Re: Kaapkolonie byeenkoms

[Sarie Marais]

[Kleinbekkie]

Haai daar Liezl, ek het regtig nie 'n idee nie. Ek sal gou uitvind en dit hier plaas. Verder is alles darem nog basies soos ons beplan het. Sien baie uit daar na om julle te ontmoet!

[Kleinbekkie]

Ag dit sal wonderlik wees, baie dankie Liezl. Ek is regtig jammer dat ek nie iets terug laat weet het nie, maar ek was omtrent vas by die werk.

[Sarie Marais]

Moenie bekommer nie man, ek het nou eers weer ingegaan om te kyk, was self maar erg besig vandag.  Willie sal more die kaart opsit.

[Kleinbekkie]

Ons sal heel moontlik nie die dienste van Gerrie Smith he nie, want dit blyk dat die belangstelling te min is vir sy uitgawes. Daar sal wel iemand wees wat die opleiding kan verskaf indien iemand dit verlang. Verder gaan ons kuier dat die biesies bewe.

[Kleinbekkie]

Jammer Skillie, ek kry ook nie die kaart aangeheg nie. Elkeen wat die kaart na Kraaifontein skietbaan soek, laat weet my, dan faks ek dit deur. Dit is nou vir eerskomende Saterdag se byeenkoms.

[Van der Walt]

Julle ouens moet hierdie byeenkoms geniet. 

[Kleinbekkie]

Sannie, moet ons jou invoer?

[Van der Walt]

Goeie idee.  Ek dink dit is net bietjie op kort kennisgewing.  Sal maar moet wag tot die naweek van die 9de om van die Bravolanders te ontmoet. 

[Ben Geldenhuys]

KB,

Wil julle nie asb vir ons vertel hoe was julle dag gewees nie?

[Kleinbekkie]

Ben, dankie vir die belangstelling.

Ons was nogal ietwat teleurgesteld, want die opkoms was maar baie swak. 'n Paar mense het heelwat rondtes gaan leegmaak op die baan en so aan, maar verder het ons sommer net lekker gesels.

[Kleinbekkie]

Ons beplan weer so 'n samekoms in die Wes-Kaap. Almal wat belangstel om te kom, kan gerus begin help om 'n plek en datum vir 'n naweek in Maart te kom voorstel.  Dit gaan net 'n lekker kuier naweek wees.

[Kleinbekkie]

Net 'n herrinnering aan die Kapenaars en ander belangstellendes. Ons beplan weer 'n Boere kuier naweek iewers in Maart. Gee asb. voorstelle vir plek en datum. Ek hoor graag van julle.

[Ben Geldenhuys]

Lekkerkry?

[Kleinbekkie]

Ai Ben, ek kan alreeds nie Majuba toe gaan nie, so moenie dit nog erger maak nie. Sou regtig baie graag op Lekkerkry wou kuier.

Ek wag nog dat hier 'n paar Kapenaars moet antwoord op die idee.

[Plaas Botha]

Val Hartenbos in die Wes-Kaap?

[Kleinbekkie]

Altyd, Plaas

[Kleinbekkie]

'n Klompie van ons Kapenaars wat nie die voorreg het om wel Majuba by te woon nie, het besluit om in herdenking van hierdie oorwinning, self iets te doen. Die beplanning is nog bietjie in die babaskoene. Die idee is om Saterdag 23 Februarie 2008, 'n optog met vlae deur Vredendal se hoofstraat te doen. Heel moontlik ry ons die Vredendal, Klawer,  Vanrhynsdorp driehoek afhangende van die toestemming van die polisie. As dit moontlik is, wil ons graag iewers 'n klipstapeltjie oprig.

Die idee is nie om Majuba te ondermyn nie, maar eerder ons Kapenaars se trou aan ons Volk te bevestig. 

Almal wat daardie dag saam met ons aan die optog wil deelneem is welkom om my te kontak vir meer inligting of selfs hier op die draad te pos.

Groete
KB

[Ben Geldenhuys]

Dit is 'n wonderlike gedagte! Ek hoop julle gaan voort daarmee.

Ek hoop ook die Bravolanders in die buiteland (ek weet hier is mense van Engeland, Australie, NZ, VSA en Kanada) neem kennis!

[Kleinbekkie]

Die roetes word more met die toepaslike owerhede bespreek, tot dusver is hulle heel positief. Ons onderhandel nog net oor 'n plek om die klippe te pak.

Agterna gaan ons net lekker kuier, as daar mense is wat graag wil oornag, julle is baie welkom, ons sal iets kan reel.