Print

Please login or register.
1 Hour 1 Day 1 Week 1 Month Forever
Login with username, password and session length

[Oom Henry]

Beeld het vandag hierdie artikel geplaas. Dit is die regte geluide. Net soos by die destydse Codesa waar die NP ordentlik deur die ore gewerk is. Dink hy bv dat die ouens wat reeds oorsee is, sal terugkom omdat hy maanskyn en rose belowe? Ek glo nie. Dit kos 'n klomp geld net om in Suid Afrika rond te trek wat nog van heen en weer oor die aardbol.

Ek wil hom graag glo, maar ek glo nie meer in iets soos "ter goedertrou" nie. Die Grondwet - van Suid Afrika - gaan herskryf moet word om heelwat dinge wat verkeerd is reg te stel en om wigte en teenwigte  ten opsigte van magsvergrype daar te stel. Is Cope bereid om dit te doen? Ek wil graag glo dat dinge beter sal gaan, maar "once bitten twice shy." Wat is die Japie hiervoor?

Wat dink julle?

Stellenbosch. – Die Congress of the People (Cope) word op 16 Desember in Bloemfontein van stapel laat loop om te wys alle Suid-Afrikaners moet saamstaam tot voordeel van die land.
“Ons wil al die spanning agter ons sit wat op 16 Desember 1838 (by die Slag van Bloedrivier) begin het,” het mnr. Mosiuoa Lekota, voorsitter van Cope, gister aan sowat 150 studente en personeellede van die Universiteit van Stellenbosch gesê.
“Ons moet nie meer almal na verskillende plekke toe gaan om dit te vier nie, die een lot by Bloedrivier en die ander by die Voortrekkermonument nie,” het hy by die stigtingsvergadering van ’n Cope-tak in die universiteitsdorp gesê.
Lekota het groot klem gelê op nie-rassigheid en die idee dat alle Suid-Afrikaners moet saamstaan om die land te verbeter.
“Selfs aan Suid-Afrikaners wat die land verlaat het wil ons sê: Kom terug. Julle pa’s, oupas en voorvaders het gehelp om die land te bou. Julle kan tog nie meer regte elders hê as in jul eie land nie.”
Lekota het gesê alle gemeenskappe in die land het bygedra tot die totstandkoming van die demokrasie.
“Die jeug van vandag se beurt is nou; moet hulle nie blameer vir gister nie.
“Hulle sal eendag die blaam dra vir hul eie foute.”
Met verwysing na mnr. Julius Malema, leier van die ANC-jeugliga, se swak matriekuitslae het Lekota gesê die land het hoogs opgeleide en kreatiewe denkers nodig om sy uitdagings aan te pak.
“As jy selfs houtwerk pluk, gaan jy nie die mas opkom in die internasionale gemeenskap nie.”
Volgens hom moet “agterlike idees”, soos dat dit nie nodig is om matriek te slaag nie, nek omgedraai word.
“Ons durf nie ’n nasie hê wat middelmatigheid bewonder nie.”
Lekota het ook ’n blik gegee op die soort ekonomiese beleid wat Cope dalk mag volg deur te beklemtoon dat die land nie ’n welsynstaat mag word nie.
“Mense kan nie die houding hê van die regering moet alles verskaf nie,” het hy gesê.
“Ons visie is ’n nasie van verenigde, gedissiplineerde mense wat elke dag werk om Suid-Afrika beter te maak.”
Lekota het sowat twee uur laat vir die vergadering opgedaag omdat hy eers probleme met sy lyfwagte wou probeer uitsorteer.

[Ben Geldenhuys]

Henry,

Dit is vir my aanstootlik dat die kneg sy snawel rek oor Bloedrivier, dat hy dit wat vir ons volk kosbaar is wil gebruik vir sy eie politieke gewin. Ek vermoed egter dat die spul daar in die bloekombos hom heel moontlik geglo het. Nie dat hulle enige erg het aan die Gelofte of aan Bloedrivier nie.

Oor sy beloftes, is dit 'n finkel en koljander geval. Ek het hulle nog nooit geglo en sal ook nooit nie.