Die volgende omsendbrief per epos is op 8 Maart 2010 deur die rektor van die UV, prof. Jonathan Jansen, aan kollegas en belanghebbendes gestuur: “'n Goeie more vir julle almal! Dankie vir julle talle insiggewende response tot die Maandagbulletin. Ek wil julle graag verseker dat ek elke e-pos lees, en probeer om iets daaromtrent te doen. Hierdie keer het ek 'n ander probleem. Voor my kantoor staan die indrukwekkende standbeeld van President MT Steyn. Al hoe meer mense sê vir my dat dit moet skuif. Party glo dat dit 'n argitektoniese mislukking is wat die pragtige pad verby die fonteine na die Hoofgebou toe versper. Ander glo dat dit eensydig is; dat dit 'n simbolisme weerspieël wat partydig teenoor die geskiedenis van die provinsie en die land staan. 'n Paa r ander glo dat dit ’n nuttige doel dien as 'n baken op die kampus en 'n skadukol bied waar 'n mens jou middagete kan nuttig. Daar heers 'n sterk gevoel dat die standbeeld nie verskuif moet word nie, maar dat dit laer gemaak moet word en in gesprek moet staan met 'n standbeeld van gelyke grootte, naamlik een van die groot koning Moshoeshoe van die streek. So 'n verandering sal die versoenende houding van die universiteit uitstraal. So, hier is my vraag: ‘Behoort ons die standbeeld van President Steyn te behou en eerder ander ruimtes op ons kampus te gebruik om nuwe simbole aan te bring en te bou?’ Praat met my.”
Bron; Ditsem Vrystaat
