede kan langtermynlenings van die SKK kry vir enige iets wat hul benodig. Van ‘n besigheids vestiging tot huislenings. Die lenings prosedure kan die terme en rentes bepaal.
• Lang termyn beleggings – Lede kan beleggings maak wat vas bele word vir ‘n bepaalde tydperk. Die SKK kan dan daardie geld aanwend om rente te produseer.
• Begrafnis en lenings versekering – ‘n SKK kan ook die dienste aan sy lede bied.
• Op die langer termyn kan gekyk word na Debiet en Kredietkaarte, Internet bankdienste en cheques.
1.6 VOORDELE VAN DIE SKK AAN DIE INDIWIDUSodra ‘n SKK gestig is, neem die indiwidu meer kontrole oor sy eie geld. Hy het insae in oor hoe die geld spandeer en bele word, en kan ook die direksie kies vir die bestuur van die bank. As die SKK ‘n surplus toon, kan die lid besluit hoe die gelde aangewend moet word om die lede te bevoordeel. So bly die geld en bestuur in die volk se hande. Omdat die SKK baie lae oorhoofse kostes het, kan beter rentes aan die beleggers betaal word, en die leners kan minder rente betaal op hul lenings.
1.7 KORT GESKIEDENIS VAN DIE SKK BESTEL‘n Spaar en Krediet Kooperatief se idee het eerste begin in Duitsland in 1870. Kanada, Amerika, Australie en Ierland is die lande waar die idee die beste gevestig is. In van die lande is die Spaar en Krediet Kooperasies groter as die kommersiele banke. Oor die wereld is daar oor die 100 Miljoen mense in meer as 60 lande waar hulle hul banksake doen deur ‘n SKK.
In Suid Afrika het SACCOL (beheerliggaam) ontstaan in 1993. Die statistieke van die hoeveelheid SKK’s in SA is soos volg :
Jaar SKK’s Lede Deposito’s Lenings Bates
2006 33 12608 R 46 416 168 R 34 536 722 R 50 627 069
2005 44 11956 R 35 632 154 R 27 259 927 R 42 752 022
2004 36 9818 R 24 469 260 R 21 571 004 R 29 972 251
2003 24 8399 R 18 424 398 R 16 779 823 R 22 890 694
2002 23 8776 R 14 893 630 R 14 707 855 R 19 298 451
1.8 BEHEERLIGGAAM SACCOLSACCOL – Savings and Credit Co-operative League
Saccol het drie funksies :
• Representative by die volgende organisasies :
WOCCU (World council of Credit Unions)
ICA ( International Co-operative Alliance)
SANASSCO (Southern Africa Savings and Credit Co-op Associations
FSCC (Financial Sector Campaigns Coalition)
SARB (SA Reserve Bank)
Registrar of Banks
DTI
CIPRO
National Treasury
NLR (National Loan Regulator)
Bankseta
• Om opleiding en strukture daar te skep vir SKK’s
• Om SKK’s te monitor en re reguleer
SACCOL word beheer en bestuur deur die onderskeie SKK’s. Op SACCOL se jaarvergadering word die bestuur, asook fooie van SACCOL deur die onderskeie SKK’s bepaal. ‘n SKK kry die hoeveelheid stemme wat bereken word op die groote van die SKK, asook die hoeveelheid lede en bates.
