Boeregrond

[Sanderis]

Badenhorst.  Ek hou van die manier waarop jy dink, veral opsie 1.  Hoop jy is al ingeburger in Bravoland. 

Badenhorst se opsie 1 is die punt waarby ek wil uitkom.

Opsie 1 = Bravoland Ondersteuners Klub , dit bestaan al 'n paar jaar .....
Badehorst het ons verlaat , ek vermoed die Bravolanders was een te veel vir hom.

[Martin Jordaan]

 Jan

As jy teruggaan met die draad langs sal jy sien dat ek iewers in die begin gevra het hoeveel Bravolanders daar in die vreemde sit.  Die doel is later uitgespel as dat Bravolanders in die buiteland kan komissie verdien as hulle help om die plan uit te dra. 

Ek is oortuig daarvan dat as mense ons droom hoor en sien en oortuig word dat hulle deel kan word van die verwesentlikte droom hulle sal inkoop.  Baie min mense gee  iets vir 'n lugkasteel.  Maak die droom konkreet deur hulle te laat deel kry en laat voel hulle maak 'n veilige belegging in hulle toekoms.  Op so 'n manier sal daar dalk binnelanders ook wees wat R20.00 per maand sal kan bekostig. 

Ek sou voorstel dat mens hulle aandele in 'n koöperasie gee vir hulle bydrae tot die aankoop van grond.  Ek dink bv aan Kambro Koöp in Orania.  Dit sal beteken dat hulle mede-eienaars van die aangekoopte grond word.  As hulle terugkeer kan hulle dan vir hulle 'n stuk grond so groot soos die waarde van hulle aandele bekom om te ontwikkel of hulle kan net as aandeelhouers aanbly.  Vir hul aandele kry hulle dus vruggebruik van 'n stukkie grond.  Amper soos Kleinfontein?  Aangrensende grond aan groeipunte kan sodoende gevolkiseer word.

As julle geldmanne die plan gaan skryf en vir die regsmanne gee om seker te maak die geld is veilig kan daar mos bemarkers oor die wêreld heen aangestel word wat dit kan bemark.

Anton Rupert het sy sigaretbedryf uitgebou tot een van die magtigste beleggingshuise in die land deur persoonlik aandele teen R1.00 aan mense op die platteland te verkoop.  Daardie aandele is vandag hoeveel werd?  Wat het hy verkoop?  'n Droom om meer twak te verkoop. 

Kom ons verkoop die droom van ons eie grondgebied waarop niemand aanspraak kan maak nie omdat ons dit self gekoop het en hulle aan ons die kaart en transport gegee het.  Ek is oortuig daar is baie van ons mense wat aandele daarin sal koop en ook baie wat sal bemarking doen daarvoor. 

Ons kan dalk sommer die VVK registrasiebeamptes aanstel as bemarkers.  Ons weet mos hulle harte is reg.  Verkoop sommer aandele aan almal wat geregistreer het en ons het reeds klomp geld om mee grond te koop.

Gebasser op huidige getalle: 
± 20 000 geregistreede volksgenote
R20.00 per maand per persoon.
R400 000 per maand.
R4 800 000 per jaar.
Dis nou nie soveel as die buitelander sommetjie nie, maar daarmee kan daar darm een skaapplaas per jaar bygekoop word.  Sit dit by die Buitelanders se bydrae en kyk waar kom ons uit. 

Ek sal voorstel dat ons na die Noorde van die Oranje ook begin kyk om die gebied daarheen ook uit te berei, tot by die Molopo en Lipopo indien moontlik, maar dis my droom.

[Sanderis]

‘G’n tweede Zim’
2011-05-12 23:04


Marietie Louw-Carstens

 Polokwane. – Niemand sal toegelaat word om plase in Suid-Afrika met knopkieries of pangas te beset nie.

So het mnr. Mathews Phosa, tesourier-generaal van die ANC, gister hier tydens ’n ontbyt met sakeleiers gesê.

”Niemand sal toegelaat word om eie reg te gebruik met grond nie.”

Phosa het gesê veiligheid op plase moet dringend aandag kry. “Die ANC wil nie hê wit of swart boere moet onveilig voel op hul plase of dat produksie negatief geraak word deur veiligheidsprobleme nie.”

Hy het aan die sakelui by die Royal Hotel in Polokwane gesê veiligheid op plase is nie net nou belangrik omdat dit verkiesingstyd is nie. “Dit is ’n langtermynkwessie wat die regering en die landbougemeenskap moet bespreek.”

Die regering se hulp aan opkomende boere sowel as hulp met samewerking in die landbou tussen wit en swart kan beter wees, het Phosa gesê.

Hy het in reaksie op aanmerkings van mnr. Mokone du Preez, ’n bekende ANC-sakeman in die stad, gesê plase sal nie beset word nie.

Du Preez het gesê: “Ons het nie ’n Zimbabwe hier nodig nie. Ek het nie ’n ander land nie. Ek wil hier bly.”

Hy het ook ’n eksemplaar van Beeld in die lug geswaai en verwys na ’n berig daarin oor mnr. Julius Malema, president van die ANC-jeugliga, wat onlangs glo gesê het alle wit mense is misdadigers.

“Ons moet politici keer wat sê wit mense is misdadigers. Hoe kan iemand sê ek is ’n misdadiger?” het Du Preez driftig gesê.

Phosa het hom verseker die ANC het “geen beleid om wit mense of swart mense as misdadigers te brandmerk nie”.

Nog sakelui het gesê die polisie doen moeilike werk en daar word swak na hulle omgesien.

Phosa het gesê hy besef die polisie het nie ’n maklike taak nie, maar hy voel genl. Bheki Cele, polisiehoof, moet “afkoel”. Hy het gesê hy lyk kwaad op TV. “Hy moenie so kwaad wees nie. Wanneer ’n mens kwaad raak, verloor jy maklik die plot.”

Phosa het gesê aandag moenie net aan swart ekonomiese bemagtiging (SEB) gegee word nie, maar ook aan wit ekonomiese bemagtiging. Hy het nie uitgewei nie, maar gesê “dit sal mense hoop gee en ’n nie-rassige ekonomie skep”.

Mnr. Jacques “Jabulani” Nell, ’n ANC-kandidaat in wyk 21, wat Bendor en Welgelegen insluit, het gesê die verkiesing gaan “nie net oor gebreekte toilette nie, maar ook oor wêreldklas-sportstadions en die regering se behuisingsprojekte.”


Mnr. Mathews Phosa gister by Nell se 1936-Mercedes-Benz voor die Royal Hotel in Polokwane.
Foto’s: Marietie Louw-Carstens


Mnr. Jacques Nell

[Martin Jordaan]

Sanderis

Nou wat het dit met die prys van eiers te doen? Of moet ek sê prys van 'n volkstaat?

[Sanderis]

Martin , eerstens dui die beskrywing van die draad nie daarop dat dit spesifiek 'n draad vir volkstaat geselsies is nie , tweedens resorteer dit in die departement van grondsake en as jy die artikel fyn deurlees sal jy opmerk dit het betrekking op Boeregrond en boeregrond . Laastens kan ek nie sien dat ek 'n aktiewe gesprek in die rede val nie .

Hierdie draad is geskep om te gesels oor moontlike maniere om soveel as moontlik Boeregrond te bekom en te konsolideer in een blok sodat ons soveel as moontlik volksgenote kan verskuif uit die NSA en sodoende te beveilig teen die vlaag van volksmoord teen ons.

Daar is verskeie pogings om volkstaat groeipunte te vestig.  Wat ek egter mis is 'n strategie om soveel as moontlik grond te bekom om dit 'n werkbare oplossing te maak. 

Kom ons wissel gedagtes oor hoe ons die grond kan bekom wat ons nodig het vir soveel van ons vryheidsbehoeftes. 

Geen kritiek teen groeipunte sal geduld word nie maar oplossings oor hoe om die groeipunte te laat groei.  Dalk is daar 'n Oraniaer of Kleinfonteiner wat ons kan laat weet wat hulle planne in die verband is.

Hoe wil jy Boeregrond bekom as jy nie weet wat die stand van sake is nie ?

As die artikel jou grief kan ek dit verskuif , geen probleem nie .

Ns. Ek dink hulle is besig met hul ou truuks ; terwyl die een (Malema) die massas aanhits om alles van die wittes terug te steel paai die ander een dat dit nooit 'n tweede Zim sal word nie , maar die massas wat aangehits is om alles van die wittes terug te steel is nie bewus van laasgenoemde se uitsprake nie .

[Martin Jordaan]

Sanderis

Ek het maar net probeer vra hoe jy die artikel by die gesprek bybring?  Ek stem met jou saam, ons moet op hoogte wees van wat aan die gang is.  Ek wou net graag die draad gebruik om gedagtes te wissel oor hoe om ons grondgebied te bekom.  Ons sal dringend strategies moet dink om die aanslae teen ons af te weer.  Grondgebied is in my denke nog steeds deel van die noodsaaklikhede vir totale onafhanklikheid.  Hoewel ons huidige landsekonomie verskuif het van 'n grond (en grondstowwe) gebasseerde ekonomie na 'n inligtingsekonomie gaan ons steeds 'n heimat(grondgebied, wat verdedigbaar en bewoonbaar is) benodig om ons volk se veiligheid en voortbestaan te handhaaf.  Dis juis hier waar my pad met die van Soli Buys en Darri Hermann geskei het.  Ek verstaan nie hulle strategie van die volk te laat oorleef terwyl hy stelselmatig uitgemoor word nie.

[Sanderis]

Ek voel dieselfde Martin , dit is ongelukkig 'n realiteit wat ons in die gesig sal moet staar en oplossings daarvoor probeer vind .

Nee ABN se paadjie is ook nie vir my nie .