Print

Please login or register.
1 Hour 1 Day 1 Week 1 Month Forever
Login with username, password and session length

[Ben Geldenhuys]

Die antwoord berus nie daarin dat een boer nie volksvreemde arbeid gebruik nie, maar dat 'n hele gemeenskap afsien van die gebruik. Orania en Kleinfontein is 'n bewys dat die afwesigheid van volskvreemde arbeid, ook die sekuriteitsprobleme oplos.

Daar sal ook kopskuif gemaak moet word wat vergoeding betref. 'n Salaris is gekoppel aan 'n pos, nie aan 'n persoon nie. Met die magdom werkgeleenthede wat ons volk verskaf, sal die hele probleem rondom volksgenote in plakkerskampe opgelos kan word, indien werk slegs aan volksgenote gegee word.

[propatria]

Hiermee kan ek saamgaan. Dit is ook die rede dat my sakebelange na Orania verskuif.

Die kopverskuiwing is nie maklik nie, ek voer tans onderhoude, en daar is vir my verbasing dat mense (wat in die sop is) dink arbeid verig is vernederend. Dan is daar ouens wat in my opinie gesond is, maar wil aansoek doen vir werk en in dieselfde tyd vir jou sit en vertel dat hulle eintlik n groot rugprobleem het, alergies vir stof is en sulke twak, terwyl die man praat wag ek dat hy my vra vir n donasie.

My probleem rakende die onderwerp is die hoeveelheid mense wat nie nan vokstaat kan gaan op die oomblik nie, moet ons hulle maar afskryf en konsentreer op die volkstaatjies of moet ons rug teen die muur verskuif?

Ek se hierdie sonder om self n antwoord te he, daarom vra ek wat ons te doen staan.

Groete

[Werner Smook]

Hier is 'n foto van tannie Theresa Eksteen.



Oorspronklike konteks:

http://www.facebook.com/photo.php?pid=30948353&id=1026941238

Beeld berig:

http://www.beeld.com/Content/Suid-Afrika/Nuus/1928/81c07dd929c6474298c7c5b3321455c5/26-01-2010-01-50/%E2%80%98Dit_was_net_bloed%E2%80%99_in_Vaal-aanval_

[Werner Smook]

Bejaarde in bed in Brooklyn verwurg

2010-01-26 13:19

Hilda Fourie

Twee dae nadat ’n vrou van Brooklyn in Pretoria 83 jaar oud geword het, is sy verwurg in haar bed in dié voorstad gevind.

Me. Elsa Blignaut was vermoedelik al ’n dag lank dood toe familielede en vriende gisteraand omstreeks agtuur op haar lyk in haar huis op die hoek van Lange- en Tramstraat afgekom het.

Mnr. Japie Viljoen, wat saam met Blignaut se broerskind mnr. Sakka Blignaut na die huis gejaag het, het gesê hy het in die kamerdeur gestaan, die lig aangesit en gesien wat gebeur het.

“Ek het omgedraai en gesê sy is weg,” het Viljoen gesê.

Mnr. Blignaut (63) het vertel ’n huishulp wat saam met me. Blignaut op die erf woon, het gisteraand aan die deure en vensters geklop, maar geen reaksie gekry nie. Die huis was ook donker. Die huishulp het ’n ander vrou by wie sy werk, gebel en dié het mnr. Blignaut gebel.

Mnr. Blignaut het ’n familielid wat ’n stel sleutels het, gebel om die huis te kom oopsluit.

Hulle het haar in die bed gekry waar sy met nagklere om haar nek verwurg gelê het.

Dit is nog nie duidelik of iets vermis word nie. Haar handsak het by die voetenent van die bed gelê sonder dat daar blykbaar daarmee gepeuter is.

Haar lyf was met komberse toegegooi en net haar voete het uitgesteek. Haar arms was met telefoonkabels voor haar lyf vasgemaak.

Volgens mnr. Blignaut het die familie eergister ’n ete by ’n gastehuis in die stad gehou om sy
tante se verjaardag te vier. Sy is omstreeks halfdrie by haar huis afgelaai.

Sy het eergisteraand nog vir die huishulp van haar verjaardagkos gegee, die hond gevoer en dié toegemaak.

Dit is nie duidelik wanneer sy oorval en vermoor is nie. “Ek hoop en vertrou dit was nie vir haar ’n aaklige ding nie,” het mnr. Blignaut gesê.

“Hoekom en waarom? Sy was ’n onskuldige mens wat niemand iets aangedoen het nie,” het Viljoen gesê.

Dir. André Wiese, stasiebevelvoerder van die Brooklyn-polisiekantoor, het gesê hulle ondersoek die moord. Niemand is teen druktyd nog gearresteer nie.

Blignaut was nooit getroud nie en het nie kinders gehad nie.



http://www.beeld.com/Content/Suid-Afrika/Nuus/1928/1ffbac173d4e48e39647dccbeecd633a/26-01-2010-01-19/Bejaarde_in_bed_in_Brooklyn_verwurg

[Werner Smook]

‘Julle bliksems!’ toe word pa van 2 doodgeskiet

Buks Viljoen

“Dankie, liewe Jesus, vir ons mooi nuwe huis en dat ons so gelukkig is.”

Minute nadat die vyfjarige Lauren Bezuidenhout van Nelspruit die afgelope naweek dié gebedjie opgesê het, is haar pa, Bossie (45), doodgeskiet.

Kort voor die moord het mnr. Bezuidenhout, sy vrou, Karen (39), en hul kinders, Lauren en Jarrod (11), saam in die kombuis melkskommel gedrink. Mnr. Bezuidenhout se ma, Tina (65), was elders in die huis doenig.

Die gesin het Saterdag in hul nuwe dubbelverdiepinghuis in die gesogte Shandon Estates in Nelspruit ingetrek.

Mnr. Bezuidenhout is omstreeks 20:30 na die onderste verdieping van die huis om Jarrod in die bed te gaan sit.

In ’n stadium het mev. Bezuidenhout gehoor hoe haar man skree: “Julle bliksems!” het mev. Karin Visagie, ’n vriendin van die gesin, gister aan Beeld vertel.

Hy het hom vermoedelik teen inbrekers vasgeloop. Toe het ’n skoot geklap. Hy is in die nek getref en is op slag dood.

“Skaars ses uur voor sy sinnelose moord het ons nog op die huis se stoep gestaan en het hy vir my gesê hoe gelukkig hy nou is,” het Visagie gesê.

Mev. Bezuidenhout word oormôre 40. “Bossie sou haar as verrassing vir ’n romantiese naweek wegneem. Pleks van partytjie hou beplan ons nou sy begrafnis.”

Visagie se man, Ronnie, was Bezuidenhout se boesemvriend. Die twee het mekaar 35 jaar geken. Bezuidenhout, wat in 1984 ’n matrikulant aan die Hoërskool Rob Ferreira in Witrivier was, het ’n jaar gelede ’n onderneming in Nelspruit by mnr. Visagie gekoop.

“Dit was sy lewensdroom om terug te kom Nelspruit toe,” het mev. Visagie gesê .

Bezuidenhout het in Mei 2009 van Pretoria, waar hy in Silver Lakes gebly het, Nelspruit toe getrek. Sy gesin het in November, nadat die skole gesluit het, ook daarheen verhuis. Hulle het Saterdag uit hul huurhuis na hul nuwe droomwoning getrek.

Supt. Gerrie Agenbag, speurtakbevelvoerder van die polisie op Nelspruit, het gesê hulle vermoed Bezuidenhout is met ’n rewolwer doodgeskiet. ’n Koeëlpunt is in die moordkamer gekry, maar geen doppie nie.

Volgens Agenbag is dit nie seker hoeveel aanvallers daar was nie. “Spore wat ons buite die huis gekry het, wys dit kan moontlik twee of drie wees.”

Enigiemand met inligting kan Agenbag by 013 759 1108 bel.

Shandon Estates, wat bemark word as ’n hoë-sekuriteitskompleks, het die afgelope twee maande onder ’n vlaag van misdaad deurgeloop.

Mnr. Charles Venter, ’n oud-burgemeester van Nelspruit en buurman van die Bezuidenhouts, is laat verlede jaar self in sy huis hier aangeval en erg aangerand.

- Beeld



http://www.beeld.com/Content/Suid-Afrika/Nuus/1928/2cbe89c25201492891ce371cc911e1d4/01-02-2010-12-55/%E2%80%98Julle_bliksems!%E2%80%99__toe_word_pa_van_2_doodgeskiet

[Werner Smook]

Hartdokter vermoor

2010-02-04 02:02

Mev. Willemina Habile (60), dr. Francois Steenkamp (71) se huishulp wat gisteroggend op sy lyk in sy huis in die Newlands Park-aftreeoord in Pretoria afgekom het. Foto’s: theana calitz


’n Afgetrede kardioloog wat jare lank in die Medi-Clinic-harthospitaal in Arcadia gewerk het, is wreed in sy huis in die Newlands Park-aftreeoord in Pretoria vermoor.

Dr. Francois Steenkamp (71) is glo erg aangerand, sy kop stukkend geslaan en sy hande agter sy rug vasgebind.

Mev. Willemina Habile (60), Steenkamp se huiswerker, het gister omstreeks 08:30 op sy lyk afgekom.

Kapt. Colette Weilbach, polisiewoordvoerder, het gesê Steenkamp het ’n groot wond aan sy kop gehad en dit lyk of hy met sy moordenaars gestoei het.

Volgens Weilbach was die huis erg geplunder en byna elke hangkas en laai uitgegooi. Daar was egter geen teken van gedwonge toegang nie.

Sy het gesê die moordenaars het met Steenkamp se wit Toyota Tazz gevlug.

Volgens ’n betroubare bron is verskeie meubels in die huis rondgeskuif of -gegooi.

Habile het gister aan Beeld gesê toe sy daar kom, was die veiligheidshek oop en die voordeur op ’n skrefie oop.

“Ek werk gewoonlik Maandae vir mnr. Steenkamp, maar vanoggend moes ek kom, want daar was komberse wat ek moes uithang. Ek het die deur oopgestoot en ingestap. Ek het geroep, maar hy het nie geantwoord nie.

“Toe ek in die kamer kom, het ek voete onder die bed sien uitsteek,” het Habile vertel.

Weilbach het gesê Habile het na die verpleegsters in die aftreeoord gehardloop en hulle het Steenkamp se kinders en die polisie ontbied.

Dié moord is gepleeg kort nadat die onderneming wat verantwoordelik is vir veiligheidsmaatreëls in die oord in die pad gesteek is omdat die onderneming glo “te slap” is.

“Dié man was een van die beste hartspesialiste in Pretoria en nou is hy dood,” het mnr. John Corbitt (72), Steenkamp se buurman, gesê.

Volgens hom het twee mans twee weke gelede eenvoudig by die hoofhek verby die veiligheidswagte gestap en ’n vrou se handsak, selfoon en juwele uit haar huis gesteel.

“Ons (die inwoners) het besluit om ontslae te raak van die veiligheidsonderneming, want hulle het volgens ons nie hul werk gedoen nie. Dié maatskappy sal net tot einde vandeesmaand hier wees en dan neem iemand anders oor.”

Habile het gesê toe sy vir Steenkamp begin werk het, het sy kinders gewaarsku dat hy “baie parmantig” kan wees.

“Maar ons het mekaar lekker verstaan.

“Nou is hy dood, maar ek weet hy is by die Here.”

Steenkamp het die afgelope vyf jaar in die oord gewoon.

Sy twee seuns en dogter wou gister by sy huis nie met die media praat nie.

Weilbach het gesê die Sunnyside-trio-taakspan ondersoek ’n klag van huisroof en moord. Mense met inligting oor die voorval kan die polisie se noodnommer 10111 bel.

- Beeld



http://www.beeld.com/Content/Suid-Afrika/Nuus/1928/955a5ed56cd64263bcb478e962fb4eb5/04-02-2010-02-02/Hartdokter_vermoor

[Werner Smook]

Egpaar in stil dorp vermoor

2010-02-05 06:53


Tisha Steyn

George. – ’n Egpaar wat vyf jaar gelede van Phalaborwa na Swellendam verhuis het om veiliger te wees, is hier vermoor.

Mnr. Nick Els (63) en sy vrou, Elsie (58), se lyke is gisteroggend in hul huis op die hoek van Kerk- en Bloekomlaan in Swellendam aangetref.

Die egpaar is vermoedelik eergisternag vermoor. Hul tuinwerker het gisteroggend op die toneel afgekom en die polisie ontbied.

Die huiswerker het kort daarna opgedaag en vir die polisie die agterdeur oopgesluit.

Luidens ’n verklaring wat deur die polisie uitgereik is, was daar bloed op die voordeur. Daar was ook tekens van ’n struweling in die sitkamer, waar mnr. Els se lyk op die vloer aangetref is. Mev. Els se lyk is in die slaapkamer gevind.

Hulle is vermoedelik met ’n stomp voorwerp, soos ’n piksteel, doodgeslaan.

“Ons is verskriklik geskok,” het me. Mariaan van Wyk, ’n vriendin van die Els-egpaar, gister gesê. “Ons was 45 jaar lank vriende en het mekaar in Phalaborwa leer ken.

Elsie-hulle het sowat vyf jaar gelede hierheen getrek omdat hulle in ’n stil, veilige dorpie wou woon.”

Die vriende het saam ’n gebou, Powell House, in Voortrekkerstraat gekoop. Die gebou het Van Wyk se haarsalon en mev. Els se dekorwinkel, Something Else, gehuisves. Van Wyk het intussen die gebou aan die Els-egpaar verkoop, waaruit mev. Els steeds die dekorwinkel bedryf het.

“Nick was afgetree, maar het Elsie gehelp met goed soos blindings hang en so aan. Bo-op die bult met ’n uitsig op die dorp het Elsie haar droomhuis laat bou.”

Die Els-egpaar het twee seuns. Jaco en sy vrou, Coret, van Pretoria, en Francois en sy vrou, Heidi, van Nelspruit vlieg vandag Kaapstad toe waar hulle ander familielede sal ontmoet voordat hulle na Swellendam vertrek.

“Ons het Desember so lekker by my skoonouers in Swellendam en Struisbaai gekuier, maar nou wil ons nie eens na die huis toe gaan of daar gaan slaap nie,” het mev. Coret Els gister gesê.

“Ons mis hulle al klaar. Hulle was die wonderlikste skoon-ouers, grootouers en ouers vir hul seuns. Hulle het soveel vriende gehad wat so lief was vir hulle omdat hulle soveel liefde gegee het. Ja, God troos ons met die wete dat hulle by Hom is.”

Mnr. Els was voor sy aftrede hoof van gesondheid in die Phalaborwa-munisipaliteit.

“Hulle was albei baie bekend hier in Phalaborwa en die nuus oor hul moord is vir ons almal ’n baie groot skok,” het mnr. Manie Kriel, ’n sakeman van Phalaborwa, gisteraand gesê.

Niemand is nog gearresteer nie. Dit is nog onbekend of iets uit die huis vermis word.



http://www.beeld.com/Content/Suid-Afrika/Nuus/1928/15cb5f42ed784e58a8167580deb03f9e/05-02-2010-06-53/Egpaar_in_stil_dorp_vermoor

[Ben Geldenhuys]

Projek 2010 is opsoek na medewerkers in verskeie streke van die land wat kan help met inligting insameling. Belangstellendes kan 'n e-pos boodskap stuur na inligting@projek2010.co.za

[André Strydom]

Ma (79) stap 4km vir hulp

Johannesburg - ’n Bejaarde ma moes Sondag sowat 4km ver stap om te gaan hulp soek nadat sy gehoor het hoe gewapende rowers haar seun op hul plaaswerf doodskiet.

Fanie Venter (60), ’n oujongkêrel wat saam met Hannetjie Venter (79), sy ma, op hul plaas sowat 25 km van Bethal af gebly het, is gister omstreeks 08:30 deur rowers buite sy huis oorval.

Sakkie Pretorius, ’n jare lange familievriend, sê Venter en sy ma was op verskillende plekke op die werf besig toe mev. Venter die booswigte sien.

“Daar was blykbaar drie van hulle. Sy het vir hom (Venter) geskree, maar hy het haar seker nie gehoor nie. Die een het haar mond toegedruk.”

Een het Venter, wat altyd ’n wapen aan hom dra vir veiligheid, onkant betrap en hom in die kop geskiet.

Venter het blykbaar nie gesien hoe haar seun geskiet word nie, maar die skoot gehoor.

“Toe sy daar kom, sê een vir haar hy slaap net. Sy kon sien hy is dood met al die bloed.”

Pretorius vertel die rowers het mev. Venter toe met ’n wapen teen haar kop gedwing om die kluis vir hulle oop te sluit.

“Sy het vir hulle gevra: ‘Hoekom skiet julle my nie ook nie?’ ”

Die rowers het die haelgeweer in die kluis gevat, geld en die ma se handsak, sê Pretorius.

Francois van Dijk, ’n buurman wat grond by Venter huur, vertel die rowers het die selfone ook gesteel. Mev. Venter kan nie motor bestuur nie het toe sowat 4 km ver saam met hul hond tot by Van Dijk se huis gestap om hulp te ontbied.

“Sy was so 10:00 hier. Sy het al die pad gestap. Dit is baie traumaties vir haar.”

Van Dijk het dadelik die polisie in kennis gestel en die bure gevra om vir die rowers uit te kyk. “Maar dit was te laat. Hulle was met ’n voertuig daar en al lankal weg.”

Van Dijk sê dit blyk dat die rowers nie enigiets anders uit die huis gesteel het nie. “Die huis was nie eens omgekrap of beskadig nie. Dit lyk of hulle daar was vir wapens.”

Volgens Pretorius het die rowers mev. Venter “rondgeruk”, maar sy is nie beseer nie.

Hy meen die booswigte het toegang tot die omheinde erf verkry deur “die slotte en kettings te knip”.

Venter laat sy ma, drie broers en ’n suster, wat in Australië bly, agter.

“Hy sou jou altyd help waar hy kan. Ek het hom goed geken. Ons was in 1980 reeds vriende,” sê Pretorius.

http://www.nuus24.com/Content/Suid-Afrika/Nuus/1479/82ee065f3ac2418b9563d653baccac4b/08-02-2010-07-30/Ma_(79)_stap_4km_vir_hulp

[Werner Smook]

Boer sterf langs sy vrou in bed ná 2 skote

2010-02-05 21:51

Mnr. Koos van Staden (69) en sy vrou, Henriette (66). Mnr. Van Staden is eergisteraand koelbloedig op sy plaas in die Hoedspruit-distrik in Limpopo doodgeskiet.

Marietie Louw-Carstens

Hoedspruit - 'n Boer van Hoedspruit in Limpopo is deur sy kamervenster koelbloedig in die nek geskiet terwyl hy in die bed gelê en TV kyk het.

Mnr. Koos van Staden (69) het hom langs sy vrou, Henriette (66), doodgebloei. Hy sou in April 70 geword het.

Die onbekende aantal aanvallers het niks gesteel nie.

Mev. Van Staden het met haar pistool op die aanvallers teruggeskiet, maar hulle het weggekom.

“Ek het aan hulle gesê: ‘Wat wil julle nog hê??.?.?.?hy is nou besig om dood te gaan’,” het ’n steeds geskokte mev. Van Staden gister aan Beeld gesê.

Die aanvallers het eergisteraand by die egpaar se huis op die Glencoe Sugar Estates buite Hoedspruit ingebreek. Hulle het by ’n kombuisvenster ingekom.

Mnr. Braam van der Merwe, voorsitter van Agri SA in die Hoedspruit-distrik, het gesê die aanvallers het hulle in ’n veiligheidshek voor die hoofslaapkamer vasgeloop. Hulle het om die huis gestap en die hoofslaapkamervenster met ’n graaf stukkend geslaan.

Mev. Van Staden het gesê sy en haar man was ná 21:00 in hul kamer. Hulle het TV gekyk voordat hulle sou slaap. Mev. Van Staden het gesê haar man was effens hardhorend en die TV se klank was baie hard. Hulle het nie gehoor toe die aanvallers by die kombuis inbreek nie.

“Ons het skielik net die hande gesien wat by die gordyne verbysteek. En toe die pistool en toe die een se gesig met ’n klapmus op.”

Die aanvallers het twee skote geskiet. Mnr. Van Staden is in die nek getref.

“My pistool was by my en ek het teruggeskiet op hulle, maar dit was te laat. My man het iets aan my gesê, maar ek kan nie onthou wat nie.”

Mev. Van Staden het gesê die aanvallers het nie eens haar handsak met haar beursie in wat in die kombuis was, gevat nie.

Mev. Wendy van Staden, die egpaar se skoondogter, het gesê hulle het “nooit, nooit gedink so iets sal gebeur nie”.

Supt. Ronel Otto, provinsiale polisiewoordvoerder, het gesê spoorsnyers en polisiehonde het gister na die aanvallers gesoek.

Teen druktyd is niemand nog weens die moord in hegtenis geneem nie.

–Beeld



http://www.beeld.com/Content/Suid-Afrika/Nuus/1928/022320bf95fd42acbb2e6e7892f85de9/05-02-2010-09-51/Boer_sterf_langs_sy_vrou_in_bed_n%C3%A1_2_skote_

[Werner Smook]

Man (63) op kleinhoewe vermoor

2010-02-08 00:39

André Damons

Twee vroue het hul buurman Vrydag dood in sy huis op ’n hoewe in Meyerton aangetref nadat hy twee keer tydens ’n huisrooftog geskiet is.

Mnr. Collin McLaud (63) is vermoedelik aangeval terwyl hy besig was om tee te maak in die kombuis, het kapt. Shado Mashobane, polisiewoordvoerder, gesê.

Dit is nie bekend hoeveel aanvallers daar was of hoe hulle toegang tot die huis verkry het nie.

Volgens Mashobane het die twee vroue Vrydag omstreeks 17:00 by McLaud se huis op sy kleinhoewe omgegaan om vir hom te sê hulle gaan inkopies doen.

Hulle het hom dood in die kombuis aangetref.

Hy het twee koeëlwonde in sy bolyf gehad.

Mashobane het gesê hulle vermoed McLaud was besig om tee te maak omdat ’n koppie met ’n teesakkie daarin reggestaan het.

Die polisie vermoed ook McLaud is in die vroeë oggendure vermoor.

“Volgens die vroue was die deur oop en die buiteligte aan.

“Beamptes op die toneel het ’n windbuks en flitslig naby die man se lyk gevind,” het Mashobane gesê.

Hy het bygevoeg die aanvallers moes McLaud gedwing het om die kluis oop te maak voordat hulle hom in die kombuis geskiet het.

Die rowers het glo net vier jaggewere uit die kluis gevat en die wapens se lisensies agtergelaat.

Mashobane het gesê McLaud was alleen toe hy aangeval is.

Sy vrou was in Germiston aan die Oos-Rand. Mashobane het nie haar naam verstrek nie.

Volgens hom het McLaud se vrou gesê daar word niks anders uit die huis vermis nie.

Niemand is nog in verband met die moord gearresteer nie.

’n Saak van moord en gewapende roof word ondersoek, het Mashobane gesê.

- Beeld



http://www.beeld.com/Content/Suid-Afrika/Nuus/1928/7ca2947023d74fff976a9cd3e68c2adf/08-02-2010-12-39/Man_(63)_op_kleinhoewe_vermoor

[Werner Smook]

6 Weke, 6 moorde

2010-02-12 01:26

mnr. Theunis (85) en mev. Suzie (83) Venter

Hilda Fourie

Ses bejaardes is die afgelope ses weke in Pretoria vermoor.

Gisteroggend is die lyke van ’n bejaarde egpaar in hul huis in Mayville gevind.

Mnr. Hein Engelbrecht (33) het gisteroggend op die lyke van sy oupa en ouma, mnr. Theunis (85) en mev. Suzie (83) Venter, afgekom.

Die egpaar, wat verlede week hul 59ste huweliksherdenking gevier het, was vermoedelik al sowat 12 uur dood toe hulle gevind is.

Mnr. Venter, wat erg aangerand is, het op sy maag in die sitkamer gelê. Sy vrou, wat gesukkel het om te loop nadat sy vroeër ’n beroerte gehad het, is vermoedelik verwurg. Engelbrecht het haar lyk in die gang gekry.

Die vermoede dat sy verkrag is, sal eers by ’n lykskouing bepaal kan word.

Slegs die egpaar se ou Volkswagen Kombi (met registrasienommer KMC 163 GP), ’n Play-Station2 en ’n DVD word vermis.

Dit is nie bekend hoeveel rowers die egpaar oorval het nie.

Insp. Wanda Olivier, polisiewoordvoerder, het gister gesê Engelbrecht, ’n veiligheidswag, het omstreeks 06:15 ná sy nagskof by die huis aangekom.

Hy woon saam met sy grootouers in dié huis op die hoek van Louis Trichardtstraat en Mortimerlaan, oorkant die Laerskool Mayville.

“Toe hy by die huis kom, het die hek wawyd oopgestaan, die veiligheidshek van die stoep was oop en die Kombi het nie onder die afdak gestaan nie,” het Olivier gesê.

“Hy het sy motorfiets op die gras geparkeer en die huis binnegestorm waar hy op sy ouma en oupa se lyke afgekom het.

“Hy het hulle probeer wakker maak, maar hulle wou nie wakker word nie.”

Die egpaar se boerboel, Luna, het onder die kombuistafel gelê toe polisielede op die toneel kom. Sy is blykbaar erg geskop en geslaan en het nie beweeg nie totdat die polisie die toneel klaar ondersoek het.

Me. Yvette Engelbrecht (29) het in trane gesê haar oupa en ouma wou nooit na ’n ouetehuis gaan nie. Hulle wou nie eens by haar in Kempton Park gaan woon nie. “My oupa het altyd gesê hulle sal doodgaan as hulle in ’n ouetehuis gaan bly. Hulle het baie goeie harte gehad.”

’n Saak van huisroof en moord word ondersoek. ’n Klag van verkragting sal moontlik later bygevoeg word.

Bejaardes wat vermoor is:

    * 3 Februarie: Dr. Francois Steenkamp (71), ’n afgetrede kardioloog wat jare lank in die Medi-Clinic-harthospitaal in Arcadia gewerk het, is wreed in sy huis in die Newlands Park-aftreeoord in Pretoria vermoor. Steenkamp is glo erg aangerand, sy kop is stukkend geslaan en sy hande was agter sy rug vasgebind.

    * 25 Januarie: Me. Elsa Blignaut se lyk is twee dae ná haar 83ste verjaarsdag in haar bed in haar huis in Nieuw Muckleneuk, Pretoria gekry. Sy is vermoedelik verwurg.

    * 13 Januarie: Mev. Ria van den Bergh (65) is helder oordag in haar huis in Hermanstad, Pretoria deur rowers oorval en doodgeslaan.

    * 8 Januarie: Mev. Kitty Botha (83) is in haar huis in Lyttelton, Centurion oorval, vasgebind, gewurg en doodgeslaan voordat haar huis aan die brand gesteek is.

    * November 2009: Kol. (afgetree) Piet Swemmer (89) is in sy huis in Waterkloofrif, Pretoria met ’n hamer doodgeslaan.

- Beeld


http://www.beeld.com/Content/Suid-Afrika/Nuus/1928/9c6414212e064fa590f6e9c05075f510/12-02-2010-01-26/6_Weke,_6_moorde

[Werner Smook]

Bejaarde vrou in Benoni vermoor, man beseer

2010-02-15 11:37

Mnr. José Vieira voor die huis waar hy en mev. Jannecke op haar vermoorde ma en erg beseerde pa afgekom het.

René-Jean van den Berg en Wolfram Zwecker

Die moordenaars van ’n bejaarde vrou van Northmead, Benoni, was teen gister nog op vrye voete.

Mev. Alice Botha (75) is in die gang van haar huis dood weens ’n hou teen die kop.

Haar man, Jack, (ook 75) word in die hoësorgeenheid van die Unie-hospitaal in Alberton behandel waar sy toestand gister nog as bedenklik bestempel is.

’n Onbekende aantal mense het die egpaar Vrydagnag in hul huis in Negende Laan oorval, het konst. Ron Nchali, polisiewoordvoerder, gesê.

Die egpaar se dogter, mev. Antoinette Jannecke, het op hulle afgekom toe sy en haar vriend, mnr. José Vieira, van ’n fliek by die huis gekom het.

Vieira het gesê toe hulle omstreeks 23:00 by die huis kom, was die garagedeur oop en was daar bloed op die deur se handvatsel.

“Dit was alles vreemd. Antoinette is eerste by die huis in en het haar pa op die vloer in die kombuis gekry.”

’n Vreemde man het uit een van die vertrekke kombuis toe gekom om by die huis uit te gaan, het Vieira gesê.

“Hy het ’n baie welkome houding gehad, asof hy die volste reg het om in die huis te wees.”

’n Struweling het buite die huis tussen Vieira en die vreemdeling ontstaan, maar die vreemdeling het hom glo nie teëgesit nie.

“Antoinette het intussen histeries begin gil en ek het besef sy is alleen in die huis. Ek het toe net ingehol en hy het weggekom.”

In die gang na die slaapkamer het mev. Botha se lyk gelê.

Konst. Godin Nyathi, polisiewoordvoerder, het gesê dit is nog nie bekend wat alles gesteel is nie, maar ’n plastieksak met selfone en juwele is in die tuin opgetel.


http://www.beeld.com/Content/Suid-Afrika/Nuus/1928/cf20554f4e1a4c6888c4c6d53e1acb52/15-02-2010-11-37/Bejaarde_vrou_in_Benoni_vermoor,_man_beseer

[André Strydom]

Boervrou van Uitenhage vermoor!

Kaapstad - ‘n Vyftigarige boervrou se lyk is naby haar plaaswerf gevind. René Slater van die Uitenhage-omgewing was sedert Maandagoggend (15 Februarie) vermis.

Cerneels Pietersen, voorsitter van Agri Oos-Kaap, sê ‘n grootskaalse soektog is geloods na Slater se voertuig sowat 13km van die plaas Vaalkrans opgemerk is.

“Sy het net na 08:00 by die huis gery, en ‘n buurman het so 10:00 haar bakkie langs die pad opgemerk.”

Pietersen sê sowat 100 plaaswerkers, boere en lede van die Suid-Afrikaanse Polisiediens (SAPD) het die 13km tussen die voertuig en die plaashuis gefynkam.

Slater se liggaam is sowat 100m van die huis af gevind waar dit met takke toegegooi was.

Grusame aanval

Volgens Pietersen is Slater baie erg aangerand. “Dis baie grusaam, en die gemeenskap is baie geskok. So ‘n voorval het nog nooit in dié omgewing gebeur nie!”

http://www.nuus24.com/Content/Suid-Afrika/Nuus/1479/e10fb65c78934730a975ccb7c94ed51e/16-02-2010-02-07/Boervrou_van_Uitenhage_vermoor

[André Strydom]

Nóg 3 bejaardes vermoor!

Johannesburg - Die vlaag van moorde op bejaardes het die naweek voortgeduur toe nog drie mense by hul huise in onderskeidelik Mokopane, Limpopo en Eldoraigne, Centurion, vermoor is.

Jozua (70) en Esmé Booysen (54) is Vrydag deur rowers buite hul huis op ’n mynperseel in Mokopane ingewag en met klippe doodgegooi.

Die tuinwerker van Jerzy (George) Kanienski (60), ’n ingenieur wat oorspronklik van Pole kom, het eergisteroggend omstreeks 07:00 op Kanienski se bebloede lyk afgekom waar dit in ’n gang in sy huis in Eldoraigne gelê het.

Kanienski se hande was met kabelbinders vasgebind en daar was steekwonde aan sy liggaam.

Dit volg nadat ses bejaardes reeds sedert begin vanjaar in Pretoria vermoor is.

Kapt. Louise Reed, polisiewoordvoerder, het gesê Kanienski is waarskynlik Vrydag laatmiddag reeds deur ’n onbekende aantal rowers vermoor.

Die rowers het met slegs ’n kamera en twee handwapens van Kanienski gevlug.

“Dis verskriklik, ek weet nie eers wat om te sê nie,” het ’n bedroefde Johanna Fidos, ’n niggie van Kanienski en sy enigste familie in die land, gister gesê.
 
“Ek verstaan nie hoe jy iemand vir niks kan doodmaak nie. Is ’n kamera en twee pistole werklik iemand se lewe werd?”

Fidos het Donderdag laas met Kanienski gepraat en hulle sou eergister ontmoet het om te kuier.

“Ek het uitgesien om hom te sien, maar toe bel ’n vriend van hom wat deur die polisie gekontak is my om my van sy dood in te lig,” het sy gesê.

“Dit is ’n absolute skok.”

Kanienski, wat by die departement van waterwese gewerk het, woon al meer as 25 jaar in Suid-Afrika. Hy is jare gelede geskei en het geen kinders gehad nie.

Supt. Ronel Otto, polisiewoordvoerder in Limpopo, het gister gesê die Booysen-egpaar het Vrydag gaan inkopies doen en is by hul terugkeer by hul huis deur vermoedelik twee rowers oorval.

“Twee van die egpaar se werkers is vroeër die dag deur die rowers oorval en in die huis vasgebind,” het Otto gesê.

“By hul aankoms by hul huis is die egpaar toe ook deur die rowers oorval en met klippe doodgegooi.”

Die rowers het volgens haar verskeie vuurwapens uit die Booysen-egpaar se huis gebuit en in Booysen se Mercedes-Benz van die toneel gevlug.

Die egpaar se werkers kon hulself loswikkel en het hulle na ’n nabygeleë polisiekantoor gehaas om die voorval aan te meld.

Die polisie het kort daarna die Booysen-egpaar se lyke by hul huis gekry.

Booysen se uitgebrande motor is later sowat 20 km van die moordtoneel deur die polisie gekry.

Niemand is nog in verband met dié moorde aangekeer nie.

http://www.nuus24.com/Content/Suid-Afrika/Nuus/1479/0ed93c29312d43e28990c6dfd0e2ef9b/22-02-2010-06-41/N%C3%B3g_3_bejaardes_vermoor

[Werner Smook]

Hy wou help en toe skiet kaper hom

2010-02-27 05:54

André Damons

‘My Pappa. Ek is só lief vir Pappa, want Pappa is so liefdevol, so geduldig met my, sorg elke dag vir my.”

So het Stella van Niekerk (11) in ’n briefie afskeid geneem van haar pa, Pieter (40), wat eergister in Springs, aan die Oos-Rand, doodgeskiet is toe hy kapingslagoffers wou help.

By Beeld se besoek gister aan Van Niekerk se familie het sy ander dogter, Landi (6), in ’n sagte stemmetjie vertel hoe die mans haar pa doodgeskiet het.

“Hy wou ander mense help, maar toe skiet hulle hom ses keer,” sê sy.

Van Niekerk en sy verloofde, me. Madeleine Cole (45), was omstreeks 20:00 op pad na haar huis in Springs toe hulle ’n vrou in Retiefstraat, Geduld, sien hardloop en haar hoor skreeu het: “Help! Help!” Die kapers het weggehardloop en Van Niekerk het een in sy motor agternagesit.

“Hy het langs die man stilgehou en geskreeu: ‘Wat de f** doen jy?’, toe draai die man om en loop tot by sy ruit en begin net skiet. Vyf van die ses skote het hom getref. Pieter het net stil gesit en ek het gedog dis vreemd, maar nou weet ek dis omdat hy in die kop getref is,” het ’n steeds geskokte Cole gister vertel.

Een van die koeëls het deur Van Niekerk getrek en haar skrams in die hand getref.

Die twee sou gister saam by sy ma se huis ingetrek het.

Cole kon daarin slaag om uit die motor te spring en te vlug. Toe sy egter omdraai, het sy gesien hoe die man Van Niekerk uit die motor trek en daarmee wegjaag. Hy het toe nog gelewe.

Paramedici het nog sowat 15 minute nadat hulle op die toneel aangekom het vergeefs probeer om hom te red.

“Pappa is die toonbeeld van God se liefde en genade. ’n Beter pa sal ek nêrens in die lewe kry nie. Dankie dat Pappa my pappa is. Stella. Het Pappa baie lief,” lui sy dogtertjie se briefie, vol klein hartjies geteken.

Van Niekerk se geskokte ma, Doreen (87), het gister in trane vertel hoe sy haar liefdevolle seun – die jongste van haar 16 kinders – gaan mis.

“Ek gaan alles van hom mis, veral in die aande. Hy het alles om die huis gedoen en het nog gister die heining reggemaak,” het sy snikkend vertel.

Van Niekerk se broer, Pieter, het gesê hulle neem hom nie kwalik omdat hy mense wou help nie.

“Dit is hoe hy was. Hy wou altyd help en het nie geskroom om jou te help nie. Ons is baie kwaad.”

Insp. Tommy Tomlinson, polisiewoordvoerder, het gesê niemand is nog in hegtenis geneem nie.

- Beeld


André Damons

‘My Pappa. Ek is só lief vir Pappa, want Pappa is so liefdevol, so geduldig met my, sorg elke dag vir my.”

So het Stella van Niekerk (11) in ’n briefie afskeid geneem van haar pa, Pieter (40), wat eergister in Springs, aan die Oos-Rand, doodgeskiet is toe hy kapingslagoffers wou help.

By Beeld se besoek gister aan Van Niekerk se familie het sy ander dogter, Landi (6), in ’n sagte stemmetjie vertel hoe die mans haar pa doodgeskiet het.

“Hy wou ander mense help, maar toe skiet hulle hom ses keer,” sê sy.

Van Niekerk en sy verloofde, me. Madeleine Cole (45), was omstreeks 20:00 op pad na haar huis in Springs toe hulle ’n vrou in Retiefstraat, Geduld, sien hardloop en haar hoor skreeu het: “Help! Help!” Die kapers het weggehardloop en Van Niekerk het een in sy motor agternagesit.

“Hy het langs die man stilgehou en geskreeu: ‘Wat de f** doen jy?’, toe draai die man om en loop tot by sy ruit en begin net skiet. Vyf van die ses skote het hom getref. Pieter het net stil gesit en ek het gedog dis vreemd, maar nou weet ek dis omdat hy in die kop getref is,” het ’n steeds geskokte Cole gister vertel.

Een van die koeëls het deur Van Niekerk getrek en haar skrams in die hand getref.

Die twee sou gister saam by sy ma se huis ingetrek het.

Cole kon daarin slaag om uit die motor te spring en te vlug. Toe sy egter omdraai, het sy gesien hoe die man Van Niekerk uit die motor trek en daarmee wegjaag. Hy het toe nog gelewe.

Paramedici het nog sowat 15 minute nadat hulle op die toneel aangekom het vergeefs probeer om hom te red.

“Pappa is die toonbeeld van God se liefde en genade. ’n Beter pa sal ek nêrens in die lewe kry nie. Dankie dat Pappa my pappa is. Stella. Het Pappa baie lief,” lui sy dogtertjie se briefie, vol klein hartjies geteken.

Van Niekerk se geskokte ma, Doreen (87), het gister in trane vertel hoe sy haar liefdevolle seun – die jongste van haar 16 kinders – gaan mis.

“Ek gaan alles van hom mis, veral in die aande. Hy het alles om die huis gedoen en het nog gister die heining reggemaak,” het sy snikkend vertel.

Van Niekerk se broer, Pieter, het gesê hulle neem hom nie kwalik omdat hy mense wou help nie.

“Dit is hoe hy was. Hy wou altyd help en het nie geskroom om jou te help nie. Ons is baie kwaad.”

Insp. Tommy Tomlinson, polisiewoordvoerder, het gesê niemand is nog in hegtenis geneem nie.

- Beeld


http://www.beeld.com/Content/Suid-Afrika/Nuus/1928/60aae6c8485e429f8207b2dfc26b72f8/27-02-2010-05-54/Hy_wou_help_en_toe_skiet_kaper_hom

[André Strydom]

Woede oor nóg plaasmoorde

Vermoor: Mnr. Paul Dunn (49)

Boere dring weer op die herinstelling van die kommandostelsel aan nadat nóg twee boere in Limpopo vermoor is.

Mnr. Etienne Cannaerts (61), ’n Belg, is Vrydagmiddag op sy plaas naby Lephalale (Ellisras) vermoedelik met sy eie sakmes keelaf gesny.

In die ander voorval is mnr. Paul Dunn (49), ’n plaasbestuurder van Constantia Produkte, ’n sitrusplaas in die Letsitele-gebied buite Tzaneen, in die vroeë oggendure Saterdag in sy huis doodgeskiet.
Vyf mense is in Februarie op plase in Limpopo vermoor.

Dr. Theo de Jager, visepresident van Agri SA, het gister gesê boere in Limpopo is baie ontsteld.
“Die mense is kwaad. Baie boere bel my en wil hê die kommandostelsel moet weer landwyd ingestel word.”
TLU SA het in ’n verklaring gesê hul plaaswagstelsel, wat groen flitsende ligte tydens patrollies gebruik, moet deur die polisie erken word. Die polisie meen die groen patrollieligte is onwettig en het al verskeie kere met

TLU SA daaroor gebots.
Volgens mnr. Japie Ellis, ’n boer van die Lephalale-gebied, is Cannaerts Vrydag vermoedelik oorval toe hy sy plaashek oopgemaak het nadat hy sy werkers gaan aflaai het. Die aanvallers het toe met Cannaerts in sy voertuig na ’n waterpan op die plaas gery.
Supt. Ronel Otto, provinsiale polisiewoordvoerder, het gesê sy hande en voete was vasgebind en sy keel afgesny. “Sy lyk is die aand op ’n afgeleë paadjie gekry,” het Ellis gesê.
Volgens Otto is niks tydens die aanval gesteel nie.

Mnr. Marco Ruiter, ’n familievriend van Cannaerts, het gister gesê die moord was grusaam.
Cannaerts en sy vrou, Ingrid, het die afgelope ses jaar op die plaas gebly.
Hulle het nie Suid-Afrikaanse burgerskap nie.

“Sy vrou en ons wil niks daaroor sê nie. Sy lyk sal ná die lykskouing na België geneem word, waar hy begrawe sal word.”
Niemand is al gearresteer nie.

In die ander voorval het Dunn vermoedelik wakker geword nadat drie aanvallers by sy huis ingebreek het.
’n Skietery het uitgebreek.
Mnr. Dries Enslin, voorsitter van Agri-Letaba, het gesê Dunn het een aanvaller raak geskiet.
Dunn is in die bors, nek, regterarm en rug geskiet.

Volgens Otto het die aanvallers verskeie huishoudelike goedere gesteel.
Bloed van die gewonde aanvaller is buite die huis gekry. Dié verdagte is Saterdagmiddag deur boere in die gebied, wat ’n private helikopter in die soektog ingespan het, aangekeer. Hy is onder polisiebewaking in ’n hospitaal.

Enslin het gesê 12 misdaadvoorvalle, wat huisbraak en voertuigdiefstal insluit, is die afgelope tien dae op plase in die Letsitele-gebied aangemeld.
“Dit is duidelik die polisie het nie beheer oor die toestand nie,” het mnr. Doors le Roux, voorsitter van TLU SA-noord se veiligheidskomitee, gesê.

Hulle het ’n dringende vergadering met me. Dikeledi Magadzi, LUR vir veiligheid in Limpopo, en komm. Calvin Sengani, polisiekommissaris, aangevra om plaasaanvalle te bespreek.
Enslin het gesê die boere in die Let­sitele-gebied neem deel aan sektorpolisiëring en het ’n goeie verhouding met die polisie, “maar veel meer kan gedoen word”.

Agri SA hou Maandag ’n misdaadkonferensie in Centurion waar die veiligheidsituasie op plase ook met mnr. Nathi Mthethwa, minister van polisie, bespreek sal word.

[Werner Smook]

Verskoon tog die Engels.   Ek kry nie 'n Afrikaanse berig opgespoor nie.  Laat weet my asb indien u op een afkom!

Arrest made in Sun City murder

2010-02-27 13:01

Johannesburg - Police arrested a man for the murder of a Sun City employee after positive fingerprint matches, Northwest police said on Saturday.

"The suspect's fingerprints match those found on the crime scene," said Superintendent Lesego Metsi.

The 28-year-old was arrested in Bothaville in the Free State on Friday night. He was employed by a gardening services company which worked for Sun City.

He is positively linked with the murder of Sun City employee Colleen van Eck, age 59, last Sunday. She was beaten, strangled and apparently thrown against the wall in her flat in the Northwest resort's employee compound.

It is unclear how he gained access to Van Eck's flat, Metsie said.

Four people were arrested in possession of Van Eck's cellphone in Ledig, a town near Sun City.

They appeared briefly in court and were released on a warning to appear in court later. No evidence was found linking them directly to the murder.

Their arrest however lead directly to the arrest of the man in Bothaville, Metsi said.

He also had a stolen cellphone which was not connected to the murder.

It is uncertain if anything other than Van Eck's cellphone was stolen because she lived alone, Metsi said.

Northwest public safety MEC Howard Yawa commended the police "for a breakthrough in the investigation."

The man will appear in the Mogwase Magistrate's Court on Monday on a charge of murder.

- SAPA


http://www.news24.com/Content/SouthAfrica/News/1059/1839524501d54bfab2fc92cabec0800c/27-02-2010-01-01/Arrest_made_in_Sun_City_murder

[Werner Smook]

Lyk van vermoorde man lê ure op sypaadjie in Bfn

2010-03-01 05:42

Earl Coetzee

Die polisie ondersoek ’n moordsaak nadat die lyk van ’n Bloemfonteinse man gisteroggend vroeg in Willows gevind is.

Mnr. Marius Stadler (31) se lyk is omstreeks 05:00 op die hoek van Parfitt- en Victoriaweg gevind. Stadler het ’n meswond in die rug gehad en die polisie vermoed die motief vir die moord is roof.

Stadler se pa, mnr. Pierre Stadler, sê sy seun het Saterdagaand met sy vrou en vier vriende na ’n kuierplek in die middestad gegaan. Hy het glo die kuierplek verlaat om sigarette by ’n vulstasie te koop en nooit teruggekeer nie.

Hy is vermoedelik vermoor terwyl hy na sy huis in Willows teruggestap het.

Stadler sê hy en sy seun se vriende het lank na hom gesoek en was op pad polisiekantoor toe om hom as vermis aan te meld, toe hulle die polisie sien rondry.

Hulle is toe ingelig dat die polisie na ’n vermoorde se naasbestaandes soek.

Supt. Annelie Wrensch, polisiewoordvoerder, sê Stadler se rybewys het naby sy lyk gelê en van die inhoud van sy beursie het glo ook op die toneel rondgelê. Sy selfoon word vermis en Wrensch sê die polisie dink roof was die motief vir sy moord.

Stadler se lyk het gisteroggend ure op die sypaadjie gelê terwyl vir ’n lykswa gewag is. Toe mense begin verbystap kerk toe, het ’n lid van die publiek ’n kombers uit sy huis gaan haal en hom daarmee toegegooi.

’n Groep skoolkinders het glo ook in dié tyd verbygestap.

Stadler sê sy seun was ’n kabinetmaker van beroep en het sy eie ingeboudekaste-onderneming bedryf. Hy het geen kinders gehad nie.

Stadler se vrou, Tharina, is verskriklik geskok en het die nuus van haar man se dood baie moeilik hanteer.

Sy sê hy was ’n baie vrolike man, wat lief was vir dans en vir sy werk gelewe het.

“Ons is nog nie eens ’n jaar getroud nie,” het sy gister tussen trane deur gesê.

Hulle sou op 2 Mei hul eerste huweliksherdenking vier.

- Volksblad


http://www.volksblad.com/Content/Suid-Afrika/Nuus/2114/9b669577fdda44ddbbba37d82a44dfaf/01-03-2010-05-42/Lyk_van_vermoorde_man_l%C3%AA_ure_op_sypaadjie_in_Bfn

Hartlike dank aan Adriana Stuijt vir die foto's

http://censorbugbear-reports.blogspot.com/

[André Strydom]

Nog ’n Limpopo-boer sterf

In die derde moord op die Limpopo-platteland binne vier dae is ’n bejaarde man van Bela-Bela (Warmbad) se lyk gister op ’n hoewe buite die dorp gevind.

Die polisie het gisteroggend op mnr. Ron Smith (70) se lyk afgekom op sy bed in ’n rondawel op ’n hoewe in die Droogekloof-gebied sowat 15km op die pad na Thabazimbi.

Supt. Ronel Otto, provinsiale polisiewoordvoerder, het gesê Smith se hande was aan die bed se kopstuk vasgebind. Hy het ’n skietwond in die linkerknie gehad.

Otto het gesê dit lyk of die moordenaar(s) by ’n venster ingekom het. Van Smith se familie wat in Benoni aan die Oos-Rand woon, het bekommerd geraak toe hulle hom nie in die hande kon kry nie. Hulle het gisteroggend die Bela-Bela-polisie gebel. Smith is vermoedelik tussen Sondag 20:00 en eergisteroggend vermoor.

Otto het gesê dit is onduidelik of iets uit die rondawel gesteel is.

Die moord kom kort ná twee gru-moorde die naweek in Limpopo.

Mnr. Etienne Cammaerts (61) is Vrydag op sy plaas in die Lephalale (Ellisras)-distrik keelaf gesny.

Mnr. Paul Dunn (49), plaasbestuurder van Constantia Produkte, ’n sitrusplaas in die Letsitele-gebied, is Saterdag in die vroeë oggendure doodgeskiet.
Twee mans verskyn vandag in die Mokopane (Potgietersrus)-landdroshof weens die moord op Cammaerts, ’n Belg.
Otto het gesê ’n 29-jarige man en sy 20-jarige makker is eergister laat in die Villa Nora-gebied weens dié moord aangekeer. Niks is van
Cammaerts gesteel nie. Sy lyk is op ’n verlate grondpad naby ’n waterpan op die plaas gekry.

Intussen moet Dunn se stiefseun, Ruan (16), berading ontvang nadat hy op sy bebloede lyk afgekom het.
Mev. Tanya Dunn het gister gesê haar seun is uiters geskok.

Sy en Ruan het Vrydagaand in die nabygeleë Tzaneen oorgeslaap. Hulle is Saterdagoggend na die plaas. “Ek bel gewoonlik vir Paul om die hek oop te maak, maar hy het nie geantwoord nie,” het mev. Dunn gesê.

Sy het by die huis ook die toeter herhaaldelik gedruk, maar daar was geen antwoord nie. Ruan het by die kombuisvenster ingekyk en sy stiefpa se lyk op die vloer sien lê.

“Hy (Ruan) het verskriklik geskree. Ek het gaan kyk en hom daar sien lê?.?.?.?ek was so geskok,” het mev. Dunn gesê.
“Baie mense is nou kwaad en wil wapens opneem, maar wat sal dit help? Dit gaan nie my man terugbring nie,” het mev. Dunn gesê.

Vyf mense is in Februarie op plase in Limpopo vermoor. Mnr. Kallie Kriel, uitvoerende hoof van die burgerregte-inisiatief AfriForum, het gister gesê hulle het by Fifa beswaar gemaak omdat die WB 2010-stadion in Polokwane (Pietersburg) na Peter Mokaba genoem is. Mokaba was berug om sy slagspreuk “Kill the Boer, kill the farmer”.

“Mokaba was ’n aanstigter tot moord op plaasboere.
Nadat sy slagspreuk berug geword het, is meer as 2 000 mense op plase in Suid-Afrika vermoor. Ons is seker Fifa sal nie toelaat dat ’n sokkerstadion na Adolf Hitler genoem word nie. Dit is ’n klap in die gesig van die naasbestaandes van duisende slagoffers van plaasmoorde,” het Kriel gesê.

http://www.beeld.com/Content/Suid-Afrika/Nuus/1928/b64bae8eef1741ff8c342a886c045e03/02-03-2010-11-45/Nog_%E2%80%99n_Limpopo-boer_sterf