Aanvalle op volksgenote

[Werner Smook]

Man speel dood, maar word deur rower geskiet

2010-09-29 07:41

Alta Snyman

Koster. – Die pa van twee dogtertjies is Maandag in die vroeë oggendure vier keer deur drie gewapende rowers geskiet.

Coenie Pitout (35), ’n verteenwoordiger by ’n kunsmisfabriek, is in ’n ernstige toestand in ’n hospitaal.

Pitout het volgens Justus Jones, sy swaer, gaan ondersoek instel nadat sy vrou, Tania (33), omstreeks 02:30 wakker geword het van ’n geluid in die huis.

Die Pitouts het sowat ses weke gelede in die huis ingetrek.

Volgens hom het die gesin Sondagaand TV gekyk en die meisies, Imké (4) en Antoné (6), het in die TV-kamer aan die slaap geraak.

“Tania het van iets wakker geword en wou gaan kyk. Net voor die kombuisdeur het sy onrustig gevoel en omgedraai om Coenie te gaan wakker maak.

“Hy het gedink dis een van die kinders en het nie eens sy vuurwapen gevat nie.”

Toe Pitout by die kombuis se gangdeur kom, is hy deur een van die rowers raak geskiet.

Die skoot is skrams oor sy linkerwang, het sy oor half losgeruk en is agter uit. Die skoot is so naby afgevuur dat sy gesig swart van die kruit was.

“Coenie het die man geduik en met hom gestoei. Die wapen het geval en een van die ander rowers het dit opgetel terwyl die derde een hom met ’n mes in die regtersy gesteek het. Hy is ’n tweede keer, in die linkersy, geskiet.”

Die kinders het van die lawaai wakker geword en Antoné het tot by haar ma in die gang gehardloop. Een aanvaller het Imké gegryp.

“Coenie het haar losgeruk en in die gang af gestamp. Tania het die kamerdeur gesluit, maar kon nie die kluis oopkry om die geweer uit te kry nie. Sy het die kamervenster met ’n haarsproeibottel gebreek en met die kinders gevlug.”

Sy het by die bure gaan hulp soek. Intussen het dit vir Pitout gelyk asof twee van die aanvallers deur die eetkamervenster (waar hulle die diefwering oopgebuig het om in die huis te kom) wou wegkom. Hy het kamer toe gehardloop, maar die deur was gesluit.

“Coenie het omgedraai en gesien die derde aanvaller is met die wapen agter hom. Dié het hom in die linkerskouer geskiet en hy het op sy rug geval. Hy het gemaak of hy dood is sodat dit net kan end kry. Hy het gelê en bid en toe loop die man nader, trap op sy gesig en skiet hom in die bors.”

Die skoot het een van sy ribbes gebreek en dít, sowel as die borsskoot se koeël, moet nog verwyder word.

“Coenie het verskriklik baie bloed verloor. Die dokter sal opereer sodra dit beter gaan met hom.”

Jones het gesê hulle krap kop oor waarom die mans sy swaer aanhou aanval het terwyl hulle nie vasgekeer was nie en kon vlug.

Die aanvallers het ook nooit met sy swaer gepraat en geld of motorsleutels geëis nie.

Sowat ’n maand gelede is ook by die gesin se vorige huis ingebreek.

“Die motorsleutels was langs Tania se handsak, wat al is wat geroof is.”

Al drie aanvallers is groot gebou.

Lt.kol. Lesego Metsi, polisiewoordvoerder, het die aanval bevestig.

- Beeld


http://www.nuus24.com/Suid-Afrika/Nuus/Man-maak-of-hy-dood-is-maar-rower-skiet-hom-in-bors-20100928-2

[André Strydom]

Boervrou skiet inbreker in nek

Wesselsbron. – ’n Gewapende inbreker is vermoedelik verlam gelaat nadat ’n boervrou hom in die nek geskiet het.

Mev. Cecelia Steynberg (51) van die plaas Stormpan het gister omstreeks 03:00 van die geblaf van hul twee klein honde wakker geword.

Sy het opgestaan, haar kamerjas aangetrek, haar vuurwapen uit die kluis gehaal en in die bed teruggeklim.

Haar man, Callie, het gesê weens die aard van hul boerdery is hy meestal in die week in Kroonstad en sy vrou is alleen tuis.

Mev. Steynberg het gehoor hoe die veiligheidsdeur wat na haar kamer lei in die gang oopgebreek word. Sy kon nie die plaasbestuurder op die tweerigtingradio in die hande kry nie omdat hy by die hoenderhokke besig was. Die volgende oomblik was die inbreker by haar in die kamer.

Sy het ’n skoot afgevuur, maar hom gemis. Hy het haar bestorm en sy het hom in die nek geskiet terwyl hy skaars ’n meter van haar was.

Die inbreker se eie vuurwapen het blykbaar geweier.

Mev. Steynberg is daarna na buite waar sy nog ’n skoot geskiet het om die plaaswerkers se aandag te trek.

Sers. Puleng Motsoeneng, polisiewoordvoerder, het gesê die gewonde man het aan die polisie gesê drie ander was saam met hom. Hulle het by die huis ingekom deur die diefwering by die TV-kamer se venster oop te knip.

’n Vuurwapen waarvan die reeksnommer afgevyl is, mev. Steynberg se voertuigsleutels en ’n rybewys wat aan iemand anders behoort, is by die gewonde man gekry.

Hy is onder polisiebewaking in die hospitaal in Odendaalsrus opgeneem waarna hy na die Bongani-hospitaal in Welkom oorgeplaas is.

Die polisie, spoorsnyers, boere en mnr. Hennie Gerber, intelligensiehoof van Vrystaat Landbou en sy span, het gisteroggend met ’n grootskaalse soektog na die ander drie inbrekers begin.

’n Tweede verdagte is later die oggend in hegtenis geneem en het sekere uitwysings aan die polisie gedoen.

Die ander twee het die soekspan naby Odendaalsrus ontglip.

http://www.beeld.com/Suid-Afrika/Nuus/Boervrou-skiet-inbreker-in-nek-20100929

[Sanderis]

Iets wat ek opgemerk het ; in meeste aanvalle kom die aanvallers in drieë .

[Ben Geldenhuys]

Bygelowiges vertel mos slegte goed kom in driee......nou weet ons hoekom hulle so vertel.

[Sanderis]

Ek wonder of opleiding nie 'n rol daarin speel nie of ten minste dat hul voorgeskryf is deur 'n hoër invloed om so te doen nie . Dit kom net vir my baie verdag voor .

[Werner Smook]

10 Oktober 2010 -  Manie van Zyl (74) en sy dogter, Erika van Zyl (44)

Nie vermoor, maar wel met die dood gedreig: 

“Hy het my met sy vuiste geslaan en gesê hy gaan my doodskiet as ek nie vir hom R100 gee nie. Hy het gevroetel in sy broeksak, klaarblyklik om ’n vuurwapen uit te haal.”


Bejaarde (74), dogter op plaas oorval

2010-10-10 22:14

Pieter Steyn

Bloemfontein - ’n Plaasaanval in die Hertzogville-distrik het inwoners van dié omgewing gister geruk.

Omstreeks 06:00 het mnr. Manie van Zyl (74) van die plaas Nooitgedacht, sowat 5km van Hertzogville, soos gewoonlik opgestaan om die hoenders te gaan kos gee, toe hy opmerk daar is met die veiligheidshek gepeuter.

Volgens sy dogter, me. Elmarie van Zyl (44), wat ook op die plaas woon, het Van Zyl uitgestap toe ’n man hom oorval en met ’n stuk yster aangerand het.

“My pa het geval en die man het by die huis ingestorm. My pa het agterna gekom en my geroep.

“Die aanvaller het my pa oor die tafel gestamp. Toe ek by die eetkamer inkom, het hy gereed gemaak om my pa met ’n stoel te slaan,” het me. Van Zyl gister gesê.

Toe hy haar sien, het hy haar gegooi met ’n glasdeksel van ’n pot wat daarnaby gestaan het.

“Die deksel het my onder die oog getref en my bril het gebreek. Hy het gesê hy soek ’n beursie.”

Van Zyl sê sy het daarin geslaag om die boosdoener op ’n manier weer uit die huis te kry.

“Hy het my met sy vuiste geslaan en gesê hy gaan my doodskiet as ek nie vir hom R100 gee nie. Hy het gevroetel in sy broeksak, klaarblyklik om ’n vuurwapen uit te haal.”

Volgens Van Zyl kon sy daarin slaag om die houtdeur toe te druk en te sluit. Die man het in die rigting van die nabygeleë Malebogo-woonbuurt gehardloop.

Mnr. Hannes de Jager, een van die koördineerders van die landelike veiligheidsprogram, het die boere van die omgewing laat weet en saam met die plaaslike polisie die verdagte se spoor gevolg.

Volgens kapt. Harry Nagel, polisiewoordvoerder, is die 31-jarige verdagte enkele ure ná die voorval in sy huis in die township in hegtenis geneem.

Hy word in die Boshof-polisieselle aangehou en sal môre in die hof verskyn op aanklagte van aanranding met die doel om ernstig te beseer en poging tot huisbraak.

Me. Van Zyl sê hulle is baie geskok, maar dankbaar dat hulle nog lewe.

“Ons bly nou eers twee maande op die plaas. Ek is baie bly nie ek of my pa is baie ernstig beseer nie.”


http://www.volksblad.com/Suid-Afrika/Nuus/Bejaarde-74-dogter-op-plaas-oorval-20101010

[Werner Smook]

8 Oktober 2010

Dubbele slag vir gesin van Somerset-Wes

2010-10-10 22:00



Ilse Krige

Stellenbosch - Die Koorts-gesin van Somerset-Wes het dié naweek ’n dubbele beproewing deurgegaan.

Nie net is mnr. Marius Koorts (61) Vrydag omstreeks 11:45 by sy werkplek langs die R44 in die been geskiet en in die waaksaal van die Stellenbosch Medi-Clinic opgeneem nie.

Daar is boonop dieselfde nag by die gesin se huis in Somerset-Wes ingebreek terwyl mev. Roelien Koorts en haar twee dogters ná die uitputting van die dag geslaap het.

Koorts, ’n skrynwerker by die Groote Schuur-antiekwinkel op ’n plaas buite Stellenbosch, is volgens die polisie Vrydag in die regterbobeen gewond. Drie vermeende rowers het hom vermoedelik van die dag se lone vir die werkers beroof, asook van sy motorsleutels en selfoon.

Mev. Koorts en haar kinders het Vrydagaand nadat hulle van die hospitaal af gekom het, gaan slaap.

In die middel van die nag het dié ma van twee wakker geword, blykbaar van die geluid van glas wat breek. Sy het onmiddellik gaan ondersoek instel. ’n Klein venster aan die agterkant van die huis was glo stukkend, maar die voornemende inbreker het hom uit die voete gemaak.

’n Vriend van die gesin wat anoniem wil bly, het vertel die gesin het aanvanklik gevrees die skietery en die inbraak hou verband met mekaar.

“Intussen is daar konsensus dat die twee voorvalle net toevallig op dieselfde dag gebeur het,” het die vriend verduidelik.

Mev. Koorts het glo ’n verklaring by die polisie gaan aflê oor die voorval. Die bure het haar gehelp om Saterdagoggend nog die stukkende ruit te vervang en sommer ook diefwering voor dié venster aan te bring.

Konst. Susan Jantjies, polisiewoordvoerder van Somerset-Wes, het ontken dat só ’n saak by hulle geopen óf aangemeld is. )Me. Carla Hanekom, kliëntediensbestuurder van die Stellenbosch Medi-Clinic, het vroeër bevestig die slagaar in Koorts se been is afgeskiet.

“’n Operasie is Vrydagmiddag uitgevoer waarna mnr. Koorts in die hoësorgeenheid aangesterk het.

“Hy is Saterdag na ’n algemene saal oorgeplaas en sy toestand is stabiel en bevredigend,” het Hanekom gister in ’n hospitaalverklaring gesê.

- Die Burger

http://www.dieburger.com/Suid-Afrika/Nuus/Dubbele-slag-vir-gesin-van-Somerset-Wes-20101010

[Werner Smook]

11 Oktober 2010

Rowers klouter oor ‘lyk’ in huis

Hanco Watkins (9) voor die ruite wat rowers gisteroggend gebreek het om in hul huis te kom. (Foto: Alet Pretorius)

2010-10-11 21:27

Hilda Fourie

Hy het voorgegee dat hy dood is waar hy gewond in die gang gelê het terwyl die res van sy gesin in die huis weggekruip en vir hul lewe gevrees het.

Nadat aanvallers mnr. Harold Bentley (58), ’n pensioentrekker, in sy huis op die Andeon-hoewes in die weste van Pretoria geskiet het, het hulle die kamerdeur probeer afskop waaragter sy vrou, seun en skoondogter weggekruip het.

Mnr. Jonathan Bentley (23) en sy vrou, Sonja (29), het voor dié deur gaan lê om te keer dat hulle inkom.

Bentley jr. se ma, Coleen (54), was saam met hulle in die kamer.

Toe die rowers nie regkom nie, het hulle buite om die huis na die kamervenster gehardloop en dié gebreek om in te kom.

Die Bentleys het na die badkamer gehardloop en daar gaan wegkruip. Die aanvallers het dié deur ook probeer oopskop, maar kon dit nie regkry nie.

Dié nagmerrie het gisteroggend in die Bentleys se huis afgespeel kort nadat die alarm omstreeks 00:30 afgegaan het.

Bentley sr. is na die kombuis en het deur die venster gesien hoe mans om die huis beweeg.

Hy is terug na sy kamer, waar die aanvallers die kamervenster reeds gebreek het. Toe Bentley sr. in die deur staan, het hulle hom geskiet. Hy is in die regterskouer getref.

Bentley sr. het in die gang afgekruip, by die TV-kamer gaan lê en gemaak of hy dood is.

Mev. Bentley sr. het na haar seun se kamer gehardloop.

“Jy hoor hoe slaan hulle die ruite stukkend en weet jy het geen verweer nie,” het mev. Bentley sr. gister gesê. “Jy kan nêrens heen gaan nie.”

Toe die aanvallers nie by die Bentleys in die badkamer kon uitkom nie, is hulle na mev. Sonja Bentley se seun, Hanco Watkins (9), se kamer.

Hanco het regop in sy bed gesit toe twee mans by sy kamer inloop. Hulle het sy selfoon gevra en dié foon en nog ’n selfoon wat in sy kas was, gevat.

Die aanvallers het die res van die huis geplunder en kort-kort oor Bentley sr. geklim. Hulle het onder meer met juwele en ’n skootrekenaar weggekom.

Mev. Bentley sr. het die polisie en haar pa, mnr. Stan Davis (79), wat daar naby woon, gebel.

Bentley sr. is na ’n hospitaal geneem.

Ao. Louis de Bruin, polisiewoordvoerder, het gesê dié twee aanvallers word al ’n geruime tyd lank gesoek omdat hulle die mense in dié omgewing teister.


http://www.beeld.com/Suid-Afrika/Nuus/Rowers-klouter-oor-lyk-in-huis-20101011

[Werner Smook]

Alweer 'n tuinwerker 

Mev. Anna Jacoba Myburgh (65) nadat sy gered is toe sy op 18 Februarie verlede jaar ontvoer en geskiet is. Foto: Theana Calitz

‘Doodstraf nie genoeg vir dié twee’

2010-10-18 22:15

Gerhard Pretorius

Al was die doodstraf daar, sou dit nie goed genoeg gewees het nie.

So sê mnr. Hans Myburgh (57), man van mev. Anna Jacoba Myburgh (65), wat vroeër vanjaar aan lewerversaking dood is ’n jaar nadat sy en twee ander vroue ontvoer en gered is. Hy was gister by die Bronkhorstspruit-streekhof toe Daniel Motshwarateu (23), die Myburghs se tuinwerker, en Helton Matsimela (28) skuldig bevind is aan roof, aanranding, ontvoering en poging tot moord op wyle mev. Myburgh, hul skoondogter, mev. Edri Myburgh (28), en hul huiswerker, me. Paulina Moyana (ouderdom onbekend).

Streeklanddros Magriet Cook het Motshwarateu op 19 en Matsimela op 15 aanklagte skuldig bevind.

Die mans het die vroue in hul huis oorval, in die voertuig gedwing en met hulle op die Spitskop/Sarita-pad tussen Bronkhorstspruit en Witbank rondgery.

Cook het in haar uitspraak gesê Motshwarateu het vroeër getuig hoe hulle Myburgh sr. met ’n mes in die voet gesteek en haar voor die ontvoering met ’n warm strykyster op die voete en lyf gebrand het.

Motshwarateu en Matsimela het Myburgh sr. in die kop, agter die linkeroor en Myburgh jr. in die mond geskiet en op die grondpad vir dood agtergelaat nadat hulle Myburgh jr. se voertuig gerol het.

Albei het erken dat hulle dié twee vroue geskiet het.

Daar word ook nog ’n saak teen hulle ondersoek weens ’n voorval in die tronk.

Mnr. Henk Myburgh (32), Myburgh jr. se man wat ook gister in die hof was, het aan Beeld gesê dat die voorval diep emosionele letsels gelaat het.

“Elke keer wat ons in die hof kom sit, krap dit weer die ou wonde oop. Ons as ’n familie probeer die voorval vermy, maar dit is nou ongelukkig deel van ons lewens.”

Hul skoondogter was nie gister in die hof nie.

Die mans sal in November gevonnis word.

Mev. Edri Myburgh (28)

Helton Matsimela (28)

Mnr. Hans Myburgh (57) voor sy huis in Bronkhorstspruit nadat sy vrou, skoondogter en huiswerker ontvoer is.
Foto: Theana Calitz

http://www.beeld.com/Suid-Afrika/Nuus/Doodstraf-nie-genoeg-vir-die-twee-20101018

[Werner Smook]

Sy is ontsaglik bang, vertel slagoffer van verkragting

2010-10-28 00:11


Pieter Steyn

Terwyl haar verkragter haar verkrag het, het sy die hele tyd “Jesus, Jesus” gebid. Daarop was sy reaksie: “Jou Jesus kan jou nie nou help nie”.

Só vertel die tenger me. Monya Holtzhausen (23), wat Vrydag in die vroeë oggendure wreed verkrag is, nadat sy en haar verloofde, mnr. Quintin Steyn (24), en hul eenjarige seuntjie in hul huis op hul kleinhoewe by Estoire buite Bloemfontein oorval is.

Intussen is twee mans geïdentifiseer wat moontlik die polisie in hul ondersoek na die aanval en verkragting kan help.

’n Getraumatiseerde Holtzhausen het gister haar hart teenoor Volksblad oopgemaak. Sy is ’n aantreklike jong vrou met rooibruin hare.

Holtzhausen is vas oortuig die Here het haar gehelp dat die “duiwel haar nie seerder gemaak het nie”.

“Dit begin my nou erg vang. As ek net my kop op iemand anders se lyf kan sit, sal ek dalk beter voel,” het gesê.

“Ek is bang, ontságlik bang. Ek dink die realiteit tref my nou eers. Die werklikheid van wat met my gebeur het, sink nou eers in.”

Holtzhausen sê in dié stadium dra sy ’n verskriklike gevoel van haat teenoor die verkragters met haar saam.

Haar verloofde is “baie stil”.

“Hy praat darem nou oor die gebeure daardie oggend, maar dis ’n moeilike pad wat hy stap.”

Hul seuntjie is saans baie bang.

“Die sielkundige sê hy moet slaap, maar as jy nie by hom gaan lê en hom vashou nie, raak hy nie aan die slaap nie.

“Hy slaap ook baie onrustig.”

Holtzhausen se ouer suster sê Monya lyk sleg.

Dié suster wil ná dreigoproepe nie haar voornaam genoem hê nie,

“Monya is emosioneel óp. Sy probeer nog sterk wees. Sy is doodmoeg,” sê die suster.

Sy sê nie een lid van hul gesin slaap juis nie. “Ons almal se lewe is in ’n chaos gedompel. Sedert die dreigoproep, waarin hulle gedreig het dat ek en my ander suster ‘volgende’ is, kan ek nie eers meer werk toe gaan nie.”

Die ondersoekbeampte, ao. Richard Botha van die polisie se eenheid vir gesinsgeweld, kinderbeskerming en seksuele misdrywe, sê twee mans is geïdentifiseer wat moontlik kan help met die ondersoek.

Mnr. Jimmy Lemane Chokchela, ook bekend as Pinkie of Rasta, is tussen 40 en 50 jaar oud, het ’n baard en het korterige “rasta-hare”.

Die tweede man wat dalk lig op die ondersoek kan werp, is mnr. Luckyboy Emmanuel Mogoera (27), ook bekend as Seun of Shoes.

Botha sê positiewe inligting word in dié stadium opgevolg.

Enigiemand met inligting oor dié twee mans kan Botha by 083-697-0982 bel.

- Volksblad


http://www.volksblad.com/Suid-Afrika/Nuus/Sy-is-ontsaglik-bang-vertel-slagoffer-van-verkragting-20101028

[Sanderis]

Oor is byna af, maar sy baklei


2010/11/02 10:43:30 PM

’n Vrou se oor is byna afgekap en haar arm gebreek toe sy teen vier mans met ’n panga en pikstele moes baklei om haar gesin te beskerm.

Tydens mev. Jackie Coomber (38) se struweling met die aanvallers het haar vrou, mev. Tessa de Villiers (37), haar lyf oor hul seuns, Anton de Villiers en Martin Matthee (albei 13), gegooi om hulle te beskerm en kalm te hou.

Die gesin van Brits is Vrydagnag in hul vyfmantent by die Trans Magalies-woonwapark in die dorp in hul slaap oorval.

Coomber se regteroor moes na dié aanval geheg word. Dokters het ook haar gebreekte regterarm geopereer om die senuwees in haar hand te herstel. Van Coomber se tande is ook losgeslaan en haar lyf is pimpel en pers van al die houe wat op haar neergereën het.

De Villiers het gesê hulle het die seuns die Vrydag na die woonwapark geneem om te gaan visvang.

“Ek het om middernag wakker geword toe ek die tent se ‘zip’ hoor oopgaan.

“Toe ek opkyk, het ek vier mans in die tent gesien. Een het ’n panga gehad en die ander drie pikstele.”

Die mans het Coomber dadelik begin aanval. “Hulle het in Engels gesê ons moet stilbly,” het Coomber gesê.

“Ek het gesê hulle kan alles vat, maar hulle het my begin slaan terwyl ek op my rug gelê het.

“Ek het na hulle geskop en het net die hele tyd gedink ek moet my mense beskerm.

“Ek het hulle darem lekker teruggeslaan en geskop. Ek het in die proses selfs Tessa se handsak gered,” het Coomber gesê.

“Toe Jackie langs my neerval en dit stil raak, het ek gehardloop om hulp te kry.”

Die gesin het drie dae lank gespook om die voorval by die polisie aan te meld.

De Villiers het gesê ’n polisievrou wat ook daar gekampeer het, het die polisie ontbied, maar hulle het nooit opgedaag nie.

“Die Brits-polisie en die Hartbeespoort-polisie het geweier om my toe te laat om die voorval aan te meld.

“By die Brits-polisiekantoor het ’n polisievrou gesê daar is nie skryfbehoeftes nie en dat ek die voorval nie namens Jackie, wat toe onder verdowing was, kan aanmeld nie.

“Ek is eers Maandag gehelp toe ek met ’n joernalis van die plaaslike koerant Brits Pos na die Brits-polisiekantoor is.

“Dieselfde middag het die polisie Jackie se verklaring gaan afneem,” het De Villiers gesê.

Brig. Mokhele Seboloki, stasiebevelvoerder, het vroeër aan Beeld gesê hulle ondersoek aanklagte van gewapende roof en poging tot moord.

Die aanvallers het met drie selfone en De Villiers se motorsleutels gevlug.



Mev. Jackie Coomber wys die snye aan haar gebreekte arm nadat sy en haar gesin Vrydagnag deur vier mans met ’n panga en pikstele in hul tent in die Trans Magalies-woonwapark in Brits aangeval is. Foto: Alet Pretorius

[Adri van Staden]

Oor is byna af, maar sy baklei


2010/11/02 10:43:30 PM

Tydens mev. Jackie Coomber (38) se struweling met die aanvallers het haar vrou, mev. Tessa de Villiers (37), . ...

Die gesin van Brits ...

Gesin???

[Werner Smook]

Tydens mev. Jackie Coomber (38) se struweling met die aanvallers het haar vrou, mev. Tessa de Villiers (37)

Wou ek ook vra...

[Sanderis]

Omdat hulle lesbies is , maak dit van hul volksvreemdes ?
Nou wonder ek natuurlik oor die kinders ook , is dié wel volkseie of is dit aangenome volksvreemdes ?

[Werner Smook]

Sanderis

Alhoewel die volkskap dalk 'n interessante debat kan wees, is hier nie sover ek kan sien, 'n opmerking daaroor gemaak nie.  Die feit dat hul lesbies maak van dit 'n gruwel (ek gril regtig daarvoor), dink net, "haar vrou" of "sy man".  Dit hoort nie so nie, om dit sag te stel.

Die kersie op die koek is natuurlik die kinders, nie noodwendig volksvreemdes nie, maar definitief aangeneem, omdat 'n homoseksuele huwelik nie kinders kan voortbring nie.  Daarom dat God man en vrou vir mekaar geskape het.

Dit net 'n kort gedagte of twee van my in die verband...

[Werner Smook]

Oue se vrees: ‘Net nie verkrag’

’n Week ná die aanval is die kant van me. Renske Cowan (75) se gesig, nek en skouer steeds blou waar ’n aanvaller haar gewurg en met ’n telefoon in die gesig geslaan het. Haar neus is in die aanval gebreek. (Foto: Wolfram Zwecker)

2010-10-28 21:46



Wolfram Zwecker

‘Ek het net die hele tyd gedink: Moet my net nie verkrag nie, want dan maak ek myself dood.”

So het ’n vrou (75) van Primrose in Germiston aan die Oos-Rand gister vertel van haar vrees toe ’n inbreker haar geslaan en op haar gesit het om geld en juwele van haar te kry.

Me. Renske Cowan was verlede Dinsdag alleen tuis.

Die aanvaller het vermoedelik die agterdeur se veiligheidshek oopgebuig om in te kom.

“Ek het net so voor 13:00 gesit en TV kyk, toe ek net die beweging sien en sy arm wat my om die nek gryp. Ek het verskriklik geskrik.

“Toe ek skreeu, gryp hy die huistelefoon, slaan my deur die gesig daarmee en breek my neus.
 
“Hy pluk my toe van die stoel af en druk my gesig in die mat. Intussen loop die bloed van my neus en mond als in my keel en ek kry nie asem nie,” het Cowan gesê.

Die inbreker het haar deur die huis na die kamer van haar dogter, Lucia (36), gesleep en haar hande met ’n koord vasgebind.

“Ek het toe maar bedeesd en inmekaargekrimp op die stoel gesit en na die vloer gekyk terwyl my gesig en neus bloei, te bang om op te kyk en hy weer slaan as ek vir hom kyk.

“Hy hardloop toe in die huis rond en soek geld en juwele. Ek wys toe vir hom die paar juwele wat ons het, maar dié is nie goed genoeg nie. Die bietjie geld wat ek hier gehad het, het hy gevat.

Hy soek toe iets om die goed in te sit, toe wys ek vir hom ’n tas waarin hy toe die DVD-speler en my dogter se rekenaarmonitor insit en hy is daar weg,” het sy gesê.

Sy het nog ’n rukkie gewag, haar hande losgewikkel en hulp by die bure, me. Hetta Barnard, gaan soek. Hulle het die polisie en ambulans gebel.

In die hospitaal is sy “van kop tot toon” ondersoek.

Haar neus is gebreek, haar handbeentjies is gekraak en die binnekant van haar mond was heeltemal stukkend.

“Ek kon net met ’n strooitjie eet.”


http://www.beeld.com/Suid-Afrika/Nuus/Oue-se-vrees-Net-nie-verkrag-20101028

[Werner Smook]

Susters gekaap op dieselfde plek, dag

Mev. Rita Cloete kort voordat sy gistermiddag aan die gewrigte en hande geopereer is. (Foto: Wolfram Zwecker)

2010-10-29 21:32


Wolfram Zwecker

Twee susters, een van Potchefstroom en een van Springs, was op dieselfde dag en op dieselfde plek, agt uur uit mekaar, betrokke in kapingsdramas.

Albei mev. Rita Cloete (72) van Potchefstroom se polsgewrigte is gebreek in die kaping voor haar suster, mev. Lida Prinsloo, se huis in Eastvalestraat, Springs.

Die nagmerrie het eergister omstreeks 12:00 begin toe Prinsloo by haar hekkie stilgehou het.

“Die volgende oomblik was hy op my en skreeu in Afrikaans: ‘Ek gaan jou skiet’, en ruk die bondel sleutels uit my hand.

“Hy spring in die motor, jaag weg, maak ’n draai en ry my nog amper raak ook,” het sy gistermiddag vertel.

Intussen was mev. Cloete en haar man, mnr. Martin Cloete (67), van Potchefstroom op pad na Springs om ’n kas by Prinsloo te kom aflaai.

“Nadat ons die kas afgelaai het, het ek en my vrou ’n paar goedjies gaan koop en was so teen 19:30, 20:00 weer by die huis. Ek het met die Nissan-bakkie op die sypaadjie stilgehou toe ’n motor stadig verby ry en stilhou.

“Een van die mans klim uit en stap nader terwyl ek ook uitklim. Ek het gedink hy soek aanwysings of so iets. Toe pluk hy sy vuurwapen uit en rig dit op my.

“Hy skreeu: ‘Get down, get down’, maar ek sê ek kan nie, want ek het ’n knievervanging gehad en kan nie kniel nie. Hy skreeu ek moet lê, anders skiet hy my,” het mnr. Cloete gistermiddag gesê.

Intussen het die ander kapers om die bakkie beweeg en sy vrou uitgepluk. Sy het blykbaar uit skok haar handsak teen haar bors gedruk, wat die kapers laat vermoed het sy het iets waardevols daarin.

Hulle het haar op die grond gegooi, haar met ’n geweerkolf agter die kop geslaan en toe sy lê op haar polsgewrigte getrap.
Prinsloo wat in die huis was, het gesien wat buite gebeur en haar dogter, Riette Trollip (50), en ’n huisvriend, mnr. Jeff Reece, geroep.

Volgens mnr. Cloete het een van die kapers Reece sien kom en twee skote in sy rigting gevuur. Reece is nie getref nie en het op die grond geval en is daarna weer die huis in.

Hulle kon daarin slaag om die veiligheidsdeur te sluit voordat die aanvallers daaraan begin pluk het.

Voordat Reece homself, Prinsloo en Trollip in die badkamer toegesluit het, het een van hulle daarin geslaag om die noodknoppie wat die sirene laat afgaan te druk.

Toe die sirene begin loei het die aanvallers in hul motor gespring en weggejaag.

“Hulle het al ons kaarte, selfone, ID en so R5 000 gevat. Maar ons leef en is dankbaar daarvoor,” het mnr. Cloete gesê.

Mev. Cloete is gistermiddag aan haar twee gewrigte en hande in die Parklands-kliniek in Springs geopereer. Volgens haar dogter, me. Estelle Verwey, ook van Potchefstroom, sou hulle van die beentjies verwyder wat versplinter het.

“Ek is net dankbaar, dit kon erger gewees het,” het mev. Cloete gesê kort voordat sy geopereer is.

Volgens Verwey is haar ma ’n diep gelowige mens wat al klaar vergewe het. Prinsloo het berading gekry ná die kaping.

Chanelle Rebello (4), Trollip se kleindogter wat by Trollip en haar oumagrootjie gekuier het, het in die stort agter die gordyn weggekruip. Sy het eers weer uitgekom toe die polisie en ambulansmanne al daar was.


http://www.beeld.com/Suid-Afrika/Nuus/Susters-gekaap-op-dieselfde-plek-dag-20101029

[Werner Smook]

Rowers martel en slaan verlamde (67)

Mnr. Chris Bronkhorst kort ná die aanval en marteling deur vier gewapende mans.

2010-11-02 22:43

André Damons

Rowers het ’n 67-jarige gedeeltelik verlamde man met smeltende plastiek gemartel en met ’n sambok geslaan.

Mnr. Chris Bronkhorst van Walkerville, suid van Johannesburg, is met onder meer bloeding op die brein in die hoësorgeenheid van die Milpark-hospitaal in Johannesburg opgeneem.

Hy is sedert sy tweede beroerte verlede jaar gedeeltelik verlam in sy linkerarm en sleep sy been wanneer hy loop.

Hy het ook geheueprobleme.

Bronkhorst se vrou, Hester (60), ’n apteekassistent, is eergister ná 08:00 werk toe.

Vier mans het hom tussen 09:00 en 10:00 in die kombuis van hul huis op ’n hoewe oorval en aangerand.

Mev. Bronkhorst het gesê haar man se aanvallers moes haar dopgehou en toegeslaan het nadat sy weg is.

“Ek bel hom elke dag van die werk af, maar was Maandag baie besig en het nie kans gekry nie.

“Toe ek hom bel, het iemand geantwoord, maar die foon toe doodgedruk. Ek kon swart mans se stemme op die agtergrond hoor en het ons buurman gebel om te gaan kyk wat aangaan,” het mev. Bronkhorst gesê.

Mnr. Bob Rassert, die buurman, het gesê hy het geroep, maar mnr. Bronkhorst het nie geantwoord nie.

Toe mev. Bronkhorst ná 13:00 tuis kom, kon sy nie by die huis inkom nie omdat die booswigte haar man toegesluit en met die sleutels gevlug het.

Sy het van buite af met hom gepraat en hy het gesê is oukei.

Sy het ’n ekstra sleutel van hul huis by die bure gekry en haar man bloeiend agter die deur in die kamer gevind. “Daar was ’n bloedkol teen die kombuismuur só hard het hulle hom teen die muur gestamp. Hy is ook met ’n sambok oor die rug geslaan,” het mev. Bronkhorst gesê.

Die booswigte het mnr. Bronkhorst se hande ook met smeltende plastiek gebrand toe hulle nie wapens in die kluis kry nie.

Hulle het hom uit die kombuis na die kamer gesleep waar hulle hom gemartel het.

Die hele huis was omgekrap.

“Dit is ’n skok om jou man so te sien lê. Jy weet nie of hy lewe nie. Toe ek hom bel en hy antwoord nie, het ek geweet daar’s fout. Ek het gedink hy is dood,” het mev. Bronkhorst gesê.

Die booswigte het met onder meer juwele, ’n selfoon, horlosie en geld gevlug.

Die buit is sowat R10 000 werd.

Mev. Bronkhorst het gesê haar man onthou nie veel van die voorval nie.

“Watter mense brand plastiek op iemand se hande? Dit is nie mense wat dit doen nie,” het me. Caroniena Cameron, mev. Bronkhorst se suster, gesê.

Kapt. Shado Mashobane, polisiewoordvoerder, het gesê niemand is nog gearresteer nie.


http://www.beeld.com/Suid-Afrika/Nuus/Rowers-martel-en-slaan-verlamde-67-20101102

[Ben Geldenhuys]

Mnr. Chris Bronkhorst kort ná die aanval en marteling deur vier gewapende mans.

[Sanderis]

Die kersie op die koek is natuurlik die kinders, nie noodwendig volksvreemdes nie, maar definitief aangeneem, omdat 'n homoseksuele huwelik nie kinders kan voortbring nie.  Daarom dat God man en vrou vir mekaar geskape het.

Werner , jy behoort my beter te ken as om vir my te preek oor homoseksualiteit ; ek keur dit beslis ook nie goed nie maar dit verander nie die feit dat dit nie volksvreemdes is nie . Die opkskrif van die spesifieke draad is tog "aanvalle op volksgenote " , of het ek dit nou verkeerd ?
Oor die kinders , nie noodwendig nie ; dit kan kinders van 'n vorige normale huwelik ook wees .