Volksraad inhuldiging op Radio Pretoria

[Alwyn]

Goeie dag Willie,

Na my aanvanklike teleurstelling dat Radio Pretoria nie die nuuskonferensie waar die Volksraad aangekondig is, direk uitgesaai het nie, wil ek graag ’n beroep op die Radiostasie doen om wel die inhuldiging eerskomende Maandag 10 Oktober 2011 direk uit te saai.

As na die stem persentasies in Radio Pretoria se opvangsgebied gekyk word, kan ’n mens sien dat die radio ’n groot impak op die aantal stemmers in daardie streke gehad het. Dit beteken dus dat die radio se luisteraars ook ondersteuners van die VVK was. Omdat almal nie fisies by die inhuldiging kan wees nie, sal hulle dit sekerlik waardeer as hulle die stukkie geskiedenis op die radio kan volg.

Ek sal verheug wees as dit die geval is.

Boere groete,

 
Alwyn de Klerk
Staatspresident: Bravoland

[Alwyn]

Bravolanders, indien julle my mening deel kan julle soortgelyke e-posse stuur aan bestuur@radiopretoria.co.za of willie@radiopretoria.co.za

[Sanderis]

Ek het baie vrae aan RPTA , ongemaklike vrae wat ek nie rerig hier wil bespreek nie en die ergste is dit is nie eers my eie vrae nie maar vrae van mense wat my vra wat nou aangaan met RPTA . Nou wat moet ek hulle antwoord ?

Ai ....

[Clem de Klerk]

Ek het min vrae aan die Radio te vra, maar baie vrae wat die direksie moet antwoord - maar hulle verkies om volstruis te speel - reageer nie daarop nie !!

[Clem de Klerk]

Kyk weer na die Missie van Radio Pretoria en toets die uitsendings daaraan:

 
Missie van Radio Pretoria
 Om die samehorigheid van Boere-Afrikaners te versterk en die handhawing en uitbouing van die volksidentiteit te bevorder, deur radio-uitsendings aan diegene wat toegewyd is aan die behoud van:

 Sy Protestants-Christelike herkoms en Wes-Europese taal en kultuur-erfenis, wat hom onderskei van ander Afrika-kulture, d.w.s. sy Westerse eiesoortigheid in Afrika, ook ten dienste van sy buurvolke in Afrika.

 Die unieke merktekens van sy groei uit Afrikagrond wat hom van ander Westerse kulture onderskei, dit is, sy Boere-Afrikaner-identiteit in die wêreld.

 Die vryheids- en selfbeskikkingselemente van sy kultuur, wat oor 350 jaar in Afrika gegroei het, wat internasionaal bekend is, en wat vir hom wêreldwyd agting afgedwing het.

 Afrikaners wat hulle met bogemelde vereenselwig is Boere-Afrikaners. Hulle trek duidelike grense tussen beproefde waardes en degraderende verskynsels van populêre maar verbygaande aard.

[Sanderis]

Afrikaners wat hulle met bogemelde vereenselwig is Boere-Afrikaners. Hulle trek duidelike grense tussen beproefde waardes en degraderende verskynsels van populêre maar verbygaande aard.

Standvastigheid ; dit help nie om 'n huis op dryfsand te bou nie .

[Adri van Staden]

Sopas gehoor dat die inhuldiging wel gedek gaan word, en wel deur Mariaan Roos. Interessant. Baie interessant!

[Kleinbekkie]

Oomdoom, ek ken nie eintlik RPT se omroepers en verslaggewers nie. Kan u asb so klein bietjie uitbrei, want die nuuskierigheid het my nou beet 

[Ben Geldenhuys]

KB,

Mariaan Roos is Oom Andries Breytenbach se dogter.

[Kleinbekkie]

Dankie Ben!

[Alwyn]

Sopas gehoor dat die inhuldiging wel gedek gaan word, en wel deur Mariaan Roos. Interessant. Baie interessant!

Dis uitstekende nuus! Miskien het die paar e-posse gehelp.

[Adri van Staden]

KB,

Mariaan Roos is Oom Andries Breytenbach se dogter.

Is dít so? Nooit geweet nie. G'n wonder ek is so mal oor haar nie!