Oor die jare het skrywers en lesers toenemend die waarde van die geskrewe woord besef. In vele gevalle het die geskrewe woord as riglyn gedien vir nakomelinge. Anders as dit wat gesê is, is dit wat geskryf staan, feitlik onuitwisbaar.

Ons kan met redelike sekerheid aanvaar dat daar te veel waarhede gesê is wat uiteindelik verlore gegaan het omdat dit nooit neergeskryf is nie. Ewe so kan dit gestel word dat daar waarskynlik baie geskryf is, wat liefs nie op papier moes kom nie omdat dit iemand tot nadeel gestrek het….

In Bravoland is daar baie onderwerpe aangeraak – en alles daarvan is geskryf sodat diegene wat Afrikaans kan lees en verstaan, dit onder die oë kan kry. Op die forum word groot waarhede op skrif gestel wat uiteindelik onuitwisbaar ’n invloed uitoefen op iemand.

Hierteenoor is woorde wat nie geskryf is nie, geneig om weg te raak, of verdraaid te raak deur diegene wat daarna geluister het. ’n Uitstekende voorbeeld is die Radio – en meer spesifiek Radio Pretoria. Daar word ’n duisternis dinge gesê wat deur baie mense gehoor word, maar uiteindelik verdwyn die meeste van dit wat gesê is. Soms gebeur dit dat dit wat gesê is, verkeerd vertolk word omdat dit nie herhaal word nie.

As die vêr-linkse omroeper dan sê dat die persoon wat betaal het om ’n renoster te skiet in een of ander reservaat, eerder geskiet moet word, onthou net ’n paar mense die growwe uitlating wat gemaak is.

Daarom is dit goed dat die tegnologie so goed gevorder het dat alles wat gesê word, ook geskryf kan word sodat dit onveranderbaar staan om nimmer betwis te word nie. So sal die geskrewe woord van die Radio se bestuurdertjie ook onuitwisbaar bly toe hy gereken het dat dit onvanpas sou wees om Marnitz aan te spreek oor sy uitlating.

In die jare wat kom gaan daar nog baie geskryf word oor die wel en wee van die Boere-Afrikaner. Daar sal nog geskryf word oor die nuwe generasie hensoppers en hans-kakies, van werklike helde wat rotsvas staan in die stryd om volksvryheid te herwin.

Netso sal daar nog baie geskryf word oor rasgemengde vakbonde wat Radiostasies kaap, wat selfs die linkse FAK onder hul vlerk geneem het omdat hulle self ook links-liberaal is.

Maar die geskrewe woord sal ook ’n duidelike riglyn bly vir die geslagte wat kom oor “wie het wat gedoen” en wie het die vyand omhels terwille van geld en aansien….. iets wat ook sy littekens gelaat het na afloop van die Tweede Vryheidsoorlog.

Hieroor gaan nog baie woorde op papier verskyn – en die ou tegniek sal dan weer na vore tree:

Ontkenning dat die koers aangepas is.

Om die feite te verdoesel, word daar so af en toe ietsie mooi kwytgeraak, maar die geskrewe woord sal vas bly staan vir ieder en ’n elk om dit te lees……….

LIBERALISTE REGEER

Dit is alom bekend dat die grootste deel van die wêreld deur liberaliste regeer word. In enkele gevalle is ’n behoudende konserwatiewe regering aan bewind. Oor dekades, dalk oor eeue heen, is daar ’n stryd tussen konserwatisme en liberalisme.

In die geledere van ons volk bestaan hierdie stryd sedert die koms van Van Riebeeck in die dae toe die Vryburgers weerstand probeer bied het teen die liberale neigings van daardie tyd.

Nader aan die hedendaagse is die stryd wat voor 1994 geduur het – toe die konserwatiewes op die punt gestaan het om die regering te word, maar die liberaliste, getrou aan hulle werkswyse, het met verneukery die volk op ’n dwaalweg laat beland en uiteindelik die mag oorgegee aan die kommuniste. Dit is vandag in die volksmond bekend as die FW de Klerk-verraad. Broederbonders het die NP struktuur gebruik om die oorgawe sonder haakplek te bestuur.

Wat kenmerkend is van die werkmetodes van die linkses, is die vermoë om die waarheid nek om te draai. Wanneer linkses aangekla en beskuldig word van ’n beleid wat afstuur op oorgawe, dan word dit heftig ontken en word daar selfs bewyse voorgehou om die teendeel te bewys. Ons onthou mos die eie skole, woonbuurte en ’n Grondwet wat almal beskerm…..

Nou sien ons iets in die kleine wat hom herhaal. Vêr linkses doen hulle voor as behoudendes en vorm vandag die segsmanne binne die eens pragtige volksradio. Klagtes word summier geïgnoreer want dit is onvanpas om te kla. Links-liberales word dié wat koers aandui saam met ander wat permanent-tydelik of tydelik-permanent baasspeel. Tot gister was hulle te lafhartig om deel van die stryders te wees, maar toe die Radio ’n vyfjaar lisensie bekom, word die aas net te aantreklik.

Een “nuweling” is bekend daarvoor dat hy ’n weersin het in alles wat konserwatief is, maar hou deesdae sy lyf amper-Boer omdat dit hom pas. Hy het ’n voorliefde vir Neger sangers en kan nie genoeg melding maak van sy swart sport helde nie. Hy kla oor die toestande in die land,  maar het tog gestem vir die nuwe bedeling. Hy is vêr-links en ’n opperste liberalis en eintlik ’n DA mannetjie.

Nie een van hierdie twee jafels is ondersteuners van die stryd om volksvryheid nie – een van hulle het inderhaas geregistreer by die VVK  toe hy agterkom hy gaan in ’n blik gedruk word. Die ander een probeer om die DA se belange te bevorder by die Radio …. en so, stap vir stap, liberaliseer hulle die struktuur totdat die luisteraars (te laat) agter die waarheid kom. Luister na die nuuskommentaar – dit is nie meer volksgerig nie en dit is duidelik dat die skrywers daarvan opdrag gekry het. Daar is natuurlik ook die kêrel wat by ’n vorige geleentheid weg gedros het toe hy verneem dat hy dissiplinêr verhoor gaan word weens sy liederlike geaardheid. Deesdae laat hy mense heerlik lag vir sy sopraan stem as hy opgewonde raak oor kleinighede….

Konfronteer die direksie of bestuur en alles word ontken – soos die NP van weleer, sal daar selfs bewyse voorgehou word om die teendeel te probeer bewys. Effektief word daar intelligente argumente gebruik om van konserwatiewes ontslae geraak en word ’n paar swakkelinge in plek geplaas sodat geen weerstand ondervind word nie.

’n Klompie linkse direkteure het ander direkteure met ’n geld-geelwortel betower en is hulle op een na, deesdae in hulle noppies met die nuwe linkse rigting…….

Dit is jammer dat die goeie werk van byna twee dekades so gou tot niks gemaak kan word. Dit is egter niks nuut nie. Dit neem mens terug na die slinkse wyse waarop Volkskas gekaap is en in die hande van die Britte beland het. Nou, na baie swoeg en sweet kom ’n koöperatiewe instansie op die been om daardie funksie oor te neem in belang van ons volk.  Dan wonder jy hoe lank daardie nuwe instelling, Oranjekas, in die hand van die volk gaan bly voordat ’n bepaalde veelrassige vakbond ook hier sy lang seekat arms gaan vou om dié instelling –  soos wat hulle met die Radio gedoen het.

Na buite, steeds ontkennend dat hulle links-liberaal is, ontkennend dat hulle kapers is, ontkennend dat hulle net kulturele vryheid ondersteun, stoomroller die veelrassige vakbond voort en sleep die direksie met hulle saam….. . Hierin speel mense wat as konserwatief behoudend geag word, ’n beduidende rol – direkteure wat nou hulle ware kleure wys sit ewe vroom tussen die opperste liberaliste – en alle waarskuwings en beskuldigings wat teen hulle ingebring word, word ontken.

Om jou te beïnvloed, speel hulle vir jou Bok se De La Rey en boeremusiek…….

So regeer die liberalis – hy verdeel om te heers – en hy heers om opponente te verdeel…….