HNP

[Sanderis]

HNP kies nuwe leier

Tydens die jaarkongres van die HNP die afgelope naweek in Pretoria is mnr Andries Breytenbach, ’n afgetrede senior amptenaar van Krygkor, as nuwe leier gekies in die plek van mnr Japie Theart wat uitgetree het. Die twee onderleiers is mnre Wouter Rust, ’n boer van Blinkpan in die Oos-Transvaal, en mnr Hans Koekemoer, ‘n boer van Wolmaransstad in die Wes-Transvaal. Mnr Breytenbach het in sy leierstoespraak die parallel getrek tussen die eendragtige optrede vir die herstel van vryheid van die Afrikaners vandag met die toestand 50 jaar gelede toe ’n volkstelling gehou is oor Republiekwording. Hy het gesê alle eendersdenkende volksgenote moet die geleentheid gegun word om deel te neem aan die vryheidstryd.

Bron : Ditsemblits

[nagwag777]

Sanderis my HNP lidmaatkaart is nog al die jare in my beursie

[Adri van Staden]

Ek sien in die nuutste uitgawe van Die Afrikaner ons SP en ASP "feature" sterk! Mooi man!

[Sanderis]

HNP oor Selebi’s

In ’n mediaverklaring, sê die HNP “as die hooggeroemde regstaat sy geloofwaardigheid wil behou, sal hy onmiddellik moet optree teen die broer van die veroordeelde voormalige polisiekommissaris, Jackie Selebi.  Suleiman Selebi het teenoor die media gesê dat sy broer skuldig bevind is deur ‘n apartheidsregter in ‘n apartheidshof onder ‘n Romeins-Hollandse regstelsel van die ‘imperialistiese Weste’ wat nie meer in die land moes gewees het nie.  Enige hof met selfrespek sal hierdie bewerings van Suleiman Selebi onmiddellik laat ondersoek met die oog op vervolging vir minagting van die hof.”

Bron : Ditsemblits

[Adri van Staden]

Vergewe my die Brits: "You wish!"