"My kind se ewige toekoms", uitgegee onder redaksie van professor Roelof Maré, verskaf leiding aan ouers van skoolkinders en aan ander belanghebbendes oor die gevaar van en eensydigheid in handboeke wat deur die Departement van Onderwys goedgekeur is vir gebruik in skole in die vak Lewensoriëntering.
In hierdie goedgekeurde boeke, word die intergeloofsgodsdiens gehandhaaf. Wat moet u van die volgende sê?
- Alle godsdienste is gelyk;
- Ons kinders moet eerbied geleer word vir die afgode;
- Kinders moet in die klas debatteer oor die moontlikheid van Christus se opstanding;
- Die mens het uit 'n aap ontwikkel;
- Ons is baie gelukkig dat daar soveel gelowe in die land is;
- 'n Kind wat nog nie 'n maat oor die kleurgrens heen het nie, is nog nie 'n maat vir ander nie, en het ook nie 'n maat nie.
In hierdie boek lees u van nog talle ander stellinge wat Christene se hare laat rys.
Christenouers, -onderwysers, -kinders en Christelike kerke moet van hierdie dinge kennis neem. en voorkomingsmaatreëls tref om ons kinders in die vrees van die Here te bewaar. Hierdie boek wil u daarmee help.
Die boek gaan beskikbaar gestel word vir ongeveer R40.00 en ek verstaan dat die Verkenners behulpsaam gaan wees met die bemarking en verkope. Die prys en bronne waar dit beskikbaar gaan wees sal so spoedig moontlik bevestig word.
