Die Afrikanerfront (AF) het met ontsteltenis kennis geneem dat die omstrede onteieningswet weer
aanstaande jaar in die Parlement ter tafel gelê gaan word.
Dié verwikkeling is nie onverwags nie. Toe die wet teruggetrek is, het ons gewaarsku dat dit net ‘n
tydelike skuif sou wees en dat volksgenote te wagte moes wees dat die Wet ná verlede jaar se
algemene verkiesing weer na vore gehaal sou word.
Daar word voorsien dat die wysigings wat nou aan die Wet aangebring word, van mindere
betekenis sal wees en dat die angels daarin behoue sal bly, aangesien dit die uitgesproke doel van
die ANC-regime is om “transformasie” te bespoedig en te vergemaklik.
Vir ons volk beteken “transformasie” eenvoudig dat ons vaderland en ons historiese erfenis verder
onder ons uit geroof en van ons vervreem word. Die AF is daartoe verbind om vryheidsgesinde
volksgenote saam te snoer en die Wet met die middele tot ons beskikking teen te staan.
Terwyl dit belangrik is om ons volk se stoflike en geestelike eiendomlike met al ons kragte te
behou en te beskerm, kan dit op die duur slegs gewaarborg word in ‘n eie soewereine staat wat op
Christelike beginsels gebou en regeer word en onder gesag van ons eie volk staan. Die verkiesing
van ‘n eie Volksraad is ‘n belangrike stap in die proses om dié doel te bereik en met die oog
daarop doen die AF ‘n beroep op volksgenote om in groot getalle op die volkskieserslys wat deur
die Volksraad Verkiesingskommissie (VVK) geadminstreer word, te registreer.
A.E. Breytenbach
