Topic: Volkshulp - Kersaksie Desember 2009 (Read 9340 times)

Adri van Staden · « **Reply #100 on:** October 13, 2009, 11:58:49 AM »

Quote from: Boo on October 13, 2009, 11:44:58 AM

Dankie Ds Adri,

Net vir die interessantheid en as ek mag vra, waarom is daar toe op die 1983 vertaling besluit en nie die 1953 nie?

Groete

Oeps! Groot fout! Jammer, maar dit is inderdaad die 1953-vertaling! Hierie ding wat hulle ouderdom noem ...

Boo · « **Reply #101 on:** October 13, 2009, 12:06:00 PM »

Slaak ek nou 'n sug van verligting...

Kleinbekkie · « **Reply #102 on:** October 13, 2009, 01:26:25 PM »

Baie, baie dankie Oomdoom! Dit is voorwaar wonderlike nuus. Baie dankie ook aan die APK!

Adri van Staden · « **Reply #103 on:** October 13, 2009, 01:30:11 PM »

KB, sodra ek skriftelik en amptelik kennis kry van die besluit, sal ek dit vir jou laat kry. Jy is seker die regte een om amptelik namens Bravoland 'n bedankingsbriefie te skryf???
Dit kan dalk nog 'n rukkie duur, want die skriba van die SKK, ds. Aubrey Hough lê in die hospitaal ná 'n hartaanval en nou moet ds. Alwyn Swanepoel die notule en voorvloeiende besluite hanteer.

Kleinbekkie · « **Reply #104 on:** October 13, 2009, 01:32:56 PM »

Dit is reg, Oomdoom. Ek dink dat dit gepas sal wees as ons dit na die aksie vir hulle skryf, dan kan ons foto's byvoeg van ons aksie en waarheen die Bybels regtig gegaan het.

Sanderis · « **Reply #105 on:** October 13, 2009, 03:37:55 PM »

Dit is uitstekende nuus oom Adri !
Baie dankie vir die moeite .

Plaas Botha · « **Reply #106 on:** October 15, 2009, 03:51:10 PM »

Ons totaal, tot op vandag, staan op R3 610-00.

Ons het nog so om en by 6 weke om ons totaal van R10 000-00 te haal.

MEERKAT · « **Reply #107 on:** October 16, 2009, 07:26:40 AM »

Ek het gehoop dat ons al verder sou wees op pad na die teiken van R10 000. Is dit dalk moontlik om vir ons op n daaglikse basis te wys hoe die geld inkom?

Byvoorbeeld:

Datum Ontvang Totaal
15 September 200 200
17 September 250 450
20 September 100 550

Kleinbekkie · « **Reply #108 on:** October 16, 2009, 07:53:01 AM »

Oom Meerkat, die staattrekking by ABSA kos nogal heelwat, so ek weet nie of dit moontlik is om daagliks 'n navraag by die bank te doen nie. Of verstaan ek nou verkeerd?

Ek is jammer as ek nou so plaerig is, maar kan ons asb gou besluit hoe ons te werk gaan? Gaan ons as geheel skenk of gaan ons presentjies insluit, ens?

Plaas Botha · « **Reply #109 on:** October 16, 2009, 08:12:20 AM »

Quote from: MEERKAT on October 16, 2009, 07:26:40 AM

Ek het gehoop dat ons al verder sou wees op pad na die teiken van R10 000. Is dit dalk moontlik om vir ons op n daaglikse basis te wys hoe die geld inkom?

Byvoorbeeld:

Datum Ontvang Totaal
15 September 200 200
17 September 250 450
20 September 100 550

Op hierdie stadium trek ek elke week by ABSA 'n staat, maar die laaste 2 weke was daar nie enige deposito's gewees nie

Oranjekas stuur 'n SMS wanneer daar deposito's gemaak is.

By ABSA kan ek nie die SMS funksie aktiveer nie, want Suzanne moet saam met my gaan en ons moet 'n afspraak by 'n besigheidskonsultant maak om dit te doen. Sy werk egter tans in George en dit is dus nie moontlik om by die bank uit te kom nie

Kleinbekkie · « **Reply #110 on:** November 04, 2009, 10:21:45 AM »

Ek wil net ons Volkshulpaksie van Desembermaand onder almal se aandag bring. Die inbetalings sluit op 30 November 2009 en ons is nog 'n hele ent van ons R10 000.00 merk af.

Ons wil bitter graag hierdie feesgety ook vir hierdie mense by Lochvaal Deurgangshuis in Vanderbijlpark 'n aangename dag gee en ons vra u om u weg oop te sien om dit te kom bywoon saam met ons.

Adri van Staden · « **Reply #111 on:** November 04, 2009, 11:26:52 AM »

KB, kan ons nou aanvaar dat die datum 19 Desember is? Weet ons al wie sal kan gaan? Afhangende van die sukses van my oog-operasies (katarakte verwyder en lense inplant) op 4 en 7 Desember, beplan ek om beskikbaar te wees.

Plaas Botha · « **Reply #112 on:** November 04, 2009, 01:45:15 PM »

Die bydraes vir die 2009 Kersaksie beloop, tot op datum, 'n totaal van R4 110-00

Baie dankie vir almal wat tot dusver bydraes gemaak het.

Kleinbekkie · « **Reply #113 on:** November 04, 2009, 03:44:30 PM »

Oomdoom, ek sal my stem moet verander, want dit lyk my ek sal net die 12de se Saterdag daar wees. Ons ry seker die 18de of 19de weer terug.

Adri van Staden · « **Reply #114 on:** November 05, 2009, 07:28:55 AM »

Vir my maak dit nie saak nie. Wat sê die ander wat kan gaan?

Werner Smook · « **Reply #115 on:** November 05, 2009, 03:04:39 PM »

Ek gaan ongelukkig die 12de plaas toe julle, sal dit ongelukkig nie kan meemaak nie. Ek hoop dat daar genoeg is wat dit wel kan bywoon en dat dit 'n geslaagde aksie sal wees!!!

Werner Pereira · « **Reply #116 on:** November 05, 2009, 03:19:01 PM »

Ek kan R1000 belowe voor die einde van die maand, en ek en my vrou kan ook teenwoordig wees indien ons hulp benodig word.

Alwyn · « **Reply #117 on:** November 06, 2009, 08:59:05 AM »

Quote from: Adri van Staden on November 05, 2009, 07:28:55 AM

Vir my maak dit nie saak nie. Wat sê die ander wat kan gaan?

Ek si ook reg vir enige een van die naweke.

Plaas Botha · « **Reply #118 on:** November 06, 2009, 04:27:33 PM »

Quote from: Werner Pereira on November 05, 2009, 03:19:01 PM

Ek kan R1000 belowe voor die einde van die maand, en ek en my vrou kan ook teenwoordig wees indien ons hulp benodig word.

Werner

Baie dankie. Julle is beslis welkom om saam te gaan die dag.

Die datum moet nog net gefinaliseer word

Kleinbekkie · « **Reply #119 on:** November 20, 2009, 09:13:13 AM »

Ek wil net julle gevoel toets rondom die beplande aksie. Weens 'n paar dingetjies wat nou intussen voorgeval het, het ek gewonder hoe julle mense sal voel om so iets op 'n Sondag te doen?

Ek dink byvoorbeeld aan Sondag, 13 Desember 2009. Ons begin almal saam deur 'n diens saam met Lochvaal se mense by te woon. Ek verstaan dat hulle dit sommer daar in die saaltjie hou?

Wat is julle gevoel hieroor?

Bravoland

Author Topic: Volkshulp - Kersaksie Desember 2009 (Read 9340 times)